Нийгэм

Эрдэнэс Монгол компанийн түүхэнд гэрэлт хуудас нэмлээ.

Нийтэлсэн

7 жил өмнө

2018-07-04

Нийтэлч

Admin

“Эрдэнэс Монгол” ХХК-ийн Дэд захирал О.Одбаяр “Хөдөлмөрийн гавьяаны улаан тугийн одон”-гоор шагнуулж, Эрдэнэс Монгол компанийн түүхэнд нэгэн гэрэлт хуудас нэмлээ.

“Эрдэнэс Монгол” ХХК-ийн нийт хамт олон хөдөлмөр зүтгэлээ төрдөө үнэлүүлж, төрийн дээд одон гардсан түүнд хүндэтгэл үзүүлсэн. Тэрээр “энэхүү төрийн дээд шагнал нь нийт Эрдэнэс Монголчуудын зүрх сэтгэлийг гялалзуулж, илүү ихийг бүтээх хариуцлагыг нэмэгдүүллээ” хэмээж алд цэнхэр хадаг, идээний дээж барин угтсан юм. О.Одбаяр захирал Шивээ-Овоо ХК-ийн ТУЗ-ийн даргын үүргийг давхар хашдаг тэрээр Шивээ-Овоо ХК-ийн удаан хугацаанд хуримтлагдсан өр, техник технологийн шинэчлэл, нүүрсний үнийг бодит өртөгт хүргэх зэрэг асуудлуудаар судалгаа шинжилгээ хийж, богино хугацаанд үр дүнтэй ажилласныг төр засгаас ийнхүү үнэлжээ.

“О.Одбаяр захирал дипломат алба хашиж, хувийн хэвшлийг хөгжүүлж, улс төрд зөвлөж, Харвардад боловсроод ирсэн болохоор Эрдэнэс Монголд үнэ цэнэтэй нэгэн. Ёс суртахуун, зэрэг зиндаа, боловсрол, туршлага, мэдрэмжийн өндөр чанар түүнд шингэсэн юм билээ. Хамгийн гол нь энэ салбарын хамгийн сүүлийн үеийн олон улс, дэлхий дахинаа болж буй үйл явдлаар биднийг цэнэглэж байдагт манлайлахуйн нэг чанар оршдог. Төрийн хүний эс шунал, хүлээцтэй атлаа алсын хараатай бодлого гэх зэрэг олон шинж түүнд бий, байх ч ёстой. Учир нь тэр багаасаа харж өссөн. Түүний аав Одонгоо хэмээн монголчуудад авгайлагдсан том сэхээтэн, соён гэгээрүүлэгч, улстөрч байсан юм. 2007 онд Нийгмийн хамгаалал, хөдөлмөрийн сайдаар ажиллаж байхдаа өөрөө үрж зараагүй төсвийн үрэлгэн зардлын өмнөөс сайн дураараа огцорч байсан сайд хүн. Тиймээс хүүгийнх нь тухай хэлсэн үг хоосон магтаал биш юм” хэмээн Эрдэнэс Монгол компанийн хэвлэл хариуцсан мэргэжилтэн сэтгэгдлээ бичжээ.

Боловсруулсан: С.Хүрэл

Сэдвүүд:Эрдэнэс Монгол

Дэлгэрэнгүй ...

Сэтгэгдэл үлдээх

Нийгэм

Гадаадын иргэний виз олголт 2.8 дахин өсжээ

Нийтэлсэн

34 минут өмнө

2025-06-17

Нийтэлч

24barimt

Гадаадын иргэн, харьяатын газар энэ оны эхний таван сарын байдлаар гадаадын 22509 иргэнд визийн зөвшөөрөл, 11484 иргэнд виз олголоо.

Мөн эрх бүхий байгууллагын зөвшөөрлийг үндэслэн гадаадын 12268 иргэнд Монгол Улсад оршин суух зөвшөөрөл олгож, 14430 иргэний оршин суух зөвшөөрлийн хугацааг сунган, 4135 иргэний бүртгэлд хасалт хийсэн байна.

