Дэлхий дахинд

Двейн Жонсын амжилтын 3 дүрэм

Нийтэлсэн

6 жил өмнө

2019-04-12

Нийтэлч

24barimt

Олон улсын кино жүжигчин, Холливудын алдартан Двейн Жонсын амжилтын гол 3 түлхүүрийг уншигч тантай хуваалцаж байна.

1.МӨРӨӨДЛӨӨ ОЙЛГО, МЭДЭР

Мөрөөдлөө биелүүлэх хамгийн эхний дүрэм бол чи яагаад үүнийг хүсч буйгаа ойлгох явдал юм. Яагаад чи үүнийг хүсэх ёстойгоо эхлээд чи өөрөө бүх зүрх сэтгэлээрээ мэдрэх ёстой. Яагаад чи үүнийг хийх ёстой юм. Үүнийгээ жагсаагаад бичсэн ч болно. Чиний мөрөөдөлд чиний ойлгохгүй хамгийн жижиг хэсэг хүртэл үлдэх ёсгүй.

Хэрэв чи мөрөөдлөө ойлгохгүй юм бол яаж түүнд хүрнэ гэж итгэж байгаа юм бэ.

2.ХИЧЭЭЖ, ЗҮТГЭ. ЗҮГЭЭР СУУХ БОЛОМЖ ӨӨРТӨӨ БҮҮ ОЛГО

Хичээнгүйлэн ажиллах нь зорилгодоо хүрэх замыг дөтлөх гол зүйл юм. Хэр их ядрах чинь хамаагүй. Хэр ихийг сурав гэдэг чинь л хамгийн гол нь. Хичээнгүй ажилла гэхээр бүх зүйлийг амжуулна гэсэн үг биш. Зөвхөн хийх ёстойгоо л хий. Орхих ёстой зүйлийг үлдээж сур. Миний хувьд биеэ хөгжүүлэхэд анхаарсан. Энэ миний хийх ёстой зүйл байсан.

3.ИТГЭЛЭЭ ХЭЗЭЭ Ч БҮҮ АЛД

Халаасанд минь долоохон доллараас өөр зүйл байгаагүй үе бий. Тэр үед бид буугаад өгсөн бол энд хэзээ ч ирэхгүй байх байсан. Халаасандаа хангалттай мөнгөтэй байхын төлөө өнөөдөр л хичээхгүй бол хэзээ ч амар тайван байхгүй ирээдүй намайг хүлээх байсан. Би очих ёстой цэгтээ хүрч чадах тэр үед мөнгө миний асуудал биш, харин тэр миний төлөө бүх чадлаараа миний халаас руу тэмүүлэх үе ирнэ гэдэгт би итгэсэн.

Эх сурвалж: Эх сурвалж: ЗУУНЫ МЭДЭЭ

Сэдвүүд:ДВЕЙН ЖОНС

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...