Дэлхий дахинд

Маргаантай дөрвөн арлын хоёрыг нь буцааж авах нөхцөлийг Япон улс зөвшөөрч магадгүй болжээ

Нийтэлсэн

6 жил өмнө

2019-01-21

Нийтэлч

Admin

Өнөөдөр Москва хотыг зорьж байгаа Японы ерөнхий сайд Шинзо Абэ тус улсын олон жил тууштай сахиж ирсэн маргаантай дөрвөн арлыг бүгдийг Оросоос буцааж авах байр сууринаасаа анх удаа буцаж магадгүй байгааг засгийн газрын эх сурвалж мэдээлжээ.

Японд Умард газар нутаг, Орост Өмнөд Курилын арлууд гэдэг дөрвөн арлыг 1945 онд Зөвлөлтийн цэрэг Японоос булаан эзэлсэн гэдэг. Японы засгийн газрын дээд албан тушаалтан Ням гарагт ярихдаа дөрвөн арлын нийт талбайн 93 хувийг эзэлдэг том хоёр арал болох Эторофу, Кунаширийг буцааж авах нь “бодит байдалд нийцэхгүй” болсныг хүлээн зөвшөөрсөн байна.

Газар нутгийн маргааныг шийдэхийн тулд Шинзо Абэ ОХУ-ын ерөнхийлөгч Владимир Путинтэй маргааш Москвад 25 дахь удаагаа уулзах юм.

1956 онд Зөвлөлт Холбоот Улс, Японы хооронд байгуулсан санамж бичигт хоёр улс энхийн гэрээ байгуулбал дөрвөн арлын бага хоёр болох Шикотан, Хабомайг буцааж өгөх нөхцөл тусгагдсан байдаг.

Өнгөрсөн оны арваннэгдүгээр сард Сингапурт уулзахдаа Абэ, Путин нар энэ нөхцөлийг үргэлжлүүлэн хэлэлцэхээр тохиролцсон юм.

Дөрвөн арлыг бүхэлд нь буцааж авахыг хатуу шаардсаар байвал бага хоёрыг нь буцаах боломж бүрмөсөн алга болно гэж Токиогийн эрх баригчид тооцсон байж магадгүй байна. Хэрвээ ингэвэл Японы засгийн газрын 70 гаруй жил тууштай баримталж ирсэн байр сууринд том өөрчлөлт гарах юм.

Эх сурвалж: Associated Press

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...