Энтертайнмент
Жүжигчин Б.Тэргэл “Asian film awards 2024” наадамд “Best new comer” номинацийн ялагчаар шалгарлаа
Найруулагч П.Лхагвадуламын анхны бүрэн хэмжээний уран сайхны кино “Сэр сэр салхи” уран сайхны кино нь Хонгконгт 2024 оны 03 дугаар сарын 10-ны өдөр зохион байгуулагдсан “Asian Film Awards 2024” наадамд оролцож, Монгол Улсаас анх удаа “Best new director”, “Best new comer” төрөлд тус тус нэр дэвшиж, “Best New Comer” номинацийн ялагчаар гол дүрийн жүжигчин Б.Тэргэл шалгарлаа. Мөн Япон Улсын 19 дэх удаагийн Осакагийн Азийн Олон Улсын наадмын шилдэг киноны тэргүүн шагнал буюу “Grand prix” шагналыг тус тус хүртсэн. “Сэр сэр салхи” уран сайхны кино нь 2023 онд 80 дахь удаагийн Венецийн олон улсын кино наадмын “Оризонти” хэсэгт шалгарч, шилдэг эрэгтэй гол дүрийн шагналыг гол дүр Б.Тэргэл “Алтан арслан”-гийн эзэн болж байсан бол мөн энэхүү амжилтаа дахин бататгалаа.
Үүгээр ч зогсохгүй БНХАУ-ын 7 дахь удаагийн “Pingyao” олон улсын кино наадмын “Шилдэг Найруулагч” шагнал, 96 дахь удаагийн Академи Авардс-д Монгол Улсаа төлөөлөн оролцох киногоор нэрлэгдсэн “Сэр сэр салхи” уран сайхны кино Венецийн кино наадамд нээлтээ хийснээс хойш одоогоор дэлхийн 12 орны 15 гаруй кино фестивальд амжилттай оролцож, орон орны үзэгчдэд киногоо толилуулаад байна.
Тус киног Монголын “Гуру Медиа” ХХК, Францын Аврора Филмз, Португалын Uma Pedra nо Sapata, Голландын Volya Films, Германы 27 Films, Монголын Мобинетийн VOO компани, Монгол, Франц, Португал улсын Үндэсний Кино Урлагийн Зөвлөлийн тэтгэлэг, Берлин, Локарно, Доха, Роттердам ба Торино зэрэг олон улсын кино наадмын дэргэдэх сан, Францын АРТЕ ТВ-ийн суваг, олон улсын байгууллагын хамтын ажиллагааны дүнд бий болсон бөгөөд Соёлын яамны харьяа Кино урлагийн зөвлөлийн Кино урлагийг дэмжих сангаас тодорхой хэсэгт санхүүгийн дэмжлэг тус тус үзүүлснээр бүтээгдсэн.
Эх сурвалж: Соёлын яам
Энтертайнмент
“ХАОС” экспериментал хөгжим, дүрслэх урлагийн олон улсын наадам зохион байгуулагдаж байна
Соёлын яамнаас санаачлан 4 дэх жилдээ зохион байгуулж буй Дүрслэх урлагийн 7 хоног буюу “ART WEEK”-ийн хүрээнд “ХАОС” нэртэй экспериментал хөгжим, дүрслэх урлагийн наадмыг Монголын орчин үеийн урлагийг дэмжих холбооноос санаачлан толилуулж байна. Шинжлэх ухаан, технологийн дэвшлүүдэд түшиглэн хөгжим, дүрслэх урлагийн хязгааргүй боломжуудыг харуулж буй олон улсын түвшний томоохон уран бүтээлчдийн үзэсгэлэн, тоглолтуудаас бүрдэх уг наадам 2024 оны 5 дугаар сарын 10-20-ны өдрүүдэд зохион байгуулагдаж байна.
Netflix-ийн алдарт “Dark” цувралын хөгжмийн зохиолч Австрали гаралтай Исландын уран бүтээлч Бен Фрост “Predatory Chord” үзэсгэлэнгээ Ancore Event Hall-д, Tate Modern, Centre Pompidou, Венецийн биенналь тэргүүт эрин цагийн урлагийн нөлөө бүхий музей, олон улсын наадмуудад бүтээлээ толилуулж ирсэн Японы уран бүтээлч Риоичи Күрокава “re-assembli” үзэсгэлэнгээ Black Box Театрт, Сиднейн их сургуулийн медиа урлагийн профессор, уран бүтээлч Диана Честер, Монголын уран бүтээлч Ж.Ариунтуяатай хамтарсан “Зааг” үзэсгэлэнгээ Хаан Банк Галерейд дэлгэгдэн олны хүртээл болж байна хэмээн Соёлын яамнаас мэдээллээ.
Энтертайнмент
Монголын хэл хуурчдын анхдугаар чуулган боллоо
Монгол угсаатан Хэл хуурчдын холбооноос санаачлан Соёлын яам болон Засгийн газрын хэрэгжүүлэгч агентлаг Соёл Урлагийн Газар / Culture and Arts Authority, Соёлын Өвийн Үндэсний Төв, Tumen Ekh ensemble/official page/, Монголын Үндэсний Соёл, Амралтын хүрээлэн дэмжин Монголд анх удаа Хэл хуурчдын анхдугаар чуулганыг зохион байгууллаа.
