Дэлхий дахинд

Хамгийн залуудаа өөрийн хүчээр тэрбумтан болсон эрхмээр Кайли Женнэр тодорлоо

Нийтэлсэн

6 жил өмнө

2019-03-06

Нийтэлч

Форбс болон Блүүмбэргийн тооцоолсноор АНУ-ын реалити шоуны од, косметикийн бизнес эрхлэгч, 21 настай Кайли Женнэрийн хөрөнгө нэг тэрбум ам.долларын босгыг давсан тухай өчигдөр мэдээлжээ.

Ингэснээр тэр хамгийн залуудаа өөрийн хүч чадлаар тэрбумтан болсон эрхэм болж байна.

Өөрийн хүчээр тэрбумтан болсон гэдэг нь хэн нэгнээс өмч хөрөнгө өвлөж аваагүй, бүхнийг тэгээс эхэлсэн гэсэн үг юм.

Женнэрээс өмнө Фэйсбүүкийн Марк Зукербэрг 23 насандаа буюу 2008 онд арван оронтой тоогоор илэрхийлэгдэх хөрөнгөтэй болж хамгийн залуу тэрбумтнаар тодорч байв.

Форбс сэтгүүл Женнэрийн Kylie Cosmetics компанийн зах зээлийн үнэлгээг $900 сая гэж тодорхойлсон байна. Мөн тэр телевизийн реалити шоу, зар сурталчилгаанаас бусад орлогоо олдог.

Өнөөдөр дэлхий дээр 30 нас хүрэхээсээ өмнө тэрбумтан болсон 10 хүн байгаагийн ихэнх нь технологийн салбарын эрчүүд байна. Тухайлбал Марк Зукербэргийн араас Snapchat-ийн Эван Спигел, Бобби Мурфи, Фэйсбүүкийг үүсгэн байгуулалцсан Дастин Московиц, Эдуардо Саверин, онлайн төлбөр тооцооны Stripe компанийг үүсгэн байгуулагч ах дүү Жон болон Патрик Коллисон, Google-ийн үүсгэн байгуулагч Сергей Брин, эрүүл мэндийн стартап Theranos-ын үүсгэн байгуулагч Элизабет Холмс нар жагсаж байна.

Женнэрээс өмнө ганцхан эмэгтэй энэхүү жагсаалтад ороод буцаж гарсан нь Элизабет Холмс.

2014 онд түүний байгуулсан цусны шинжилгээний Теранос компанийн үнэлгээ $4.5 тэрбумд хүрснээр Холмс 30 насандаа тэрбумтан болж байв. Гэвч тус компани луйврын үйл ажиллагаа явуулсан нь илэрснээр Холмс 2016 онд Форбсын жагсаалтаас хасагдаж байжээ.

Эх сурвалж: Business Insider

Сэдвүүд:онцлох

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...