Дэлхий дахинд

Польш улс тусгаар тогтнолынхоо 100 жилийн ойг тэмдэглэлээ

Нийтэлсэн

6 жил өмнө

2018-11-12

Нийтэлч

Admin

Өчигдөр буюу арваннэгдүгээр сарын 11-нд Польш улс тусгаар тогтнолын 100 жилийн ойгоо тэмдэглэжээ.

1918 оны энэ өдөр Дэлхийн Нэгдүгээр дайн дуусахтай зэрэгцэн Польш улс тусгаар тогтнолоо дахин сэргээсэн юм. Энэ үед зуу гаруй жил Прусс, Орос, Австри-Унгарын эзэнт гүрнүүдийн хэсэг болж хуваагдсаны эцэст Польш тусгаар улс болж байв.

Өчигдөр бас Дэлхийн Нэгдүгээр дайн дууссаны 100 жилийн ойг Парис хотод олон улс орны төрийн тэргүүнүүд тэмдэглэсэн билээ. 1918 оны энэ өдөр байгуулсан гал зогсоох гэрээний үр дүнд 10 сая цэрэг, олон сая энгийн иргэн амиа алдсан дэлхийн дайн өндөрлөж байжээ.

Польшийн ерөнхийлөгч Андрей Дуда өчигдөр өглөө маршал Жозеф Пилсудский тэргүүтэй тусгаар тогтнолын баатруудын хөшөөнд цэцэг өргөсөн юм.

Польшийн ерөнхий сайд асан, Европын Зөвлөлийн ерөнхийлөгч Дональд Туск мөн Варшавт болсон арга хэмжээнүүдэд оролцжээ. Ойн баярыг тохиолдуулан Варшавын гудамжинд 200,000 хүн оролцсон жагсаал болсон байна.

Эх сурвалж: Associated Press

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

22 цаг өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...