Дэлхий дахинд

Дональд Трампын тайлбарыг Умард Солонгосын гадаад хэргийн сайд няцаалаа

Нийтэлсэн

6 жил өмнө

2019-03-01

Нийтэлч

Өчигдөр үдээс хойш Америк-Умард Солонгосын дээд хэмжээний уулзалт үр дүнгүй болсон тухай АНУ-ын ерөнхийлөгч Дональд Трамп мэдэгдээд Ханой хотоос Вашингтон руу буцсан билээ.

Зөвхөн Ёнбоны цөмийн байгууламжаа буулгасны хариуд Умард Солонгосын эсрэг тавьсан бүх хоригийг цуцлах шаардлагыг Ким Жон Ун тавьж, үүнд нь татгалзсан хариу өгсөн тухайгаа Трамп хэвлэлийн хурал дээр мэдэгдсэн юм.

Тэгвэл өчигдөр орой Ханойд байгаа Умард Солонгосын төлөөлөгчид гэнэт хэвлэлийн хурал зарлаж, Трампын тайлбарыг няцаасан мэдэгдэл хийжээ.

Умард Солонгосын гадаад хэргийн сайд Ри Ён Хо өөрийн талаас маш бодитой саналыг АНУ-ын талд тавьсныг энэ үеэр мэдээлсэн байна.

Түүний тайлбарласнаар Пёньян бүх хоригийг цуцлах шаардлага тавиагүй, харин хоригийн зарим хэсгийг цуцалсны хариуд цөмийн байгууламжаа татан буулгах санал тавьсан гэнэ.

“Бид хоригийг бүхэлд нь биш, хэсэгчилж цуцлах шаардлага тавьсан. Тодруулбал манай улсын эсрэг тавьсан нийт 11 хоригоос зөвхөн 2016, 2017 онуудад тавьсан таван хоригийг цуцалж, ард иргэдийн амьдралд эерэг нөлөө үзүүлэхийг хүссэн юм” гэж Ри Ён Хо тайлбарлажээ.

Дональд Трамп өчигдөр болсон хэвлэлийн хурлынхаа дараа Вашингтоныг зорьсон бол Ким Жон Ун дахин хоёр өдөр Вьетнамд саатаад Бямба гарагт нутаг буцах юм.

Талуудын байр суурийн зөрөө эдийн засгийн хоригийг цуцлах асуудал байсан гэгдэж байгаа. Гэхдээ хоёр тусдаа хийсэн мэдэгдлийн дараа байр суурийн зөрөө яг юунд байсан нь бүрхэг үлдлээ.

Эх сурвалж: South China Morning Post

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...