Нийгэм

Биеийн жин 10 хувиар буурахад чихрийн шижин өвчний эрсдэл 50 хувиар буурдаг

Нийтэлсэн

7 жил өмнө

2018-12-18

Нийтэлч

Admin

Дэлхийн хэмжээнд чимээгүй тахал хэмээн нэрлэгдээд буй чихрийн жишин өвчин сүүлийн жилүүдэд эрс нэмэгдэж байгаа нь эмч мэргэжилтнүүдийн санааг зовоож байна.

Чихрийн шижин өвчин нойр булчирхай хангалттай хэмжээгээр инсулин боловсруулж чадахгүй эсвэл боловсорсон инсулин бие махбодид нөлөөлж чадахгүй болсноос цусан дахь сахарын хэмжээ ихсэх шинжээр илэрдэг архаг өвчин юм. Ихэнх тохиолдолд ЧШӨ 1,2-р хэлбэр элбэг тохиолддог байна.

1-р хэлбэрийн чихрийн шижин:

Энэ нь нойр булчирхайн инсулин үйлдвэрлэгч эсүүдийн гэмтлийн улмаас инсулин маш бага ялгарч, зарим тохиолдолд огт ялгарахгүй болдог. Тиймээс гаднаас тарих шаардлагатай болдог байна. Энэхүү хэлбэр нь 35-с доош насны залууст тохиолдох нь элбэг аж.

2-р хэлбэрийн чихрийн шижин:

Энэ нь ихэвчлэн 40-с дээш насны хүмүүс тохиолддог ба тарган хүмүүст голчлон илэрдэг байна. Энэ үед инсулин хэвийн ялгарах боловч сахар эд эсэд бүрэн нэвтэрч чадахгүй цусанд хуримтлагддаг байна. Энэ үед шинж тэмдэгүүд нь бүдэг илэрдэг учраас оношлоход төвөгтэй аж.

ЧШӨ үүсэх хүчин зүйлс:

Удамших
Таргалалт
Цусны даралт ихсэх өвчин, цусны судасны хатуурал
Цусанд өөх тосны хэмжээ их байх
Хөдөлгөөний хомсдол
Буруу хоололт
Сэтгэл санааны сөрөг нөлөө
Эмгэг жирэмсний хожуу хордлого 4-5 аас дээш кг жинтэй хүүхэд төрүүлэх
Хорт зуршил архи тамхины хэрэглээ
Эдгээрийн нэгээс хоёр тохиолдол танд байвал чихрийн шижин өвчнөөр өвдөх эрсдэл байна гэсэн үг. Түүнчлэн зохисгүй хоололт, хөдөлгөөний дутагдал, амьдралын буруу хэв маягийн улмаас үүссэн таргалалт нь чихрийн шижин үүсгэх гол шалтгаан болдог байна. Хэвийн жинтэй хүнтэй харьцуулахад биеийн жингийн илүүдэлтэй хүмүүс ЧШ-ээр өвчлөх эсрдэл өндөр аж. Чихрийн шижин анх оношлогдож буй хүмүүсийн 90 гаруй хувь нь биеийн жингийн илүүдэл, таргалттай байдаг. Харин тухайн хүний биеийн жин 10 хувиар буурахад чихрийн шижин өвчний эрсдэл 50 хувиар буурдаг гэх судалгаа байдаг аж.

Тиймээс энэхүү өвчнөөс урьдчилан сэргийлэхийн тулд биеийн жингээ тогтмол барихаас гадна хэвлийн хэсгээр илүү турах шаардлагатай байна. Мөн хоногийн хоолны өөх тосны хэмжээг тохируулах, ханасан өөх тосны хэмжээг хязгаарлах, дасгал хөдөлгөөнийг нэмэгдүүлэх шаардлагатай.

Сэдвүүд:nnnn

Дэлгэрэнгүй ...

Сэтгэгдэл үлдээх

Нийгэм

Гадаадын иргэний виз олголт 2.8 дахин өсжээ

Нийтэлсэн

32 минут өмнө

2025-06-17

Нийтэлч

24barimt

Гадаадын иргэн, харьяатын газар энэ оны эхний таван сарын байдлаар гадаадын 22509 иргэнд визийн зөвшөөрөл, 11484 иргэнд виз олголоо.