Дээрх тоон үзүүлэлтийг 2024 оны мөн үетэй харьцуулахад виз олголт 2.8 дахин, оршин суух зөвшөөрөл олголт 76.3 хувь, сунгалт 15.4 хувиар тус тус өссөн бол оршин суух зөвшөөрлийн хасалт 31.1 хувиар буурчээ.

2025 оны тавдугаар сарын байдлаар Монгол Улсад албан болон хувийн хэргээр оршин суух зөвшөөрөлтэй 136 орны 40003 гадаадын иргэн байна.

Албан хэргээр 607, хөрөнгө оруулагч 4404, хөдөлмөр эрхлэгч 20839, гэр бүлийн болон хувийн бусад зорилгоор 8466, суралцагч 3734, цагаач 1834, шашны зорилгоор 119 гадаадын иргэн оршин сууж байна гэж ГИХГ-аас мэдээллээ.

Дэлгэрэнгүй ...

Нийгэм

Ази, Номхон далайн бүсийн “ASPAC” чуулган боллоо

Нийтэлсэн

39 минут өмнө

2025-06-17

Нийтэлч

24barimt

Олон улсын JCI байгууллагын 2025 оны Ази, Номхон далайн бүсийн “ASPAC” чуулган Улаанбаатар хотноо зохион байгуулагдлаа. Энэхүү чуулга уулзалтад олон улсын JCI байгууллагын 60 гаруй орны 5000 гаруй зочид төлөөлөгч хүрэлцэн ирж оролцлоо.

Чуулга уулзалтын хаалтын өдөр НИТХ-ын дарга А.Баяр Ази номхон далайн бүсийн “ASPAC” чуулгад оролцож буй олон улсын JCI байгууллагын төлөөлөгч, зочдод хандан үг хэллээ. НИТХ-ын дарга А.Баяр “Монгол Улсад зохион байгуулагдаж буй Ази Номхон далайн бүсийн “ASPAC-2025” чуулга уулзалтад хүрэлцэн ирсэн JCI байгууллагын хүндэт төлөөлөгчид, эрхэм ноёд, хатагтай, оюунлаг гишүүд та бүхэндээ энэ сайхан үдшийн мэндийг хүргэе. Миний хувьд 2014 онд JCI Central салбар байгууллагын халуун ам бүлд нэгдэж гишүүн болж байлаа.

Би 2015 онд Япон улс Ямагата хотод зохион байгуулагдсан “ASPAC” уулзалтад оролцож 10 жилийн өмнө ASPAC-т оролцох ач холбогдлыг ойлгож байлаа. Та бид гэхдээ бодитой, нүдэнд харагдаж, гарт баригдахуйц, 20,30 жилийн ирээдүйн хөгжлийг чиглүүлэгч олон төсөл, хөрөнгө оруулалт, бүтээн байгуулалтуудыг орон орны JCI байгууллагуудтай хамтарч хийх шаардлагатай.

Нийслэл Улаанбаатар хотод эдийн засгийн гол ач холбогдол бүхий мега төслүүд гараанаас эхэлж, улс эх орны хувьд түүхэн цаг үе ирж буй энэ үед олон улсын JCI байгууллагын эрхэм төлөөлөгч, гишүүд та бүхэн манай улсын ирээдүй болсон салбар салбарын хөгжлийн сор болсон залуустай уулзаж, харилцаа холбоо тогтоон УБ хот, Монгол улсын хэрэгжүүлэх метро, хурдны зам зэрэг авто замын түгжрэл, агаарын бохирдол зэрэг дээрх төслүүдэд идэвхитэй оролцож түүх бүтээнэ гэдэгт итгэлтэй байна. УБ хот JCI-чуудээ үргэлж дэмжсээр байх болно оо” хэмээн онцлон хэллээ.

