Нийгэм

Ц.Түмэнцогт: Авлигатай тэмцэх ажлын менежментийн тогтолцооны стандартыг Эрдэнэс Монгол нэгдлийн хэмжээнд нэвтрүүлж ажиллана

Нийтэлсэн

7 жил өмнө

2018-02-22

Нийтэлч

Admin

Эрдэнэс Монгол ХХК Авлигатай тэмцэх ажлын менежментийн тогтолцооны стандартыг нэвтрүүлэхээр боллоо. Тэрээр MNS/ ISO 37001:2017 Авлигатай тэмцэх ажлын менежментийн тогтолцооны стандартыг нэвтрүүлэхээр өнөөдөр ISO Монголиа компанитай санамж бичиг зурсан юм. Энэхүү стандартыг хэрхэн нэвтрүүлэх болон гарах үр дүнгийн талаар Эрдэнэс Монгол ХХК-ийн Гүйцэтгэх захирлаас тодрууллаа.

Өнөөдөр бид ISO Монголиа компанитай“Авлигатай тэмцэх менежментийн тогтолцоо” стандартыг нэвтрүүлэхээр санамж бичиг зурлаа. Энэхүү стандарт нь Стандартчилалын Үндэсний Зөвлөлийн тогтоолоор өнгөрсөн онд батлагдсан байдаг. Олон улсад хүлээн зөвшөөрөгдсөн монголд нутагшсан энэхүү стандартыг Эрдэнэс Монгол болон охин хараат компаниудад нэвтрүүлж ажиллана.

Сүүлийн жилүүдэд Эрдэнэс Монгол компани засаглалаа сайжруулахад анхаарч байгаа. Энэ ажлын хүрээнд санхүүгийн удирдлага, худалдан авалт, авлигын эрсдлээс урьдчилан сэргиийлэх ажлыг өргөн цар хүрээтэй хийхээр төлөвлөж байна. Мөн Эрдэнэс Монгол нэгдлийн хэмжээнд мэдээллийн технологид суурилсан удирдлагын менежментийн систем болон олон стандартуудыг шат дараатай нэвтрүүлэхээр ажиллаж байгаа. Авлигатай тэмцэх энэ стандарт нь манайд хэрэгжүүлж байгаа эдгээр ажлуудтай их уялдах юм. Энэ стандартыг нэвтрүүлснээр менежментийн болон санхүүгийн үр ашиг сайжрах, орлого ашиг нэмэгдэх, худалдан авалтын процесс, байгууллагын үйл ажиллагаа ил тод болох зэрэг ач холбогдолтой.

Энэ онд Эрдэнэс Тавантолгойн хувьцааны арилжааг эхлүүлэх, IPO хийх зэрэг ажлууд төлөвлөгдсөн. Ер нь олон улсын хөрөнгийн биржүүд олон улсын стандартуудыг нэвтрүүлэх шаардлага тавьдаг. Тэр утгаараа IРO хийх гэж байгаа энэ үед хөрөнгө оруулагчдын итгэлийг олж авах, үнэ цэнийг нэмэгдүүлэх, 1072 хувьцааг эргэлтэд оруулах, компанийн зах зээлийн үнэлгээ томрох зэрэг ач холбогдолтой юм.

Сэдвүүд:Эрдэнэс Монгол

Дэлгэрэнгүй ...

Сэтгэгдэл үлдээх

Нийгэм

Үндэсний бөхийн тамирчдаас допингийн хяналтын зорилгоор сорьц авч шинжлүүлжээ

Нийтэлсэн

21 минут өмнө

2025-04-03

Нийтэлч

24barimt

Монгол Улсын Засгийн газрын 2022 оны 10 дугаар сарын 19-ний өдрийн 376 дугаар тогтоолоор баталсан Допингийн Эсрэг Үндэсний Дүрмийн дагуу үндэсний бөхийн тамирчдаас допингийн хяналтын зорилгоор тэмцээний болон тэмцээний бус үеийн шинжилгээнд биологийн сорьц цуглуулан авч Дэлхийн Допингийн Эсрэг Агентлагийн итгэмжлэгдсэн ХБНГУ, БНСУ, Швейцарь улсын лабораторт хүргүүлэн шинжлүүлэв.

