Оросын хуурай замын цэрэг 2019 онд дэлхийн 7 улсын зэвсэгт хүчинтэй хамтарсан сургуулилалт хийнэ

Нийтэлсэн

6 жил өмнө

2019-01-03

Нийтэлч

Admin

ОХУ-ын армийн хуурай замын бие бүрэлдэхүүн 2019 онд дэлхийн долоон улсын зэвсэгт хүчинтэй хамтарсан байлдааны сургуулилалт явуулахаар төлөвлөснийг тус улсын батлан хамгаалах яам өчигдөр зарлажээ.

Тэдгээрийн нэг нь Монгол улс болсон байна. Орос, Монголын дайчид “Сэлэнгэ 2019” сургуулилалтыг хамтран зохион байгуулах гэнэ.

Бусад бэлтгэл сургуулилалтуудын хувьд Египеттэй “Найрамдлын сум 2019”, Энэтхэгтэй “Индра 2019”, Тажикистантай “Хагацашгүй ахан дүүс 2019” ажиллагаануудыг явуулахаар төлөвлөжээ.

Мөн энэ жил ОХУ-ын арми анх удаа Лаосын зэвсэгт хүчинтэй хамтарсан бэлтгэл хийхээр болсон байна.

2019 онд бас ОХУ-ын өмнөд цэргийн тойрог Алжир, Пакистаны цэргүүдийг бэлтгэлийн талбайдаа хүлээж авахаар болжээ.

Дээрх бүх сургуулилалтууд энхийг сахиулах, хууль бус зэвсэгт бүлэглэлүүдтэй тэмцэх зорилготой байна гэдгийг ОХУ-ын батлан хамгаалах яам мэдэгдсэн байна.

Эх сурвалж: Xinhua

Сэдвүүд:

Дэлгэрэнгүй ...

Сэтгэгдэл үлдээх

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...