Үндэсний бөхийн барилдаанд чансаа тогтоодог боллоо

Нийтэлсэн

2 өдөр өмнө

2025-01-08

Нийтэлч

Монголын үндэсний бөхийн холбоо шинэчлэлийн хөтөлбөрийн хүрээнд томоохон барилдаануудад чансааны оноо олгох журмыг хэрэгжүүлэхээр боллоо.

МҮБХ-ноос баталсан цаглаварын дагуу Өндөр зэрэглэлтэй бөхчүүдийн чансаа тогтоох барилдааныг сард хоёр удаа, намраас хаврын улиралд нийт 16-18 удаа зохион байгуулахаар төлөвлөөд байна.

Эдгээр барилдаанд оролцсон идэвх, гаргасан амжилтад үндэслэн жил жилийн шилдэг бөхчүүдийн чансааг devjee.mn цахим хуудастай хамтран гаргах юм.

Гэхдээ энэхүү чансаа нь Үндэсний их баяр наадмын тухай хууль, Үндэсний бөхийн барилдааны дүрэмд заасан улсын цол, чимэгт нөлөөлөхгүй болно.

Өндөр зэрэглэлтэй бөхчүүдийн чансаа тогтоох барилдаанд дараах барилдаануудыг хамруулна. Үүнд:

-Улирлын нээлтийн барилдаан

-Улсын аварга цолтонд хүндэтгэл үзүүлэх барилдаан

-Улсын арслан цолтонд хүндэтгэл үзүүлэх барилдаан

-Улсын гарьд цолтонд хүндэтгэл үзүүлэх барилдаан

-Улсын заан цолтонд хүндэтгэл үзүүлэх барилдаан

-Улсын харцага цолтонд хүндэтгэл үзүүлэх барилдаан

-Улсын начин цолтонд хүндэтгэл үзүүлэх барилдаан

-Сар шинийн баярт зориулсан барилдаан

-Монгол бахархлын өдөрт зориулсан барилдаан

-Монгол Улсын Ерөнхийлөгчийн цомын төлөөх барилдаан

-Улс тунхагласны баярт зориулсан барилдаан

-Үндсэн хуулийн өдөрт зориулсан барилдаан

-Нийслэлийн өдөрт зориулсан барилдаан

-Монгол цэргийн өдөрт зориулсан барилдаан

-Богдхан хайрханы хишиг барилдаан

-Сонгинохайрханы хишиг барилдаан

-Чингэлтэй хайрханы хишиг барилдаан

-Баянзүрх хайрханы хишиг барилдаан

Чансаа тооцох журам

Даваа Оноо

8 даваа 1500

7 даваа 1000

6 даваа 600

5 даваа 400

4 даваа 300

3 давааа 200

2 даваа 100

1 даваа 50

Оролцоо 100

Жич: Зөвхөн Сар шинийн баярт зориулсан барилдаанд 256, бусад барилдаанд 128 бөх барилдана.

Сэдвүүд:

Дэлгэрэнгүй ...

“Бүсгүй” кино нэгдүгээр сарын 16-нд нээлтээ хийнэ

Нийтэлсэн

3 өдөр өмнө

2025-01-06

Нийтэлч

24barimt

“Хурд” хамтлаг 30 жилийнхээ ойн хүрээнд олон гэнэтийн бэлгийг сонсогчдодоо хүргэж буйн нэг нь бүрэн хэмжээний уран сайхны кино юм. Тодруулбал, “Хурд” хамтлаг “Бүсгүй” дуунаасаа сэдэвлэсэн бүрэн хэмжээний уран сайхны кино бүтээснээ үзэгчдэд хүргэх гэж байна.

“Хайрлагдсан эмэгтэй хамгаас илүү үзэсгэлэн төгс, эрхэмсэг. Хайрлаж, хайрлуулж яваа бүсгүйчүүддээ зориулав” хэмээн онцолсон “Бүсгүй” уянгын драмын кинонд жүжигчин Ариана буюу Г.Ариунболор, С.Ариунбямба нар гол дүрийг бүтээжээ.

Энэхүү уран бүтээлийг 2025 оны нэгдүгээр сарын 16-наас бүх кинотеатруудаар үзэгчдийн хүртээл болгох юм.

Дэлгэрэнгүй ...

