Дэлхий дахинд

Катар улс ОПЕК-оос гарч байгаагаа зарлалаа

Нийтэлсэн

6 жил өмнө

2018-12-04

Нийтэлч

Admin

Катар улс 2019 оны нэгдүгээр сарын 1-ний өдрөөс эхлэн Нефть экспортлогч орнуудын байгууллагаас гарч байгаагаа зарласан байна. Энэ талаар ОПЕК, Нефть экспортлогч орнуудын байгууллага өнөөдөр мэдэгдэнэ гэж Дохад хийлгэсэн хэвлэлийн бага хурал дээр Катарын Эрчим хүчний сайд Саад аль-Кааби хэлжээ.

Катар улс олон улсын түвшинд өөрийн байр суурийг бэхжүүлэх боломжтой боллоо гэсэн дүн шинжилгээ хийсний дараа энэ байгууллагаас гарах шийдвэр гаргасан юм байна.

ОПЕК-оос гарч байгаа нь Катарын хувьд техникийн болон стратегийн чухал алхам гэж сайд хэлжээ.

“Манай байгалийн хий, байгалийн хийн үйлдвэрлэл жилд 77 саяас 110 сая хүрч байгаа учраас Катар улс нефть экспортлогч орнуудын байгууллагаас гарах шийдвэр гаргалаа” гэж ноён аль Каабигийн хэлснийг Al Jazeera телевиз дамжуулсан байна. Сайд бас “Манай улс ОПЕК-оос гарч байгаа нь улс төрийн юм уу, бусад орнуудтайгаа санал зөрөлдсөнөөс болж байгаа хэрэг огт биш. Энэ бол Катарын нэр хүнд, байр суурийг эрчим хүчний найдвартай нийлүүлэгчийн хувьд дэлхий дахинд бэхжүүлэх, нөгөө талаар манай нефть олборлолтын хэмжээтэй холбоотой гарч байгаа техникийн шийдвэр” гэж хэлсэн байна.

Катар улс ОПЕК-оос гарч байгааг тус улсын төрийн мэдлийн Qatar Petroleum компани бас баталсан байна.

Катарын эдийн засаг үндсэндээ нефть, байгалийн хийн олборлолтоос бүрддэг. Энэ салбар тус улсын дотоодын нийт бүтээгдхүүний 55, экспортын орлогын 85, улсын төсвийн 70 хувийн бүрдүүлдэг юм. Катар нь Нефть экспортлогч орнуудын байгууллагын гишүүнээр 57 жил болж байгаа, энэ байгууллагын нийт нефтийн 1,85 хувийг эзэлдэг юм байна.

Өнөөдөр Нефть экспортлогч орнуудын байгууллага-ОПЕК-т өнөөдөр Саудын Араб, Арабын нэгдсэн Эмират, Катар, Кувейт, Иран, Ирак, Венесуэл, Экваторын Гвиней, Эквадор, Алжир, Ангол, Конго, Габон, Ливия, Нигери гэсэн 15 улс багтдаг.

ОПЕК-ийн хуралдаан арванхоёрдугаар сарын 6-нд Венад болох гэж байгаа юм. ОПЕК-ийн орнууд зах зээлийг тэнцвэржүүлж, нефть олборлох хэмжээгээ багасгах, нефтийн үнийг огцом өсгөхгүй байх асуудлаар хэлэлцээрийн төсөл бэлтгэж байна гэж үүний өмнө The Wall Street Journal мэдээлж байсан юм.

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

БНСУ даяар галын нөхцөл байдал ноцтой түвшинд хүрснийг зарлалаа

Нийтэлсэн

1 долоо хоног өмнө

2025-03-26

Нийтэлч

24barimt

2025 оны гуравдугаар сарын 26-ны өглөөний 07:30 цагийн байдлаар БНСУ даяар галын нөхцөл байдал ноцтой түвшинд хүрсэн гэж зарласан бөгөөд энэ нь гал түймрийн хамгийн дээд түвшин юм.

Одоогийн байдлаар нас барсан хүмүүсийн тоо 18, түлэгдэж угаартсан хүмүүсийн тоо 19 болж, нийт 37 хүн амь нас, эрүүл мэндээрээ хохирсон байна.

Гал түймрийн гарал үүсэл нь тодорхой болж эхэлсэн бөгөөд салют буудуулах болон талийгаачийн булш эргэж байх үед гал алдсан нь гол шалтгаан болсон гэж үзэж байна.

Мөн аюултай нөхцөл байдал үүссэнтэй холбогдуулан нийт 27,000 орчим иргэнийг аюулгүй газар нүүлгэн шилжүүлж, 1,600 иргэнийг түр хоргодох байранд байрлуулжээ.