Мөн эрх бүхий байгууллагын зөвшөөрлийг үндэслэн гадаадын 12268 иргэнд Монгол Улсад оршин суух зөвшөөрөл олгож, 14430 иргэний оршин суух зөвшөөрлийн хугацааг сунган, 4135 иргэний бүртгэлд хасалт хийсэн байна.

Дээрх тоон үзүүлэлтийг 2024 оны мөн үетэй харьцуулахад виз олголт 2.8 дахин, оршин суух зөвшөөрөл олголт 76.3 хувь, сунгалт 15.4 хувиар тус тус өссөн бол оршин суух зөвшөөрлийн хасалт 31.1 хувиар буурчээ.

2025 оны тавдугаар сарын байдлаар Монгол Улсад албан болон хувийн хэргээр оршин суух зөвшөөрөлтэй 136 орны 40003 гадаадын иргэн байна.

Албан хэргээр 607, хөрөнгө оруулагч 4404, хөдөлмөр эрхлэгч 20839, гэр бүлийн болон хувийн бусад зорилгоор 8466, суралцагч 3734, цагаач 1834, шашны зорилгоор 119 гадаадын иргэн оршин сууж байна гэж ГИХГ-аас мэдээллээ.

Дэлгэрэнгүй ...

Нийгэм

Ази, Номхон далайн бүсийн “ASPAC” чуулган боллоо

Нийтэлсэн

37 минут өмнө

2025-06-17

Нийтэлч

24barimt

Олон улсын JCI байгууллагын 2025 оны Ази, Номхон далайн бүсийн “ASPAC” чуулган Улаанбаатар хотноо зохион байгуулагдлаа. Энэхүү чуулга уулзалтад олон улсын JCI байгууллагын 60 гаруй орны 5000 гаруй зочид төлөөлөгч хүрэлцэн ирж оролцлоо.

Чуулга уулзалтын хаалтын өдөр НИТХ-ын дарга А.Баяр Ази номхон далайн бүсийн “ASPAC” чуулгад оролцож буй олон улсын JCI байгууллагын төлөөлөгч, зочдод хандан үг хэллээ. НИТХ-ын дарга А.Баяр “Монгол Улсад зохион байгуулагдаж буй Ази Номхон далайн бүсийн “ASPAC-2025” чуулга уулзалтад хүрэлцэн ирсэн JCI байгууллагын хүндэт төлөөлөгчид, эрхэм ноёд, хатагтай, оюунлаг гишүүд та бүхэндээ энэ сайхан үдшийн мэндийг хүргэе. Миний хувьд 2014 онд JCI Central салбар байгууллагын халуун ам бүлд нэгдэж гишүүн болж байлаа.

Би 2015 онд Япон улс Ямагата хотод зохион байгуулагдсан “ASPAC” уулзалтад оролцож 10 жилийн өмнө ASPAC-т оролцох ач холбогдлыг ойлгож байлаа. Та бид гэхдээ бодитой, нүдэнд харагдаж, гарт баригдахуйц, 20,30 жилийн ирээдүйн хөгжлийг чиглүүлэгч олон төсөл, хөрөнгө оруулалт, бүтээн байгуулалтуудыг орон орны JCI байгууллагуудтай хамтарч хийх шаардлагатай.

Нийслэл Улаанбаатар хотод эдийн засгийн гол ач холбогдол бүхий мега төслүүд гараанаас эхэлж, улс эх орны хувьд түүхэн цаг үе ирж буй энэ үед олон улсын JCI байгууллагын эрхэм төлөөлөгч, гишүүд та бүхэн манай улсын ирээдүй болсон салбар салбарын хөгжлийн сор болсон залуустай уулзаж, харилцаа холбоо тогтоон УБ хот, Монгол улсын хэрэгжүүлэх метро, хурдны зам зэрэг авто замын түгжрэл, агаарын бохирдол зэрэг дээрх төслүүдэд идэвхитэй оролцож түүх бүтээнэ гэдэгт итгэлтэй байна. УБ хот JCI-чуудээ үргэлж дэмжсээр байх болно оо” хэмээн онцлон хэллээ.

