Энтертайнмент

Эхнэрээ үнсээгүй гарсан өдөр сургамжит өгүүллэг

Нийтэлсэн

6 жил өмнө

2019-01-05

Нийтэлч

Admin

Эхнэр минь их л ядарсан болтой хацараа дэрэнд наагаад доошоо хараад унтчихсан байлаа. Аргагүй дээ сүүлийн үед тайлан энэ тэр гээд ядарч байгаа. Би ч ялгаагүй эртхэн ажилдаа очилгүй горьгүй гээд аяга цай амсаал гэрээсээ гүйхээрээ гарлаа. Хурлаас хоцрохгүй гэж хичээх тусам замын түгжирэл улам ихсэж намайг бачимдуулна.

За хөөрхий хурлаасаа хоцорчихлоо гэж. Даргын царай ч ер нь баргар талдаа. Хурал дуусгаад уулзаарай гэсэн msg илгээдэг байгаа. Манай дарга нээрээ хурал дундуур ажилчид руугаа msg нисгээл.

Хурлын дараа даргын өрөөнд хулган байж орлоо. Миний бичсэн тайлан ширээн дээр нь ногоон хавтастайгаа хэвтэнэ. Манай дарга ер нь их буурьтай хүн дээ.

– За яагаад хоцорсон чинь одоо надад хамаагүй өнгөрсөн хэрэг. Харин надад тайлан чинь таалагдсангүй. Дахиад хэдэн зүйлс тодруулах хэрэгтэй байна. Би бүгдийг нь тэмдэглэчихсэн байгаа. Уг нь чамайг овоо залуу юм уу гэсэн…
гээд дарга миний үгийг сонсохыг хүсэхгүй байгаагаа илэрхийлэн тайланг минь надад өглөө.

Би ч за гэхээс өөр юм хэлсэнгүй.
Өрөөндөө ортол туслах эгч маань байдаггүй. Уг нь өглөө болгон сайхан цайтай угтдагсан. Ширээн дээрх бичгийн агуулгыг уншвал туслах эгч маань өвдчихөж. За хөөрхий ингээд бүгдийг өөрөө хийх хэрэг гардаг байжээ.

Тайлангаа засаад суутал нэг мэдэхэд ажил тарах болчихсон байлаа. Үдийн хоолоо ч мартчихаж. Утсаа шалгатал гэргийгээс минь өчнөөн дуудлага msg. Уншаад л шууд даргын өрөө рүү гүйлээ. Зассан тайлангаa даргадаа өгөөд гэртээ харих замдаа ч орлоо.
Бурхан энэ замын түгжрэлийг… Арай хийн гэртээ орж ирэхэд халуу дүүгэн өмнөөс сайхан хоолны үнэр угтлаа. Эхнэрийн минь 2 хацар улайчихсан “Миний хань яасан бэ? Ажил нь зүгээр үү?” гэсээр үнсэхэд нь гэнэт өглөө эхнэрээ үнсээгүй гарсанаа саналаа. Гал тогооны өрөө рүү орж яваа эхнэрээ араас нь гүйцэж очоод олон сар жилээр уулзаагүй юм шиг удаан гэгч нь үнслээ.

Сэрүүлэг дугарахгүй байна. Эхнэр минь унтах гээд албаар унтраасан болтой. Би ч хүүхэд нам унтаж байгаа эхнэрээ дураараа үнсэж аваад ажил руугаа жирийлээ.

Өрөөндөө орж иртэл туслах эгч маань халуун цай барин орж ирээд “Эгч нь өчигдөр ханиад хүрээд” гэсээр миний даргын өгсөн миний ногоон хавтастай тайланг надад өглөө.

Дэлгээд харвал “Маш сайн” гэсэн даргын улаан үзэгний мөрүүд тодоос тод байна.
Өдөр ханьтайгаа хамт хооллоод ажил дээрээ иртэл үдээс хойш амарч болно гэсэн email даргаас ирсэн байхыг хараад яравчлан гарлаа. Хүнсний дэлгүүр орж хэрэгтэй гэсэн зүйлсээ цуглуулаад орой эхнэртээ гарын хоолоо хийж өгөөд хамтдаа хажуулахаар хэвтлээ.

