Дэлхий дахинд

Ким Чен Ун хуягласан галт тэргээрээ Хятадад иржээ

Нийтэлсэн

6 жил өмнө

2019-01-09

Нийтэлч

Admin

БНАСАУ-ын удирдагч Ким Чен Ун БНХАУ-ын тэргүүн Си Зиньпиний урилгаар Хятадад ирлээ гэж ХКН-ын Төв хорооны олон улсын хэлтсний мэдээлснийг Синьхуа агентлаг дамжуулсан байна. Умард Солонгосын удирдагч нэгдүгээр сарын 10 хүртэл хөршпдөө айлчлах юм байна. Солонгос, Хятадын эх сурвалж үүний өмнө БНАСАУ-ын өндөр албаныхна суусан галт тэрэг даваа гарагийн оройн 22,15 цагт хоёр улсын хилийг Даньдун өртөөгөөр дамжин нэвтэрлээ гэж мэдээлсэн юм. Галт тэрэг ирэхээс өмнөхөн Хятадын аюулгүйн албаны ажилтнууд тус өртөөн ирэн солонгосын галт тэргийг хамгалалатд авсан гэж “Хангук Кёнже” хэвлэл мэдээлжээ. Галт тэрэг өртөөнөөс хөдөлж хил давсны дараа хамгалаалтыг буулгасан гэнэ.

Бээжин, Пеньяны энэ удаагийн хэлэлцээр Солонгосын хойгийг цөмийн зэвсэггүй бүс болгох, энх амгалан тогтооход чухал хувь нэмэр оруулна гэж Өмнөд Солонгос найдаж байгааг мягмар гарагийн өглөөгүүр БНСУ-ын Гадаад хэргийн яамны төлөөлөгч мэдэгдсэнийг мэдээллийн Yonhap агентлаг дамжуулсан байна.

“БНАСАУ-ын тэргүүн Ким Чен Ун, БНХАУ-ын дарга Си Зиньпин хоёрйн хийх Умард Солонгос, Хятадын хэлэлцээр дээд хэмжээнд болж Солонгосын хойгийг цөмийн зэвсэггүй, энх амгалан болгоход чухал хувь нэмэр оруулна гэж Өмнөд Солонгосны Засгийн газаар хүлээж байна” Гадаад яамны төлөөлөгчийн хэлснийг хэвлэл иш татжээ.

Дипломат бас Солонгосын хойгийг цөмийн зэвсэггүй бүс болгохын төлөө Өмнөд Солонгос хүч чармайлтаа үргэлжлүүлэн Умард, Өмнөдийн дунд, бүс нутгийн бусад орнуудтай хамтран дипломат арга хэмжээ зохиох болно гэж онцолсон байна.

БНХАУ-д айлчилж байгаа БНАСАУ-ын удирдагч Ким Чен Уныг АНУ-тай хийх хэлэлцээрийг удирдаж байгаа Солонгосын хөдөлмөрийн намын Нэгдсэн фронтын хэлтсийн даргын орлогч Ким Ён Чол, Гадаад хэргийн сайд Ли Ён Хо нар дагалдан яваа юм байна.

Ким Чен Ун айлчлалынхаа хүрээнд БНХАУ-ын дарга Си Зиньпинтэй Солонгосын хойгийн нөхцөл байдал, ялангуяа хойгийг цөмийн зэвсэггүй болгох асуудлын талаар ярина гэж хүлээж байна.

Энэ бол БНАСАУ-ын удирдагч Ким Чен Уны нэг жилийн хугацаанд Хятадад хийж байгаа дөрөв дэх айлчлал. Тэрээр 2018 оны гуравдугаар сарын 25-28, тавдугаар сарын 7-8, зургадугаар сарын 19-20-нд Хятадад айлчилсан юм.

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...