Энтертайнмент
“Эв нэгдлийн цом” залуучуудын яруу найргийн улсын анхдугаар наадмын удирдамж
МОНГОЛ УЛСЫН АРДЫН УРАН ЗОХИОЛЧ, ТӨРИЙН СОЁРХОЛТ, ЯРУУ НАЙРАГЧ ШАРАВЫН СҮРЭНЖАВЫН НЭРЭМЖИТ “Эв нэгдлийн цом” залуучуудын яруу найргийн улсын анхдугаар наадмын удирдамжНЭГ:ҮНДЭСЛЭЛXX зууны эхэн үед ард түмний оюун санаа, сэтгэл зүрхний дуудлагаар Монголчууд тусгаар тогтнолоо олж авч, Манжийн эрхшээлээс салж, Богд хаант улсаа байгуулсан. Монголын үндэсний уламжлал соёл, шашин төрөө мандуулахаар зорин 1921 оны Ардын хувьсгалыг хийж, Ардын эрхэт хэмжээт цаазат Бүгд Найрамдах Монгол Ард улсыг тунхагласан билээ. Энэ түүхэн үйл явдлуудын гол хөтөч, манлайлагчид нь үе үеийн эх орончид, баатрууд байлаа. Даяаршиж буй нийгэмд Монголын ард түмэн эв нэгдэлтэй байж ирээдүй хойч үедээ оюун санааны дархлааг бий болгох, оюуны манлайлагчдыг бий болгоход энэхүү наадмын үндэслэл оршино.Монгол Улсын Ардын уран зохиолч, Төрийн соёрхолт, яруу найрагч Шаравын Сүрэнжав нь “Тусгаар тогтнол аминаас үнэтэй” түүхэн уран сайхны кино зохиолыг туурвисан нь Монголын ард түмэн, залуучууд үеийн үед эх орноороо бахархан тусгаар тогтнол, эрх чөлөөгөө тунхаглан эрхэмлэхийг үлгэрлэн дуурайх бүтээл болсон билээ. МУ-ын Ардын уран зохиолч, Төрийн соёрхолт, яруу найрагч Ш.Сүрэнжавын мэндэлсний 80 насны ой 2019 оны 03-р сарын 15-ны өдөр тохиож буйтай холбогдуулан энэхүү залуучуудын яруу найргийн улсын анхдугаар наадмыг түүний нэрэмжит болгож, цаашдаа жил бүр уламжлал болгон зохион байгуулах эхлэлийг тавихад оршино.ХОЁР: ЗОРИЛГОЭх орноо хайрлах, эх оронч үзлийг залуу хойч үеийнхэндээ төлөвшүүлэх, тэдний хүсэл сонирхол үзэл бодол ертөнцийг үзэх үндэслэл, хайр дурлалыг тунхаглан сурталчлах, Монгол хэлний үгийн яруу сайхан, өв уламжлалыг түгээн дэлгэрүүлж, залуу уран бүтээлч, яруу найрагчдын үгийн цэц, ухааны царааг тэлэх, тэдний уран бүтээлийг үнэлэх, хөгжүүлэхэд энэхүү наадмын гол зорилго оршино.ГУРАВ:ЗОХИОН БАЙГУУЛАГЧИДЕРӨНХИЙ ЗОХИОН БАЙГУУЛАГЧ:”НИЙГМИЙН АРДЧИЛАЛ” МОНГОЛЫН ЗАЛУУЧУУДЫН ХОЛБООХАМТРАН ЗОХИОН БАЙГУУЛАГЧ:”МОНГОЛЫН ЗОХИОЛЧДЫН ЭВЛЭЛ” ЦОГ СЭТГҮҮЛИЙН РЕДАКЦИНИЙГМИЙН АРДЧИЛАЛ” МОНГОЛЫН ОЮУТНЫ ХОЛБООДӨРӨВ:ХАМРАХ ХҮРЭЭ18-35 насны яруу найргийн төрлөөр уран бүтээл туурвигчиТАВ: ХУГАЦАА”Эв нэгдлийн цом”залуучуудын яруу найргийн улсын анхдугаар наадам 2019 оны 03 дугаар сарын 01-ний өдрөөс 03 дугаар сарын 15-ны өдрийн хооронд зохион байгуулагдана. ЗУРГАА:СОНГОН ШАЛГАРУУЛАЛТМУ-ын Ардын уран зохиолч, Төрийн соёрхолт, яруу найрагч Ш.Сүрэнжавын нэрэмжит “Эв нэгдлийн цом”залуучуудын яруу найргийн улсын анхдугаар наадамд оролцогчдыг зохион байгуулагчдын зүгээс томилсон шүүгчдийн комисс өгөгдсөн сэдвийн хүрээнд, шүлгийн утга санаа, илэрхийлсэн байдал зэргийг харгалзан шүүж шалгаруулна.I шатны шалгаруулалт: Наадамд оролцогчид эх орон, эв нэгдлийн сэдэвт 1 бүтээл, хайр дурлал, залуу нас сэдэвт 1 бүтээлийг 2019 оны 03-р дүгээр сарын 01-ний өдрөөс 11-ний өдрийн 18 цаг хүртэл доорх хаягаар ирүүлнэ.1.”