Дэлхий дахинд

Макгрегор, Нурмагомедов нарын сошиал хэрүүлийг UFC холбоо зохицуулна

Нийтэлсэн

6 жил өмнө

2019-04-04

Нийтэлч

Admin

Ирландын тамирчин Конор Макгрегор, Оросын тамирчин Хабиб Нурмагомедов нарын сошиал сүлжээнд үүсгэсэн хэрүүл тэмцэл нь “хэм хэмжээнээс хэтэрсэн” тул зохицуулах арга хэмжээ авах гэж байгаагаа холимог тулааны UFC холбооны тэргүүн Дана Уайт мэдэгджээ.

Өнгөрсөн долоо хоногт зодог тайлах тухайгаа гэнэт мэдэгдэж байсан Макгрегор өрсөлдөгч Нурмагомедовын гэргийн зургийг Мягмар гарагт твиттер сүлжээнд нийтлэхдээ түүнийг “нүүр гарын алчуур” гэж нэрлэсэн юм.

Тэр дараа нь энэ нийтлэлээ устгасан байна.

Харин маргааш нь Нурмагомедов ирланд тамирчныг нэг бүсгүйтэй тэврэлдэж байгаа зургийг нийтлээд Макгрегорыг “хүчирхийлэгч” гэж нэрлэжээ.

Тэр бас “шүүх чиний буруутайг тогтооно” гэсэн тайлбар бичсэн байна. Өнгөрсөн долоо хоногт Нью Йорк Таймс сонинд Макгрегорыг төрөлх Ирланддаа хүчингийн хэрэгт шалгагдаж байгаа тухай мэдээлэл нийтлэгдэж байсныг Нурмагомедов ийнхүү сануулсан бололтой.

Дана Уайт өчигдөр сэтгүүлчтэй ярилцахдаа “Саяхан Хабиб Нурмагомедов, Конор Макгрегор нарын хооронд сошиал сүлжээнд өрнөсөн маргааныг би мэдэж байгаа. Тэдний маргаан байж болох хэм хэмжээнээс хэтэрсэн. Тиймээс бид асуудлыг анхааралдаа авч, зохицуулах арга хэмжээ авах болно” гэжээ.

Уайт зодог тайлах тухай Макгрегорын мэдэгдэлд үнэмшихгүй байгаагаа ярьж, түүнийг Флоид Мэйуидертэй холимог тулааны дэвжээнд дахин өрсөлдүүлэх, мөн Нурмагомедовтай дахин тулалдуулах хүсэлтэй байгаагаа хэлсэн байна.

Эх сурвалж: Business Insider

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...