Гал сөнөөгчид болон цэргийн 5000 гаруй албан хаагч, 146 нисдэг тэрэг дайчлагдан ажиллаж байгаа ч хуурай салхи, хүнд нөхцөл байдлаас болж унтраахад хүндрэлтэй байна.

Гуравдугаар сарын 26-ны үдээс хойш хүчтэй салхи шуурах төлөвтэй байгаа тул иргэдийг аюултай нөхцөл байдлаас урьдчилан сэргийлж, хяналттай байхыг анхааруулж байна.

Консулын газар нь галын голомтын аюултай бүсэд оршин суугаа Монгол Улсын иргэддээ яаралтай үед холбогдох шуурхай утсыг ажиллуулж байна гэж Пусан хотод суугаа Консулын газраас мэдээллээ.

Дэлгэрэнгүй ...

Дэлхий дахинд

Сөүл хотод авто зам цөмөрч мотоциклтой иргэн унажээ

Нийтэлсэн

2 долоо хоног өмнө

2025-03-25

Нийтэлч

24barimt

Өчигдөр буюу даваа гарагт Сөүл хотод авто зам цөмөрч, мотоциклтой иргэн унасан байна. Одоогоор тус иргэнийг аврах ажиллагаа үргэлжилж байгаа аж.

Орон нутгийн цагаар өчигдөр орой 6 цагийн үед Гандун дүүрэг дэх бага сургуулийн ойролцоох авто зам цөмөрч, бараг 20 метрийн өргөнтэй нүх үүссэн байна.

Тус нүх зургаан эгнээтэй замын дөрвийг нь хамарч байгаа бөгөөд нэмж томрох эрсдэлтэй байгаа аж. Улмаар Сөүл хотын захирагч яаралтай арга хэмжээ авахыг үүрэгджээ.

Одоогоор зам цөмөрсөн шалтгааныг тодруулахаар ажиллаж байна.

Гэхдээ албаныхны урьдчилсан байдлаар үзэж буйгаар зам цөмөрсөн шалтгаан нь замын доорх ус дамжуулах хоолой хагарснаас үүдсэн байж болзошгүй гэв.

Осол гарсан замын доор метроны есдүгээр шугамын өргөтгөлийн ажил мөн хийгдэж байжээ.

Дэлгэрэнгүй ...

Дэлхий дахинд

Өмнөд Солонгос даяар 30 шахам ой хээрийн түймэр гарав

Нийтэлсэн

2 долоо хоног өмнө

2025-03-24

Нийтэлч

24barimt

Өмнөд Солонгосын зүүн өмнөд хэсэгт өнгөрсөн амралтын өдрүүдээр 30 шахам ой хээрийн түймэр гарчээ. Тодруулбал, 29 байршил гарсан гал түймрийн улмаас дор хаяж дөрвөн хүн амиа алдаж, зургаан хүн шархдаад байна. Мөн 19 км2 талбай шатсан бөгөөд галт тэрэг, зарим авто замын хөдөлгөөнд саад учирчээ.

Бямба гаригийн орой засгийн газар зарим бүс нутагт гамшгийн онц байдал зарлажээ. Харин Ням гаригийн өглөө ихэнх түймрийг унтрааж, зургаан газар л үлдсэн байна.

Гал унтраахад 1600 орчим гал сөнөөгч, 35 нисдэг тэрэг, олон арван галын машин дайчилжээ.

29 түймэр янз бүрийн шалтгаанаар гарсан бөгөөд тэдгээрээс дурдвал, Санчеон хотын түймэр л гэхэд тариачны зүлэг хадагч шатсанаас болжээ. Мөн Бусанаас холгүй орших Гимхэ хотод хог шатаах зуухнаас үүдэлтэй гал гарсан байна. Цаг агаар хуурай, салхитай байгаа тул гал түймэр амархан тархаж байгааг албаныхан анхааруулж байна. Гурав, дөрөв, тавдугаар сард Өмнөд Солонгос хамгийн хуурай цаг агаартай байдаг. Мөн гал түймэр гарсан зарим газар нь уулархаг бүс нутаг байгаа тул аврагчид хүрч очиход хүндрэлтэй байгаа аж.

Өмнөд Солонгосын ерөнхийлөгчийн үүрэг гүйцэтгэгч Чой Сан Мок галыг түргэн унтраахын тулд боломжит бүх техник хэрэгсэл, хүн хүчийг дайчлахыг тушаажээ.

Дэлгэрэнгүй ...