Дэлхий дахинд
Тагнуулын хэрэгт сэжиглэгдсэн Өмнөд Солонгосын иргэн ОХУ-д баривчлагджээ
Энэ оны эхээр Өмнөд Солонгосын иргэн ОХУ-д тагнуулын үйл ажиллагаа явуулсан хэрэгт сэжиглэгдэн баривчлагдсан тухай ТАСС агентлаг өчигдөр мэдээлжээ.
Анх удаагаа Өмнөд Солонгосын иргэн тагнуулын хэргээр баривчлагдсан тохиолдол болохыг тус агентлаг баталсан байна.
Нэгдүгээр сард Алс Дорнодын Владивосток хотод баривчлагдсан Бэк Вон Сүн гэдэг нэртэй эрэгтэйг хоёрдугаар сарын сүүлээр Москвад хүргэсэн тухай мэдээлжээ.
Одоо тэр Лефортовогийн шоронд хоригдож байгаа бөгөөд өчигдөр буюу Даваа гарагт шүүх түүний хоригдох хугацааг зургаадугаар сарын 15 хүртэл сунгах шийдвэр гаргасан байна.
Сэжигтэн “төрийн нууцад хамаарах мэдээллийг гадаад улсын тагнуулын байгууллагад дамжуулсан” шалтгаанаар баривчлагдсаныг Оросын албаны эх сурвалж ТАСС агентлагт ярьжээ. Уг хэрэг “маш нууц” ангилалд багтаж буй тул илүү дэлгэрэнгүй мэдээлэл өгөөгүй гэнэ.
Сүүлийн нэг жил орчим хугацаанд ОХУ-ын эрх баригчид янз бүрийн шалтгаанаар гадаадын иргэдийг олноор баривчлаад байгаа.
Өнгөрсөн оны гуравдугаар сард ОХУ-д томилолтоор ажиллаж байсан “The Wall Street Journal” сонины сэтгүүлч Эван Гершкович тагнуулын хэргээр баривчлагдсан юм.
Аравдугаар сард Орос-Америкийн давхар иргэний харьяалалтай сэтгүүлч Алсу Курмашева гадаадын агентын бүртгэлээ хийлгээгүй шалтгаанаар саатуулагдаж, сүүлд Оросын зэвсэгт хүчний талаар худал мэдээлэл тараасан хэрэгт буруутгагдаж байв.
Өнгөрсөн сард мансууруулах бодис хилээр нэвтрүүлэхийг завдсан хэргээр Германы иргэн саатуулагдсан бол Орос-Америкийн давхар иргэний харьяалалтай Ксения Хавана гэдэг эмэгтэй эх орноосоо урвасан хэргээр баривчлагдсан байна.
Гадаадын иргэдийг Оросын эрх баригчид өөрийн гадаадад хоригдож байгаа иргэдийг солилцоход ашиглах зорилгоор баривчилдаг гэсэн шүүмж яригддаг.
Оросын засгийн газар үүнийг байнга үгүйсгэдэг.
АНУ-ын сэтгүүлч Гершкович мөн Лефортовогийн шоронд хоригдож байгаа юм.
Хатуу ширүүн нөхцөлөөрөө алдартай уг шорон бүр Хаант засгийн үед байгуулагдаж байсан бөгөөд Зөвлөлтийн үеийн хэлмэгдүүлэлтийн аймшигт бэлэг тэмдэг болдог ажээ.
Дэлхий дахинд
Кени улсад үерийн улмаас 71 хүн амь насаа алдаж, 110 хүн эмнэлэгт хүргэгджээ
Кени улсын Накуру мужийн Май Махиу хотын ойролцоо болсон үерийн улмаас 71 хүн нас барж, 110 хүн эмнэлэгт хүргэгдсэн гэж тус мужийн захирагч Сюзан Кихика өчигдөр мэдэгджээ.
Тус хотын үерийн далан сэтэрч, төмөр замын доогуурх гармаар дамждаг ус зайлуулах хоолой бөглөрснөөр хот үерт автжээ.
Үүний улмаас мод үндсээрээ булгарч, тээврийн хэрэгсэл болон байшингууд олноор урсаж, олон хүн амь насаа алдсан байна.
Аврах багийнхан үүссэн шавар, хог хаягдлыг цэвэрлэж байгаа бөгөөд амиа алдагсдын тоо нэмэгдэж болзошгүй байгаа аж.
Кени улсад гуравдугаар сараас хойш бороотой байгаа бөгөөд энэ хугацаанд 103 иргэн амиа алдаж, олон мянган айлыг нүүлгэн шилжүүлээд байна.
Түүнчлэн сүүлийн жилүүдэд орсон борооны нөлөөлөл олон газарт мал аж ахуй, газар тариаланг устгаж, өлсгөлөн, усны хомсдолд оруулаад байгаа талаар Засгийн газрын Хэвлэлийн төлөөлөгч Исаак Майгуа мэдэгдлээ гэж ОБЕГ-аас мэдээллээ.
Дэлхий дахинд
Японд газар хөдлөлтийн улмаас есөн хүн хөнгөн гэмтжээ
Дэлхий дахинд
АНУ-ын Ерөнхийлөгч асан Дональд Трампд холбогдох эрүүгийн хэргийн анхны шүүх ажиллагаа эхлэв
АНУ-д Ерөнхийлөгч асан Дональд Трампын эсрэг дөрвөн ч эрүүгийн хэрэг үүсгэн шалгаж байна.