Нийгмийн Ардчилал” Монголын Залуучуудын Холбооны төв байр /Тусгаар Тогтнолын Ордны 201 тоот/-д, хэвлэмэл байдлаар,2.namzkh.office@gmail.com емайл хаягаар болон https://www.facebook.com/Нийгмийн Ардчилал Монголын Залуучуудын Холбоо/ фейсбүүк хуудсанд цахимаарБичмэлээр ирүүлсэн бүтээлүүдээс шалгарсан шилдэг 30 яруу найрагчдын нэрсийг 2019 оны 03 дугаар сарын 13-ны өдөр дээрх цахим хуудсаар олон нийтэд зарлана.II шатны шалгаруулалт: Шалгарсан 30 яруу найрагчид 2019 оны 03 дугаар сарын 15-ны өдөр “ЭВ НЭГДЛИЙН ЦОМ” залуучуудын яруу найргийн улсын анхдугаар наадамд оролцож өөрийн бүтээлийг уншиж өрсөлдөнө.ДОЛОО:ШАГНАЛ УРАМШУУЛАЛНаадамд амжилттай оролцсон яруу найрагчдыг дараах байдлаар байр эзлүүлэн шагнаж урамшуулна. Үүнд:1.Тэргүүн байр- 1 – “Эв нэгдэл” цом,Өргөмжлөл 1.000.000₮2.Дэд байр- 1 – Өргөмжлөл 800.000₮3.Гутгаар байр- 1- Өргөмжлөл 500.000₮4.Тусгай байр -vМУ-ын Ардын уран зохиолч, Төрийн соёрхолт, яруу найрагч Ш.Сүрэнжав гуайн нэрэмжит шагналv НАМЗХ-ны нэрэмжит тусгай шагналvНАМОХ-ны нэрэмжит тусгай шагналМУ-ын Ардын уран зохиолч, Төрийн соёрхолт, яруу найрагч Ш.Сүрэнжавын мэндэлсний 80 насны ойг тохиолдуулан 2019 оны 03-р сарын 15-ны өдөр “Эв нэгдлийн цом” залуучуудын яруу найргийн улсын анхдугаар наадам Улаанбаатар хотноо зохион байгуулагдана.
Энтертайнмент
“Улаанбаатар Арт Вийк-2024” өдөрлөг зохион байгуулагдана
Дүрслэх урлагийн 7 хоног буюу “Art week” арга хэмжээ нь 2021 оноос Соёлын яамны санаачлагаар Соёлын бүтээлч сар аянаар хөгжүүлсэн төсөл хөтөлбөр бөгөөд МУЭ-тэй хамтран 3 дахь жилдээ энэхүү зохион байгуулагдаж байна.
Дүрслэх урлагийн салбарын шилдэг уран бүтээлчдийн нэн орчин үе болон бусад бүтээлүүдээс бүрдсэн “Art week 2024” дүрслэх урлагийн 7 хоног өдөрлөг “Чингис хаан Үндэсний музей”, Монголын Урчуудын Эвлэлийн Арт галерей, МУЭ-ийн Пассаж төв, МУЭ-ийн Уран бүтээлчдийн нэгдсэн урлан зэрэг нийт 4 объектын 3000м2 талбайд болно.
Дүрслэх урлагийн 7 хоног арга хэмжээний хүрээнд орчин үеийн дүрслэх урлагийн бүтээлийн үзэсгэлэн, холбогдох сургалтууд зохион байгуулагдахаас гадна Монголын урчуудын эвлэлийн сан хөмрөгт хадгалагдаж буй Чингис хааныг хаан ширээнд залж байгаа үйл явдлыг дүрсэлсэн Монголын хамгийн том 12х5 метрийн хэмжээтэй “ЧИНГИС ХААН” зээгт наамлын бүтээлийг “Чингис хаан үндэсний музей”-д дэлгэн үзүүлэх юм.
Түүнчлэн тус нэгдсэн үзэсгэлэн арга хэмжээний хүрээнд Монголын урчуудын эвлэлийн урлангууд, МУЭ-ийн 21 аймгийн уран бүтээлчдийг хамруулан “ARTFAIR” буюу дүрслэх урлагийн бүтээлийн үзэсгэлэн, уран бүтээлчидтэй уулзах уулзалт, бүтээлийн худалдаа, сургалтуудыг орон даяар 2024 оны 5 дугаар сарын 05-12-ны өдрүүдэд зохион байгуулах юм.
Ийнхүү энэ удаагийн “УЛААНБААТАР АРТ ВИЙК-2024” дүрслэх урлагийн үзэсгэлэн, арга хэмжээ нь хамрах хүрээ, ач холбогдлын хувьд өмнөх жилүүдээс илүү өргөн хүрээнд уран бүтээлчдийн болоод төрийн болон төрийн бус байгууллагуудын оролцоог ханган олон талт байдлаар зохион байгуулагдаж байгаагаараа онцлог болж байна гэж Соёлын яамнаас мэдээллээ.