Дэлгэрэнгүй ...

Нийгэм

Энэ оноос эхлэн 105,627 өрхийг шатдаг хийн түлшинд үе шаттайгаар холбохоор төлөвлөж байна

Нийтэлсэн

41 минут өмнө

2025-06-17

Нийтэлч

24barimt

Нийслэлийн ИТХ-ын дарга А.Баяр, НИТХ-ын төлөөлөгч, “Тархмал эрчим хүчний дэд бүтэц” ХХК-ийн Гүйцэтгэх захирал Ч.Батзориг нар БНХАУ-ын Чиндао хотын эрчим хүчний салбарын төлөөлөгчидтэй уулзлаа. Уулзалтаар талууд хөрөнгө оруулалт, хамтын ажиллагааны боломжуудын талаар санал солилцов.

Нийслэл Улаанбаатар хотын агаарын бохирдлыг бууруулах, иргэдийн эрүүл амьдрах орчныг бүрдүүлэх зорилгоор сайжруулсан шахмал түлш болон түүхий нүүсний хэрэглээг үе шаттайгаар бууруулж, шатдаг хийн түлш болон бусад тархмал цэвэр эрчим хүчний эх үүсвэрүүдийг нэвтрүүлэх шаардлага тулгарч Монгол Улсын Засгийн газрын 133 дугаар тогтоол, Монгол Улсын Засгийн газрын 2024–2028 оны үйл ажиллагааны хөтөлбөрт тусгагдсан “Эрчим хүчээр хангагдсан хот” зорилтыг хэрэгжүүлэх хүрээнд Нийслэлийн иргэдийн төлөөлөгчдийн хурлын 24/13 тогтоолоор 2024 оны 11 дүгээр сарын 29-ний өдөр “Тархмал Эрчим Хүчний Дэд Бүтэц” ХХК байгуулагдсан.

НИТХ-ын төлөөлөгч, “Тархмал эрчим хүчний дэд бүтэц” ХХК-ийн Гүйцэтгэх захирал Ч.Батзориг 2025 оноос эхлэн нийт 105,627 өрхийг шатдаг хийн түлшинд үе шаттайгаар холбохоор төлөвлөсөн. Эхний ээлжинд 7,000 өрхийг, цаашлаад 2030 он хүртэл жил бүр нэмэгдүүлэн холбох ажлыг зохион байгуулна. Эхний холболт нь Баянзүрх дүүргийн гэр хорооллын тодорхой бүсүүдэд хэрэгжихээр төлөвлөгдөж байгаа талаар танилцууллаа.

НИТХ-ын дарга А.Баяр Нийслэл Улаанбаатар хотын тулгамдсан асуудал болох агаар орчин бохирдолыг бууруулах, шатдаг хийн түлшийг нэвтрүүлэх үйл ажиллагаанд хөрөнгө оруулалт хийхээр хамтран ажиллах сонирхолтойгоор хүрэлцэн ирсэнд нийслэлийн эрх барих дээд байгууллага НИТХ-ын нэрийн өмнөөс талархал илэрхийлэв. Хийн түлшинд шилжихэд Монголын эрс тэс цаг уурын нөхцөлд таарсан технологи, хамгийн чухал нь аюулгүй байдалд онцгой анхаарч байгаагаа дурдаад Улаанбаатар хот хамтын ажиллагаанд нээлттэй бөгөөд хууль эрх зүйн хүрээнд бүхий л боломжоор дэмжин ажиллахаа илэрхийлэв.

“Тархмал Эрчим Хүчний Дэд Бүтэц” ХХК нь нийслэлийн иргэдийг цэвэр, хүртээмжтэй эрчим хүчээр хангах, агаарын бохирдлыг бууруулах, тогтвортой хөгжлийг дэмжих зорилгоор үйл ажиллагаагаа үе шаттайгаар хэрэгжүүлж байна.

Дэлгэрэнгүй ...