Тэгвэл энэ хэргүүдийн эхнийх нь буюу хувийн мэдээллээ далдлах зорилгоор төлбөр хийсэн гэх хэргийн шүүх ажиллагаа Нью-Йоркийн шүүх дээр эхэлж байгаа тухай олон улсын хэвлэлүүд мэдээлж байна.
Шүүхийн ялын тогтоол гартал нэгээс хоёр сар үргэлжилж болзошгүй гэж тооцогдож байгаа энэ шүүх ажиллагаагаар өдгөө 77 настай Дональд Трампын 2016 оны Ерөнхийлөгчийн сонгуулийн өмнө насанд хүрэгсдийн киноны жүжигчин Сторми Дэниелс хэмээх эмэгтэйд дотно харилцаатай байснаа нууцлахыг даалгаж өмгөөлөгчөөрөө дамжуулан 130 мянган ам.доллар төлсөн, үүнийгээ ажил хэргийн нөхцөлийн дагуух хууль ёсны төлбөр мэтээр санхүүгийн хуурамч баримт бүрдүүлсэн хэрэгт өнгөрсөн оны гуравдугаар сард эрүүгийн хэрэг үүсгэсэн хэргийг хэлэлцэнэ.
Прокуроруудын зүгээс Дональд Трампын энэ үйлдлийг сонгуулийн боломжид нь нөлөөлж болзошгүй гэдэг үүднээс мэдээллийг нуун далдлахыг завдсан хэрэг гэж үзсэн.
Ирэх 11 дүгээр сард болох АНУ-ын Ерөнхийлөгчийн сонгуульд Бүгд найрамдах намаас нэр дэвших эрхээ долоодугаар сард болох намынхаа их хурлаас баталгаажуулахаар зэхэж байгаа Дональд Трамп харин өөрт нь тулгаж байгаа бүх гэмт хэргийг үндэслэлгүй гүтгэлэг гэж үгүйсгэдэг.
Тэрбээр шүүх танхимд орох үедээ ч гэсэн “Улстөрийн мөрдлөг хавчлага болж байна” гэдэг байр сууриа сэтгүүлчдэд илэрхийлжээ.
Үүнээс гадна экс Ерөнхийлөгчийг төрийн нууцын зэрэглэлтэй баримт бичгүүдэд хайхрамжгүй хандсан, 2020 онд өөрийн ялагдал хүлээсэн Ерөнхийлөгчийн сонгуулийн дүнг цуцлуулах санаархлаар үйлдсэн гэдэг өөр хоёр гэмт хэрэгт нийт 34 зүйл ангиар буруутгасан.
Сүүлийн хоёр нь, 2021 оны нэгдүгээр сард Капитолын ордонд дайран орж, хүмүүс амь эрсдэхэд хүргэсэн үймээн самууныг өдөөн турхирсан, нөгөө нь Жоржия муж улсад мөн тэндхийн сонгуулийн үйл явцыг тасалдуулахыг завдсан гэх хэргүүд юм.
Үүний зэрэгцээ АП-Чикагогийн ИС-ийн дэргэдэх судалгааны төв хамтран явуулсан судалгаагаар, гурван америк хүн тутмын нэг нь Трампын мөнгө шилжүүлсэн үйлдлээ нууцалсан нь хууль бус, өөрөөр хэлбэл, гэмт хэрэг мөн гэж үзжээ.
Мөн тал шахам хувь нь бусад гурван гэмт хэрэгт ч Дональд Трампыг ямар нэг байдлаар гэм буруутай гэсний дээр, бүх шүүх үйл явц тэгэхдээ прокурорууд болоод шүүгчид нь зөв шударга ажиллаж, үнэн зөв шийдвэр гарна гэдэгт төдийлөн итгэлтэй бус байгаагаа илэрхийлжээ.
-
Нийгэм24 цаг өмнө
Маргаашаас дараах байршилд халуун ус хязгаарлана
-
Нийгэм23 цаг өмнө
Улаанбаатар-Прага чиглэлд нислэг үйлдэж эхэлнэ
-
Улс төр23 цаг өмнө
Улсын Их хурлын гишүүнд бие даан нэрээ дэвшүүлэх ажиллагаа эхэллээ
-
Энтертайнмент23 цаг өмнө
“ХАОС” экспериментал хөгжим, дүрслэх урлагийн олон улсын наадам зохион байгуулагдаж байна
-
Нийгэм22 цаг өмнө
Нийтийн тээврийн зарим чиглэлд түр өөрчлөлт оруулна
-
Улс төр22 цаг өмнө
Монгол Улсын Их хурлын 2024 оны ээлжит сонгуульд нэр дэвшигчдийн анхааралд
-
Нийгэм22 цаг өмнө
Албан тушаалтны ашиг сонирхлын зөрчилд хамаарах 76 гомдол, мэдээллийг хянан шалгав
-
Нийгэм21 цаг өмнө
Б.Хулан, Т.Тулга, Э.Даваанасан нар олимпын эрхээ авлаа