Эхнэр маань эрхлэнгүй тэвэрч байсанаа “Хань нь жирэмсэн болчихож” гээд яах нь уу гэсэн байртай нүд рүү эгцлэн ширтлээ.
Эхнэрээ үнсээд гарсан өдөр хамгийн аз жаргалтай

Сэдвүүд:

Дэлгэрэнгүй ...

Сэтгэгдэл үлдээх

Энтертайнмент

Улсын заан М.Лхагвагэрэл бөхчүүдийн чансааг тэргүүлж байна

Нийтэлсэн

2 өдөр өмнө

2025-04-16

Нийтэлч

24barimt

Монголын үндэсний бөхийн холбоо шинэчлэлийн хөтөлбөрийн хүрээнд томоохон барилдаануудад чансааны оноо олгох журмыг хэрэгжүүлж байгаа.

Маршал Х.Чойбалсангийн мэндэлсний 130 жилийн ойд зориулсан барилдааны дараа бөхчүүдийн чансаа шинэчлэгдэж, Улсын заан М. Лхагвагэрэл 7450 оноогоор тэргүүлж эхэллээ. Харин чансааны хоёрт Улсын аварга О.Хангай бичигдэж байна.

Дэлгэрэнгүй ...

Энтертайнмент

“Милано Кортина 2026” Олимпын бамбарыг танилцуулав

Нийтэлсэн

3 өдөр өмнө

2025-04-15

Нийтэлч

24barimt

“Милано Кортина 2026” өвлийн Олимп, Паралимпын наадмын зохион байгуулагчид энэ даваа гарагт тогтвортой байдал, технологийн дэвшил болон Италийн үндэсний загварыг шингээсэн албан ёсны бамбараа танилцууллаа.

“Essential” буюу “Мөн чанар”-ыг илэрхийлэх нэртэй энэхүү бамбар нь Миланы Триеннале урлагийн төв болон Японы Осака хотод зохион байгуулагдаж буй “ЭКСПО 2025” үзэсгэлэнгийн үеэр нэгэн зэрэг танилцуулагдсан бөгөөд Олимпын хөдөлгөөний олон улсын шинж чанар болон зохион байгуулагч орны соёлын гүн гүнзгий үндсийг харуулсан арга хэмжээ боллоо.

Бамбарыг Италийн эрчим хүчний “Eni” компани Versalis-тэй хамтран бүтээж, Studio Carlo Ratti Associati дизайн боловсруулсан бөгөөд бамбарын загвар нь энгийн байдал, хүч чадлыг бэлгэдсэн. Гялалзсан өнгөлгөөтэй, гоёмсог минимал хэлбэртэй энэхүү бамбараас олимпын наадамд зориулсан цэнхэр-ногоон өнгийн, паралимпын наадамд зориулсан хүрэл өнгийн хоёр хувилбарыг танилцуулжээ.
Нэг килограмм жинтэй, Италид үйлдвэрлэгдсэн бамбар нь дахин боловсруулсан хөнгөн цагаан ба гуулин хайлшаар хийгдсэн. Байгаль орчинд ээлтэй, дахин ашиглагдах боломжтойгоороо онцлог бөгөөд нэг бамбарыг 10 хүртэл удаа дахин дүүргэж ашиглах боломжтой юм. Энэ нь бамбарыг их хэмжээгээр үйлдвэрлэх хэрэгцээг эрс бууруулах ач холбогдолтой.

Бамбарыг хөдөлгөгч түлш нь био-LPG, буюу хэрэглэсэн тос болон амьтны гаралтай өөх зэрэг хаягдал материалаас гаргаж авсан сэргээгдэх түлш бөгөөд Сицилийн Гела дахь Eni-ийн био-үйлдвэрт үйлдвэрлэгддэг.

Энэхүү бамбарт ашиглагдаж буй шатаагч төхөөрөмж нь анх удаа ил харагдахаар бүтээгдсэнээрээ онцлог бөгөөд олон нийт олимпын дөл хэрхэн асч байдгийг нүдээр харж болохоор болжээ.
Өнгөний сонголт нь утга төгөлдөр бөгөөд олимпын бамбарын “Тэнгэрийн өнгөнүүд” нь Италийн байгалийн гайхамшигт төрхийг илэрхийлж, хөдөлгөөн, найдвар, өөрчлөлтийг бэлгэднэ. Харин паралимпын бамбарын “Гэрлийн уулс” нь тэсвэр хатуужил, хүч чадал, спортоор дамжих өөрчлөлтийг илэрхийлж байна.

