Дэлхий дахинд

Казахстаны ерөнхийлөгч ээлжит бус сонгуулийн товыг зарлалаа

Нийтэлсэн

6 жил өмнө

2019-04-09

Нийтэлч

Казахстаны ерөнхийлөгч Касым-Жомарт Токаев зургаадугаар сарын 9-ний өдөр ээлжит бус сонгууль зохион байгуулахаар шийдвэрлэснээ өнөөдөр зарлажээ.

Тэрээр төв телевизийн сувгаар ард иргэддээ хандаж үг хэлэхдээ ээлжит бус сонгуулийг чөлөөт, шударга хэлбэрээр зохион байгуулахаа амласан байна. Харин өөрийн нэрийг дэвшүүлэх эсэх талаар мэдээлэл өгөөгүй юм.

Казахстаныг 30 жил захирсан Нурсултан Назарбаевыг ерөнхийлөгчийн албан тушаалаасаа буух гэнэтийн шийдвэр гаргасны маргааш буюу гуравдугаар сарын 30-нд Токаев тус улсын ерөнхийлөгчөөр томилогдож байв.

Одоо 78 настай Назарбаев Казахстаны үндэсний аюулгүй байдлын зөвлөлийн дарга, эрх баригч Нур-Отан намын даргын суудалд үлдсэн юм.

Түүний бүрэн эрхийн хугацаа 2020 онд дуусч, ээлжит сонгууль зохион байгуулагдах ёстой байв. Өнөөдөр Токаев парламентад суудалтай намуудын дарга нартай уулзсан байна.

Өчигдөр тэр засгийн газрын сайд нар болон Казахстаны сенатын дарга, Назарбаевын охин Дарига Назарбаевтай уулзаж ярилцжээ.

Токаевыг ерөнхийлөгчийн залгамжлагч болсны дараа Назарбаевын том охин, 55 настай Дарига оронд нь сенатын дарга болсон юм.

Эх сурвалж: Radio Free Europe /Radio Liberty

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...