Дэлхий дахинд

Айлчлалаа амжилттай дуусгасан Ким Жон Уныг Умард Солонгост баатрын ёсоор угтаж авлаа

Нийтэлсэн

6 жил өмнө

2019-03-05

Нийтэлч

Admin

Галт тэргээр Вьетнам улсад айлчилж, АНУ-ын ерөнхийлөгчтэй хоёр дахь удаагаа уулзаад буцаж ирсэн Ким Жон Уныг өнгөрсөн шөнө Пёньян хотын төв вокзалд баатрын ёсоор угтаж авчээ.

Умард Солонгосын төв мэдээллийн агентлаг их удирдагчаа “айлчлалаа амжилттай дуусгаад” шөнийн 3:00 цагт ирснийг дуулгасан байна. Ким Жон Ун нийтдээ 4,000 км замыг галт тэргээр туулан Вьетнамын нийслэл Ханойд хүрээд эргэж ирсэн юм.

Хэдийгээр Дональд Трамптай хийсэн хэлэлцээр нь үр дүнгүй дууссан ч Пёньянд түүнийг хүндэт харуулын цэргүүд, цэцгийн баглаатай иргэд баатрын ёсоор угтаж авсан байна.

Бямба гарагийн өглөө тэр нутгийн зүг жолоо залахаасаа өмнө Вьетнамын хувьсгалч Хо Ши Миний бунханд хүндэтгэл үзүүлсэн нь ховор тохиолдол байв. Ким Жон Ун өөрийн эцэг, өвөг эцэг нарын бунханд жил бүр хүндэтгэл үзүүлдэг ч гадаад орны удирдагчдад ингэж хандаж байгаагүй юм.

Ким Жон Уны өвөг эцэг Ким Ил Сун 1964 онд Вьетнамд мөн төмөр замаар айлчилж байжээ.

Ким Жон Уныг Дональд Трамптай уулзсаны дараа талууд хэлэлцээр үр дүнгүй болсонд харилцан бие биеэ буруутгаж байсан. АНУ-ын тал Умард Солонгосыг эдийн засгийн хоригийг бүхэлд нь цуцлах нөхцөл тулгасан гэж мэдэгдсэн бол нөгөө тал нь хоригийг зөвхөн хэсэгчилж цуцлах санал тавьсныг Вашингтоны засаг захиргаа хүлээж аваагүй гэж мэдээлсэн юм.

Хэдийгээр үр дүнгүй уулзалт болж өндөрлөсөн ч Вашингтон, Пёньяны талууд Солонгосын хойгийг цөмийн зэвсгээс ангижруулах яриа хэлэлцээр цаашид үргэлжилнэ гэсэн итгэлтэй байгаагаа илэрхийлээд байна.

Эх сурвалж: AFP

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...