Дэлхий дахинд

Диснейн бүтээсэн “Мулан” кино коронавирусийн ээлжит хохирогч болж байна

Нийтэлсэн

5 жил өмнө

2020-02-14

Нийтэлч

АНУ-ын Дисней компани “Мулан” бүрэн хэмжээний уран сайхны киног бүтээснээ гуравдугаар сарын 27-нд дэлхий даяар нээх гэж байна.

Гэвч шинэ коронавирусийн гамшгийн улмаас Хятадын зах зээлд гарах хугацаа нь тодорхойгүй болжээ. Шинэ вирусийн халдварыг хязгаарлах зорилгоор Хятад улс 70,000 орчим кинотеатраа хаагаад байгаа юм.

Кинотеатруудыг хаасан эхний гурван долоо хоногийн хугацаанд Хятадын кино урлагийн салбар $1 тэрбум гаруй хэмжээний хохирол амссан гэдэг.

Хятад улс нь дэлхийд АНУ-ын дараа хоёрдугаарт ордог кинотеатрын том зах зээл юм.

Хятадын түүхийн сэдэвтэй “Мулан” кино энэ улсын зах зээлд хит болох нь гарцаагүй. $200 саяын өртгөөр бүтсэн “Мулан” нээлтийн долоо хоногтоо АНУ-ын зах зээлээс $40-$60 саяыг олох тооцоог Boxoffice.com сайтын мэргэжилтнүүд гаргажээ.

Тиймээс зардлаа нөхөхөд нь Дисней компанид Хятадын киноны зах зээлд маш чухал үүрэгтэй.

Гэвч коронавирусийн гамшиг хэзээ өндөрлөж, Хятадын кинотеатрын сүлжээ хэзээ ажиллаж эхлэх нь тодорхойгүй байна.

Эх сурвалж: Business Insider

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...