Дэлхий дахинд

АНУ Саудын Арабын онгоцыг шатахуунаар цэнэглэхээ болино

Нийтэлсэн

6 жил өмнө

2018-11-11

Нийтэлч

Admin

Саудын Арабын тэргүүлсэн цэргийн эвсэл Йемен улсын босогчдын эсрэг агаараас цохилт өгч байгаа билээ. Тэгвэл АНУ-аас цаашид Саудын Арабын байлдааны онгоцыг шатахуунаар цэнэглэхээ болино гэж мэдэгджээ. АНУ-аас мэдээлэхдээ АНУ-аас Саудын Арабын байлдааны онгоцнуудыг шатахуунаар цэнэглэхээ зогсоосон ч тус улсад үзүүлж буй бусад тусламж, дадлага сургуулилалт хэвээр үргэлжилнэ гэж мэдэгджээ. Саудын Арабын тэргүүлсэн агаарын цохилтын улмаас Йеменд олон мянган энгийн иргэн амь үрэгдээд буй. Мэргэжилтнүүдийн мэдээлснээр бослого, дайны улмаас Йеменд 22 сая хүнд яралтай тусламж хэрэгтэй байгаа аж. Бослого эхэлсэн 2015 оны гуравдугаар сараас энэ оны зургадугаар сарыг хүртэл 6000 гаруй хүн Йеменд амь үрэгджээ.

АНУ-ын шийдвэр Саудын Араб гаралтай сэтгүүлч Жамал Хашоггиг хөнөөсөн хэргээс үүдэн гарсан гэж ажиглагчид дүгнэж байна. Сэтгүүлч Жамалыг Туркийн Истанбул хотын Саудын Арабын консулын газар хөнөөж, цогцсыг нь нуусан хэрэг олон улсыг цочроосон. Энэ хэрэгт Саудын Арабын засгийн газрын оролцоотой байвал АНУ-аас тус улсын эсрэг арга хэмжээ авахыг Цагаан ордны тэргүүн Дональд Трамп мэдэгдэж байсан билээ.

Эх сурвалж: Associated Press

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

23 цаг өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...