Чуулга уулзалтаар хэл хуур тоглооч, өвлөн уламжлагч, судлаач, урлаачдыг бүртгэлжүүлэх, нэгдсэн мэдээллийн сан бүрдүүлэхийн зэрэгцээ хэл хуурыг түгээн дэлгэрүүлэх, олон нийтэд сурталчлах, хэл хуур хөгжмийн хэрэглээг нэмэгдүүлж, шинжлэх ухааны үндэслэлтэй судлан, хэл хуур хөгжмийн үйлдвэрлэл болон тоглолтын стандартыг бий болгох Монгол Угсаатан Хэл Хуурчдын Холбооны хэтийн зорилго, зорилтыг хэлэлцэж, Монголын Хэл хуурчдын Үндэсний наадмыг жил бүр Соёлын яамны ажлын хүрээнд зохион байгуулж байх боллоо гэж Соёлын яамнаас мэдээллээ.
Энтертайнмент
“Улаанбаатар Арт Вийк-2024” өдөрлөг зохион байгуулагдана
Дүрслэх урлагийн 7 хоног буюу “Art week” арга хэмжээ нь 2021 оноос Соёлын яамны санаачлагаар Соёлын бүтээлч сар аянаар хөгжүүлсэн төсөл хөтөлбөр бөгөөд МУЭ-тэй хамтран 3 дахь жилдээ энэхүү зохион байгуулагдаж байна.
Дүрслэх урлагийн салбарын шилдэг уран бүтээлчдийн нэн орчин үе болон бусад бүтээлүүдээс бүрдсэн “Art week 2024” дүрслэх урлагийн 7 хоног өдөрлөг “Чингис хаан Үндэсний музей”, Монголын Урчуудын Эвлэлийн Арт галерей, МУЭ-ийн Пассаж төв, МУЭ-ийн Уран бүтээлчдийн нэгдсэн урлан зэрэг нийт 4 объектын 3000м2 талбайд болно.
Дүрслэх урлагийн 7 хоног арга хэмжээний хүрээнд орчин үеийн дүрслэх урлагийн бүтээлийн үзэсгэлэн, холбогдох сургалтууд зохион байгуулагдахаас гадна Монголын урчуудын эвлэлийн сан хөмрөгт хадгалагдаж буй Чингис хааныг хаан ширээнд залж байгаа үйл явдлыг дүрсэлсэн Монголын хамгийн том 12х5 метрийн хэмжээтэй “ЧИНГИС ХААН” зээгт наамлын бүтээлийг “Чингис хаан үндэсний музей”-д дэлгэн үзүүлэх юм.
Түүнчлэн тус нэгдсэн үзэсгэлэн арга хэмжээний хүрээнд Монголын урчуудын эвлэлийн урлангууд, МУЭ-ийн 21 аймгийн уран бүтээлчдийг хамруулан “ARTFAIR” буюу дүрслэх урлагийн бүтээлийн үзэсгэлэн, уран бүтээлчидтэй уулзах уулзалт, бүтээлийн худалдаа, сургалтуудыг орон даяар 2024 оны 5 дугаар сарын 05-12-ны өдрүүдэд зохион байгуулах юм.
Ийнхүү энэ удаагийн “УЛААНБААТАР АРТ ВИЙК-2024” дүрслэх урлагийн үзэсгэлэн, арга хэмжээ нь хамрах хүрээ, ач холбогдлын хувьд өмнөх жилүүдээс илүү өргөн хүрээнд уран бүтээлчдийн болоод төрийн болон төрийн бус байгууллагуудын оролцоог ханган олон талт байдлаар зохион байгуулагдаж байгаагаараа онцлог болж байна гэж Соёлын яамнаас мэдээллээ.
-
Нийгэм23 цаг өмнө
Соёлын биет өвийн эд зүйлсийг хууль бусаар худалдахыг завдсан хэргийг шүүхэд шилжүүллээ
-
Нийгэм22 цаг өмнө
Ойрын өдрүүдэд ихэнх нутгаар салхитай, зарим газраар бороо, нойтон цас орно
-
Нийгэм24 цаг өмнө
ЦЕГ: 265 хэргийг шүүхэд шилжүүлэх саналтай прокурорт хүргүүллээ
-
Нийгэм21 цаг өмнө
ГИХГ: Дөрөвдүгээр сард 17961 иргэний хүсэлтийг цахимаар хүлээн авч, шийдвэрлэлээ
-
Нийгэм22 цаг өмнө
Дэлхийн банкны санхүүжилтээр хэрэгжих авто замын төслүүдийг шуурхай ажиллуулах талаар санал солилцлоо
-
Нийгэм21 цаг өмнө
Бүх боомтоор ХАА-н гаралтай бүтээгдэхүүн экспортлох боломжийг бүрдүүлнэ
-
Эдийн засаг21 цаг өмнө
Монголбанкнаас Мөнгөний бодлогын шийдвэрийг танилцуулж байна
-
Улс төр19 цаг өмнө
Олон хүүхэд төрүүлж өсгөсөн эхийг урамшуулах тухай хуульд нэмэлт оруулах тухай хуулийн төсөл өргөн барив