Энтертайнмент

Парисын “Их дуулга”-д Монголын 10 жүдоч барилдана

Нийтэлсэн

4 өдөр өмнө

2025-01-06

Нийтэлч

24barimt

Олон улсын жүдо бөхийн холбооны шинэ оны тэмцээн Мараккогийн Касабланка хотод болох Африкийн нээлттэй тэмцээнээр эхэлж байгаа. Харин “Их дуулга”-ын цуврал тэмцээн ирэх сарын 1-нд эхэлнэ.

Тодруулбал, Францын Парис хотод ирэх сарын 1-нд “Их дуулга”-ын эхний цуврал тэмцээн болно. Энэхүү тэмцээн чансаагаараа Олимп, ДАШТ, Токиогийн “Их дуулга”, “Мастерс” ангиллын дараа эрэмбэлэгддэг. Лос Анжелесийн олимпын мөчлөгийн анхны “Их дуулга”-д одоогоор 21 орны 150 гаруй жүдоч барилдахаар мэдүүлэг өгчээ.

Манай улсаас эрэгтэй, эмэгтэй тус бүр таван тамирчин зодоглоно. Эрэгтэйчүүдийн 60 кг-д олон улсын хэмжээний мастер К.Ёолк, Б.Сүхбат, 66 кг-д Б.Нямренчин, Г.Хэрлэн, 81 кг-д О.Шинэбаяр, эмэгтэйчүүдийн 48 кг-д Ж.Анударь, 52 кг-д Б.Уранзаяа, Б.Гүндэгмаа, 57 кг-д О.Оюунчимэг, 70 кг-д С.Лхагвадулам нар барилдана.

Олон улсын жүдо бөхийн холбооноос 2025 онд “Их дуулга” ангиллын 10, гранпри ангиллын гурван тэмцээн зохион байгуулна.

Дэлгэрэнгүй ...

Энтертайнмент

“Ерөнхийлөгчийн илгээлт-2100” хөтөлбөрөөр Москвад суралцаж буй монгол оюутан анхны дүрээ бүтээжээ

Нийтэлсэн

2 долоо хоног өмнө

2024-12-24

Нийтэлч

24barimt

Монгол Улсын Ерөнхийлөгч У.Хүрэлсүхийн санаачилсан “Ерөнхийлөгчийн илгээлт-2100” тэтгэлэгт хөтөлбөрийн хүрээнд ОХУ-ын Москва хотын Гнесиныхны нэрэмжит Москвагийн хөгжмийн академид суралцахаар илгээгдсэн анхны оюутан М.Хайрат анхны дүрээ бүтээжээ.

Тэрбээр тус хотод соёл, урлагийн чиглэлээр суралцаж буй цор ганц оюутан бөгөөд түүний тоглосон анхны бүтээл нь 1786 онд Вольфганг Амадей Моцарт болон Италийн зохиолч Лоренцо Да Понте нарын хамтран зохиосон “Фигарогийн хурим, галзуурмаар өдөр” нэртэй хошин дуурь юм. М.Хайрат Монгол Улсын консерваторид Дуулах урлагийн тэнхимд суралцаж байхдаа Монгол Улсын Ерөнхийлөгч У.Хүрэлсүхийн “Илгээлт-2100” хөтөлбөрт тэнцсэн байна. Өдгөө Гнесиныхны нэрэмжит Москвагийн хөгжмийн академид профессор Тимофей Юрьевич Крюковын удирдлагад дуурийн дуучин мэргэжлээр хоёр дахь жилдээ суралцаж байгаа аж.

1784 онд Пьер Бөмаршэгийн “La folle journée, ou le Mariage de Figaro” хэмээх зохиолд үндэслэн бичсэн “Фигарогийн хурим” дуурийг ОХУ-ын Урлагийн гавьяат зүтгэлтэн , профессор Ю.А.Сперанскийн найруулснаар өчигдөр Гнесиныхны нэрэмжит Москвагийн Хөгжмийн академийн дуурийн театрын тайзнаа тавихад М.Хайрат Антониогийн дүрийг бүтээсэн байна.

Мөн ОХУ-ын Санкт-Петербург хотод XX зууны нэрт дуурийн дуучин, ЗХУ-ын Ардын жүжигчин Елена Образцовагийн Соёлын сангаас зохион байгуулсан сонгодог болон ардын урлагийн олон улсын VIII уралдаанаас “Оросын хөгжмийн зохиолчийн ари” төрөлд “Шилдэг дуулаач”-ээр нэрлэгджээ.

Дэлгэрэнгүй ...