Зохион байгуулагчдын хэлснээр энэхүү бамбар нь зөвхөн үйл ажиллагааны хэрэгсэл төдийгүй соёлын бэлгэ тэмдэг бөгөөд Олимп ба Паралимпын наадмын эв санааны нэгдлийг илтгэнэ.
Бамбарыг олон нийтэд 2025 оны турш Осакагийн ЭКСПО дахь Италийн павильонд, мөн Миланы Триеннале төвд 2025 оны 5-р сараас эхлэн наадам дуустал үзэсгэлэнд дэлгэхээр болжээ.

Дэлгэрэнгүй ...

Энтертайнмент

Жүдо бөхийн Азийн АШТ-нд гавьяат тамирчин Л.Энхрийлэн тэргүүтэй Монголын 19 бөх барилдана

Нийтэлсэн

3 өдөр өмнө

2025-04-15

Нийтэлч

24barimt

Тайландын нийслэл Бангкок хотод жүдо бөхийн насанд хүрэгчдийн Ази тивийн аварга шалгаруулах тэмцээн энэ сарын 25-27-нд болох бөгөөд 30 орны 295 (эрэгтэй 168, эмэгтэй 127) тамирчин оролцохоо мэдүүлжээ.

Монгол Улсаас Үндэсний шигшээ багийн ахлах дасгалжуулагч У.Эрдэнэбаатар, дасгалжуулагч П.Нямлхагва, Б.Хишигбаяр, Г.Болдбаатар нарын удирдлага дор 19 жүдоч өрсөлдөх юм.

Тэмцээний эрэгтэйчүүдийн 60 кг-ын жинд Б.Сүхбат, 66 кг-д Б.Эрхэмбаяр, 73 кг-д Л.Анхзаяа, 81 кг-д О.Шинэбаяр, 90 кг-д Б.Мөнхбаяр, -100 кг-д А.Энхбаяр, Б.Хүдэрчулуун, +100 кг-д Б.Гончигсүрэн, Ө.Пэрэнлэйжамц (багийн барилдаанд) нар зодоглоно. Харин эмэгтэйчүүдийн 48 кг-ын жинд Г.Наранцэцэг, 52 кг-д М.Нандин-Эрдэнэ, Б.Уранзаяа, 57 кг-д Т.Ариунзаяа, 63 кг-д гавьяат тамирчин Л.Энхрийлэн, 70 кг-д Д.Есүй, -78 кг-д А.Дуламсүрэн, +78 кг-д А.Адъяасүрэн нар өрсөлдөнө.

Азийн АШТ-ээс Монголын баг тамирчид нийт 26 алтан медаль хүртсэн ба Х.Цагаанбаатар, Х.Эрдэнэт-Од, М.Уранцэцэг, П.Лхамдэгд нар хошой аварга юм. Монголоос жүдо бөхийн Ази тивийн анхны алтан медалийг 1996 онд гавьяат тамирчин Д.Нармандах хүртэж байсан бол сүүлд (2024 онд) гавьяат тамирчин Б.Баасанхүү, Л.Энхрийлэн, ОУХМ Б.Эрхэмбаяр нар аваргалж байв.

АЗИЙН АШТ-ЭЭС АЛТАН МЕДАЛЬ ХҮРТСЭН МОНГОЛЫН ЖҮДОЧИД:

1996 онд: Д.Нармандах

2001 онд: Х.Эрдэнэт-Од

2003 онд: Х.Цагаанбаатар

2003 онд Д.Нямхүү

2005 онд: Х.Цагаанбаатар

2005 онд: Х.Эрдэнэт-Од

2009 онд: Г.Болдбаатар

2011 онд: П.Лхамдэгд

2012 онд: М.Уранцэцэг

2012 онд: П.Лхамдэгд

2013 онд: Д.Төмөрхүлэг