Энтертайнмент

K-pop урлагийн бас нэг од шоу бизнесээс зодог тайлж байгаагаа зарлалаа

Нийтэлсэн

6 жил өмнө

2019-03-13

Нийтэлч

Өмнөд Солонгосын K-pop урлагийн ертөнцөд гарсан дуулиан улам өргөжлөө. Даваа гарагт Big Bang хамтлагийн гишүүн Сюнри гадаадын хөрөнгө оруулагчдыг биеэ үнэлэгчдээр зугаацуулдаг байсан нь илэрсний дараа шоу бизнесийг орхиж байгаагаа зарласан билээ.

Тэгвэл K-pop урлагийн бас нэг төлөөлөгч, дуучин, телевизийн шоуны од, 30 настай Жун Жүн Ён хэд хэдэн эмэгтэйтэй бэлгийн харьцаанд орж буй нууц бичлэгээ бусдад үзүүлдэг байснаа хүлээн зөвшөөрч, урлагийн ертөнцийг орхих болсноо зарлажээ.

Авьяастан тодруулах телевизийн шоунд дэд байранд орж анх алдаршсан тэрээр нууцаар үйлдсэн дүрс бичлэгүүдээ өөрийн найз нартай групп чатаар хуваалцдаг байсан гэнэ.

Түүний дүрс бичлэгийг үзэгчдийн дотор Сюнри байсан нь уг хэргийг илрэх шалтгаан болсон байна.

Жун Жүн Ён мэдэгдэлдээ “Би бүх гэмт үйлдлээ хүлээн зөвшөөрч байна. Би эмэгтэйчүүдийн дүрс бичлэгийг нууцаар хийж, чат группт тараадаг байсан. Юуны өмнө би хохирогч болсон эмэгтэйчүүдээс өвдөг сөхрөн уучлал гуйж байна. Мөн уг явдлын улмаас цочролд орж, сэтгэл дундуур үлдсэн бүх хүмүүсээс уучлал гуйж байна” гэж сошиал хуудсандаа бичжээ.

Мягмар гарагийн орой цагдаа нар түүнийг хууль бус дүрс бичлэг үйлдсэн хэрэгт буруутгаж байгаагаа зарласан байна.

Одуудын чат группт гурван хүн байсны хоёр нь Жун Жүн Ён, Сюнри нар бөгөөд доод тал нь 10 эмэгтэйн нууц бичлэгийг хоорондоо хуваалцан үзэж байжээ.

Чат группын гурав дахь гишүүн нь EXO хөвгүүдийн хамтлагийн нэг гишүүн байсан гэх цуурхал тараад байгаа. Харин тус хамтлагийн менежмэнтийг хариуцдаг SM Entertainment компани уг цуурхлыг няцаажээ.

Бас нууц дүрс бичлэгт өртсөн эмэгтэйчүүдийн нэг нь TWICE охидын хамтлагийн гишүүн гэх цуурхал тарсныг JYP Entertainment эрс няцаасан юм. Сөүл хотын цагдаагийн газар Жун Жүн Ёныг энэ долоо хоногийн сүүлээр байцаахаар төлөвлөжээ.

Ийнхүү дэлхийн олон улс орныг амжилттай байлдан дагуулж байгаа Өмнөд Солонгосын K-pop урлагийн ертөнцийг тойрсон дуулиан үргэлжилж байна.

Эх сурвалж: Yonhap News, The Guardian

Сэдвүүд:

Дэлгэрэнгүй ...

Сэтгэгдэл үлдээх

Энтертайнмент

Х.Тэргэл дартсын дэлхийн чансааг тэргүүлсэн анхны Ази тивийн тоглогч болов

Нийтэлсэн

11 цаг өмнө

2025-06-17

Нийтэлч

24barimt

Их Британийн нийслэл Лондон хотод дартсын өсвөр үеийнхний “ADVANCED TOUR-2025” дэлхийн лигийн тэмцээн энэ оны нэгдүгээр сараас эхэлж, өчигдөр дүнгээ гаргалаа. Зөвхөн 16 хүртэлх насныхан оролцдог 20 цуврал тэмцээний нийлбэр дүнгээр Монгол Улсын тамирчин, 14 настай Х.Тэргэл тэргүүн байр эзэлж, дэлхийн чансааг мөн тэргүүлэв.