Дэлгэрэнгүй ...

Нийгэм

Энэ оноос эхлэн 105,627 өрхийг шатдаг хийн түлшинд үе шаттайгаар холбохоор төлөвлөж байна

Нийтэлсэн

43 минут өмнө

2025-06-17

Нийтэлч

24barimt

Нийслэлийн ИТХ-ын дарга А.Баяр, НИТХ-ын төлөөлөгч, “Тархмал эрчим хүчний дэд бүтэц” ХХК-ийн Гүйцэтгэх захирал Ч.Батзориг нар БНХАУ-ын Чиндао хотын эрчим хүчний салбарын төлөөлөгчидтэй уулзлаа. Уулзалтаар талууд хөрөнгө оруулалт, хамтын ажиллагааны боломжуудын талаар санал солилцов.

Нийслэл Улаанбаатар хотын агаарын бохирдлыг бууруулах, иргэдийн эрүүл амьдрах орчныг бүрдүүлэх зорилгоор сайжруулсан шахмал түлш болон түүхий нүүсний хэрэглээг үе шаттайгаар бууруулж, шатдаг хийн түлш болон бусад тархмал цэвэр эрчим хүчний эх үүсвэрүүдийг нэвтрүүлэх шаардлага тулгарч Монгол Улсын Засгийн газрын 133 дугаар тогтоол, Монгол Улсын Засгийн газрын 2024–2028 оны үйл ажиллагааны хөтөлбөрт тусгагдсан “Эрчим хүчээр хангагдсан хот” зорилтыг хэрэгжүүлэх хүрээнд Нийслэлийн иргэдийн төлөөлөгчдийн хурлын 24/13 тогтоолоор 2024 оны 11 дүгээр сарын 29-ний өдөр “Тархмал Эрчим Хүчний Дэд Бүтэц” ХХК байгуулагдсан.

НИТХ-ын төлөөлөгч, “Тархмал эрчим хүчний дэд бүтэц” ХХК-ийн Гүйцэтгэх захирал Ч.Батзориг 2025 оноос эхлэн нийт 105,627 өрхийг шатдаг хийн түлшинд үе шаттайгаар холбохоор төлөвлөсөн. Эхний ээлжинд 7,000 өрхийг, цаашлаад 2030 он хүртэл жил бүр нэмэгдүүлэн холбох ажлыг зохион байгуулна. Эхний холболт нь Баянзүрх дүүргийн гэр хорооллын тодорхой бүсүүдэд хэрэгжихээр төлөвлөгдөж байгаа талаар танилцууллаа.

НИТХ-ын дарга А.Баяр Нийслэл Улаанбаатар хотын тулгамдсан асуудал болох агаар орчин бохирдолыг бууруулах, шатдаг хийн түлшийг нэвтрүүлэх үйл ажиллагаанд хөрөнгө оруулалт хийхээр хамтран ажиллах сонирхолтойгоор хүрэлцэн ирсэнд нийслэлийн эрх барих дээд байгууллага НИТХ-ын нэрийн өмнөөс талархал илэрхийлэв. Хийн түлшинд шилжихэд Монголын эрс тэс цаг уурын нөхцөлд таарсан технологи, хамгийн чухал нь аюулгүй байдалд онцгой анхаарч байгаагаа дурдаад Улаанбаатар хот хамтын ажиллагаанд нээлттэй бөгөөд хууль эрх зүйн хүрээнд бүхий л боломжоор дэмжин ажиллахаа илэрхийлэв.

“Тархмал Эрчим Хүчний Дэд Бүтэц” ХХК нь нийслэлийн иргэдийг цэвэр, хүртээмжтэй эрчим хүчээр хангах, агаарын бохирдлыг бууруулах, тогтвортой хөгжлийг дэмжих зорилгоор үйл ажиллагаагаа үе шаттайгаар хэрэгжүүлж байна.

Дэлгэрэнгүй ...