Энтертайнмент
Үндэсний номын сангийн шинэ барилгыг тавдугаар сард нээхээр төлөвлөж байна
Үндэсний номын сангийн шинэ барилгын бүтээн байгуулалт дуусч, тавдугаар сард нээгдэхээр төлөвлөж байна.
Шинэ барилга нь 11 давхар, 10,000 м.кв талбайтай, 16 уншлагын танхимтай бөгөөд нэгэн зэрэг 530 хүнд үйлчлэх боломжтой. Цаашлаад, тусгай хэрэгцээт иргэдэд зориулсан уншлагын танхим, дэвшилтэт технологийг ашигласан орчин үеийн дэд бүтцээр тоноглогдсон.
Үндэсний номын сан шинэ барилгадаа үйл ажиллагаагаа эхлүүлснээр иргэдэд үзүүлэх номын сангийн үйлчилгээний чанар, хүртээмж нэмэгдэнэ. Ном, хэвлэмэл бүтээгдэхүүний эргэлт сайжран, соёлын салбарт шинэ түлхэц үзүүлнэ.
Иргэд шинжлэх ухаан, танин мэдэхүйн мэдлэгээ дээшлүүлэх, чөлөөт цагаа үр бүтээлтэй өнгөрүүлэх, бусадтай туршлага солилцох боломжтой болно. Номын сан нь зөвхөн мэдээлэл олж авах газар төдийгүй, иргэдийн хөгжил, суралцах үйл явцад хувь нэмэр оруулах соён гэгээрлийн төв болно. Үндэсний номын сангийн шинэ барилга нь манай улсын соёлын салбарт Чингис хаан Үндэсний музейн дараа орох томоохон хэмжээний бүтээн байгуулалт болно гэж Соёлын сайд Ч.Номин мэдэгдлээ.
Энтертайнмент
Хүүхэд, залуучуудын театр албан ёсоор нээгдлээ
Хүүхэд, залуучуудын театрын бүтээн байгуулалт бүрэн дуусаж, 2024 оны 4 дүгээр сарын 25-ны өдөр олон улсын стандартад нийцсэн, 850 хүний багтаамжтай шинэ театр албан ёсоор нээгдлээ.
Энэхүү театр нь хүүхэд залуучуудад зориулсан мэргэжлийн уран бүтээл туурвих төдийгүй соён гэгээрлийн олон талт үйл ажиллагаа явуулах төв болох юм. Үүнд номын сан, кафе, дугуйлан, сургалтын үйлчилгээ багтах юм.
Анх 1951 онд Хүүхдийн төв театр нэртэйгээр байгуулагдаж, 1967 онд Хүүхэд залуучуудын театр болгон өргөжүүлэн ажиллаж байсан ч 1997 онд хувьчлагдсанаар үйл ажиллагаагаа зогсоож улмаар улсын хэмжээнд хүүхэд залуучуудад зориулсан мэргэжлийн уран бүтээл туурвих театргүй болоод байсан юм. 2021 оны 6-р сард Засгийн газрын хуралдаанаар Сонгинохайрхан дүүргийн 5-р хороонд Хүүхэд, залуучуудын театрыг байгуулахаар шийдвэрлэсний дагуу улсын төсвийн хөрөнгө оруулалтаар баригдаж, ийнхүү нээгдлээ.
Энэхүү театр нь Сонгинохайрхан дүүргийн 341 мянган иргэний төдийгүй нийт Монгол Улсын хүүхэд, залуучуудын оюуны хөгжил, гоо зүйн боловсрол, дэлхийн театр урлагийн хөгжлөөс суралцах, үндэсний урлагийг өвлөн уламжлуулах, уран сайхны олон талт чиг хандлагыг танин мэдэх боломжийг нээж, бүх нийтийн соёлын боловсролыг дэмжих, хамтдаа сурч, хөгжих соёлын орон зай болох юм.
-
Улс төр21 цаг өмнө
“E-Mongolia 4.0” Үндэсний баялгийн сангийн мэдээлэлтэй холбогдож байна
-
Нийгэм23 цаг өмнө
Улсын дээд шүүхээс лавлагаа авах иргэдийн анхааралд
-
Нийгэм23 цаг өмнө
Нойтон цас орно
-
Нийгэм23 цаг өмнө
Орон нутгийн нислэгийн тийзийн үнийг 10 хувиар хямдрууллаа
-
Улс төр21 цаг өмнө
Морин хуураа түгээн дэлгэрүүлж, сурталчлан таниулж, зааж сургахыг бүх талаар дэмжинэ
-
Нийгэм20 цаг өмнө
Богд уулын арын авто замыг хааж, хэсэгчилсэн засвар, шинэчлэлтийн ажлыг хийж гүйцэтгэнэ
-
Нийгэм19 цаг өмнө
Монголын анхны холын зайн морин тойруулгын “Hipay Cup 24“ уралдаан эхлэхэд бэлэн боллоо
-
Нийгэм23 цаг өмнө
“Говийн чоно-2024” гамшгийн хор уршгийг арилгах олон улсын дадлага, туршлага солилцох үйл ажиллагааны нээлт боллоо