Дэлхийн чансааг Ази тивээс тэргүүлсэн анхны тоглогч Х.Тэргэл болж байна. Энэ лигийн тэмцээнд есөн орны дэлхийн шигшмэл 32 тамирчин оролцсон бөгөөд анхдагч амжилтын эзэн Х.Тэргэл нь 2022, 2023 оны өсвөрийн багийн ДАШТ-ий хүрэл медаль, 2024 оны ДАШТ-ий ганцаарчилсан төрөлд хүрэл медаль эзэлсэн ба Монгол Улсын дөрвөн удаагийн аварга тамирчин юм.

Удамт тоглогчийн ээж Ш.Эрдэнэтуяа нь дартсын спортын ОУХМ, Монгол Улсын аварга бол нагац ах Ш.Ганзориг, Ш.Ган-Эрдэнэ нар нь ОУХМ, Монгол Улсын аварга цолонд хүрсэн тамирчид байна.

Дэлгэрэнгүй ...

Энтертайнмент

Монголын шатарчид багийн дэлхийн аварга боллоо

Нийтэлсэн

1 өдөр өмнө

2025-06-16

Нийтэлч

24barimt

Английн нийслэл Лондон хотод шатрын багийн дэлхийн аварга шалгаруулах тэмцээн зургаадугаар сарын 10-15-нд болов. Тэмцээнд 64 орны 420 тамирчин өрсөлдсөн бөгөөд манай улсаас гурван баг өрсөлдөхөд “Монгол Б” баг 2400 хүртэл рейтингтэй багуудын түргэн тоглолтын төрөлд тэргүүн байр эзэлж, төрийн дуулалаа эгшиглүүллээ. Энэ тэмцээнд: GM 111, WGM 12, IM 61, WIM 6, FM 48, WFM 17, CM 17, WCM цолтой 7 тамирчин өрсөлдсөн байна. Дэлхийн аварга цолонд хүрсэн “Монгол Б” багт багийн ахлагч, Үндэсний шигшээ багийн дасгалжуулагч С.Билгүүн, С.Ган-Эрдэнэ, Б.Мөнгөнтуул, Б.Мөнгөнзул, Н.Содбилэгт, Г.Энхбаяр нар өрсөлдсөн юм.

Дэлгэрэнгүй ...

Энтертайнмент

“Ромео, Жульетта” эмгэнэлт драмын жүжгийг маргааш нээнэ

Нийтэлсэн

1 сар өмнө

2025-05-08

Нийтэлч

24barimt

Улсын Хүүхэд залуучуудын театр Уильям Шекспирийн зохиол “Ромео, Жульетта хоёр” эмгэнэлт драмын жүжгийг 59 жилийн дараа төрөлх театрынхаа тайзнаа дахин тоглоно.

Анх 1966 онд Ардын жүжигчин С.Гэндэнгийн найруулгаар Хүүхэд залуучуудын театрын тайзнаа тоглогдож байсан “Ромео, Жульетта хоёр” жүжгийг ирэх 5 дугаар сарын 9-ний өдөр нээх бөгөөд уг бүтээлд 100 гаруй уран бүтээлч, ажилтан оролцож байна.

Гол дүр болох Ромеогийн дүрд жүжигчин Б.Түвшинбаяр, Жульеттагийн дүрд жүжигчин М.Батгэрэл нар тоглох бөгөөд урилгаар Төрийн соёрхолт, УГЖ Ц.Төмөрбаатар, УГЖ Н.Нармандах, СТА Ж.Даваасамбуу нар оролцоно. Жүжгийн Ерөнхий найруулагчаар тус театрын найруулагч СТА Б.Энхээ ажиллаж байгаа бөгөөд Ерөнхий продюсероор УГЖ Н.Ариунболд, Ерөнхий зураачаар УГЗ Г.Ганбаатар нар ажиллаж байна.

74 жилийн түүхт Улсын Хүүхэд залуучуудын театр 27 жилийн дараа дахин хөшгөө нээгээд удаагүй ч “Арслан хүлэгт баатар” хүүхдийн жүжиг, “Хайрыг хайрла”, “18 дахь хаврын хайр” драмын жүжиг болон “Хүүхнүүдийн хаанчлал” инээдмийн водевиль жүжгүүдийг үзэгчдэдээ толилуулаад байсан бол энэ удаа сонгодог бүтээлийг ийнхүү тайзнаа амилуулахад бэлэн болжээ.

Улсын Хүүхэд залуучуудын театр дэлхийн болоод үндэсний хэмжээний бүх насныханд зориулсан тайзны урлагийн бүтээлээр дамжуулан урлаг гоо зүй, соёлын боловсролыг түгээсээр байна.

Дэлгэрэнгүй ...