Допингийн эсрэг үндэсний дүрмийн дагуу Монголын Допингийн Эсрэг Үндэсний Байгууллага нь допингийн шинжилгээний үр дүн, зөрчил, авсан арга хэмжээний талаар олон нийтэд мэдээлэх үүрэгтэй тул мэдээлж байна. Үүнд:

⁃ Шинжилгээний үр дүн

⁃ Допингийн зөрчил гаргасан тамирчин болон холбогдох этгээдийн мэдээлэл

⁃ Илэрсэн хориглосон бодис, хориотой арга

⁃ Тухайн тамирчинд оноосон шийтгэл болон түр түдгэлзүүлэлт хийсэн талаар

Допингийн шинжилгээнд зөрчил илэрсэн тамирчдад дүрмийн дагуу дараах эрхийг ханган ажиллаж байна:

• Лабораторийн шинжилгээний хуудас, А сорьцын баримт бичгийн багцыг нэмэлтээр авах

• В сорьцыг шинжлүүлэх

• Тайлбар өгөх

• Допингийн Эсрэг Үндэсний Дүрмийн хүрээнд хамтран ажиллах нөхцөлийг бүрдүүлэх

Монгол Улсад допингийн эсрэг олон улсын жишигт нийцсэн хяналт, шалгалтыг хэрэгжүүлж, үндэсний бөхийн нэр хүндийг хамгаалах, шударга өрсөлдөөнийг дэмжих бодлогыг баримтлан ажиллаж байна.

Допингийн эсрэг хяналт, үр дүнгийн талаарх мэдээллийг олон нийтэд тухай бүрд нь хүргэн ажиллах болно гэж Монголын Допингийн Эсрэг Үндэсний Байгууллагаас мэдээллээ.

Дэлгэрэнгүй ...

Нийгэм

Барилгын ажил хийх үедээ унаж гэмтжээ

Нийтэлсэн

1 цаг өмнө

2025-04-03

Нийтэлч

24barimt

Урин дулааны улирал эхлэн, барилга бүтээн байгуулалтын ажил эд өрнөж байгаа энэ үед хөдөлмөрийн аюулгүй ажиллагааны дүрэм журмыг баримтлаагүйгээс үүдэн иргэд гэмтэх цаашлаад амь насаа алдах эрсдэл үүсч байна.

Тодруулбал, Баянзүрх дүүргийн цагдаагийн газрын хоёрдугаар хэлтэст барилга дээр засвар хийж байсан хүн уналаа гэх дуудлага мэдээлэл бүртгэгдсэн.

Дуудлага мэдээллийн дагуу шалгалтын ажиллагаа явуулахад 51 настай иргэн Б нь барилгын ажил хийх явцдаа 16 давхраас 13 давхарлуу унаж зүүн далны доод хэсгийг хугалж гэмтээжээ.
Иймээс иргэд та бүхэн барилга байшингийн засвар үйлчилгээ, бүтээн байгуулалтын ажил гүйцэтгэхдээ хөдөлмөрийн аюулгүй ажиллагааг хангаж, дүрэм журмын дагуу ажиллахыг цагдаагийн байгууллагаас сэрэмжлүүлж байна.

Дэлгэрэнгүй ...

Нийгэм

Манай улс НҮБ-ын хүний эрхийн зөвлөлд дөрөв дэх тайлангаа хүргүүлнэ

Нийтэлсэн

2 цаг өмнө

2025-04-03

Нийтэлч

24barimt

“MONGOLIA-EU HUMEN RIGHTS DIALOGUE” буюу “Монгол Улс-Европын Холбооны хүний эрхийн яриа хэлэлцээ” сэдэвт уулзалт Гадаад харилцааны яаманд боллоо.

Европын холбоо болон манай улсын хүний эрхийг хамгаалах чиглэлээр үйл ажиллагаа явуулдаг төрийн байгууллагууд, ХЗДХЯ, ГБХНХЯ-аас хэлэлцүүлэгт оролцож, Хүний эрхийн олон улсын байгууллагаас манай улсад өгсөн зөвлөмжийг хэрэгжүүлэхэд хэрхэн анхаарч ажиллаж байгаа талаар мэдээлэл өглөө.

Өнгөрсөн жил НҮБ-ын Хүний эрхийн зөвлөлд манай улс Хүний эрхийн төлөв байдлын дунд хугацааны тайланг хүргүүлсэн.

2025 онд Хүний эрхийн төлөв байдлын дөрөв дэх тайлангаа хүргүүлэхээр ажиллаж байна.

Манай улс Хүний эрхийн олон улсын байгууллагаас өгсөн зөвлөмжийг хэрэгжүүлэх үйл ажиллагааны төлөвлөгөөг баталж, төлөвлөгөөний хэрэгжилтэд хяналт тавих орон тооны зөвлөлийг байгуулсан.

Энэ ажлын хүрээнд ядуурлыг бууруулах чиглэлээр хэрэгжүүлж буй бодлого, шийдвэрийн талаар ГБХНХЯ-наас танилцууллаа.

Монгол Улсын Засгийн газрын 2024-2028 оны үйл ажиллагааны хөтөлбөрт хүний хөгжлийн үзүүлэлтийг 10 байр ахиулж, ядуурлын түвшнийг 2 дахин бууруулах зорилтыг тусгасан.Мөн “Алсын хараа 2050” Монгол Улсын урт хугацааны хөгжлийн бодлогод 2030 он гэхэд ядуурлын түвшнийг 15 хувь, 2050 онд 5 хувь болгон бууруулах зорилт тавьсан. Эдгээр зорилтыг хэрэгжүүлэхээр ажиллаж байна.

Дэлгэрэнгүй ...