Спорт

“Шарк” Анар Лас Вегас хотод зохиогддог алдарт “MINT 400” бартаат замын уралдаанд оролцоно

Нийтэлсэн

3 жил өмнө

2022-03-13

Нийтэлч

“Анд Глобал” компани, ЛэндМН-ийн үүсгэн байгуулагч Чинбаатарын Анарыг монголчууд “Шарк” Анар гэдгээр илүү танина. Харин түүний бизнесээс гадна нэгэн хобби нь авто уралдаан. Тэрээр энэ талаар хэвлэлд “Хүнд өөрт заавал хобби гэж зүйл байх ёстой. Өөрийгөө амраадаг, тайвшруулдаг, сорьдог зүйл байх ёстой. Миний хувьд машин, мотоциклийн спортын хоббитой. Машинаар бол олон улсын хэмжээний мастер. Харин сүүлд мотоциклийг нэлээд сонирхоод гүрийсээр байгаад Дакар Раллид гурван ч удаа хүсэлтээ өгч байж оролцсон. Ямар ч байсан оролцох, амьд гарах, барианд орох гэдэг зорилгоо биелүүлж чадсан.” хэмээн ярьж байсан.

Тэгвэл энэ удаад Ч.Анар шарк Невада мужийн Лас Вегас хотод зохиогддог алдарт “MINT 400” бартаат замын уралдаанд оролцох гэж байгаагаа өнөөдөр цахим хуудастаа хуваалцлаа. Энэ тухайд “ЛасВегас орно гэхээр улсууд Казино яриад байх юм. Машин, буу, хутга, электроникс гээд төмөр л сонирходог бүр сэлфи хамт хийдэг хүн шүү дээ. Хамт уралдаж байсан бүх японы аврага Ikuo Hanawa найзтайгаа таарлаа, Билгээ багштайгаа, Азийн аврага Khaliunbold тайгаа таарлаа. Сэтгэл сайхан сэргэчихлээ. Одоо уралдаан л үлдлээ дээ маргааш! Hanawa san goodluck! See you there again on the Battlefield!” хэмээн, фото зургуудаа хуваалцлаа.

“Mint 400” уралдааны тухай товч:

Америкийн бартаат замын хамгийн том, агуу уралдаан гэгддэг “Mint 400” бол манай гараг дээрх хамгийн алдартай бартаат замын элсэн цөлийн автомашины уралдаан юм. Тус уралдаан нь 1968 оноос эхэлсэн бөгөөд дэлхийн хамгийн сорилттой, нэр хүндтэй автомашины уралдаануудын нэгд тооцогддог болж, жил бүр Невада мужийн Лас Вегас хотын ойролцоо зохиогддог болжээ.

Энэхүү уралдаанд жил бүр 500 гаруй тамирчин 80 гаруй төрлийн авто хэрэгслээр оролцдог байна. “Mint 400” уралдааны талбай нь Хойд Америкийн хамгийн хэцүү цөлийн 100 км нутгаас бүрддэг. Энэ нь хад чулуу, гүн лаг шавар, кактус, хатсан нуурын ёроол, Иошуа моддын шигүү ой зэргээс бүрдсэн бартаат замыг туулна.

Тэмцээнд оролцогчид энэхүү багтаат замыг 2-3 тойрог хийх шаардлагатай байдаг бол аваргын ангилалд бүтэн дөрвөн тойрог буюу 400 киломерт замыг туулах ёстой. Ерөнхийдөө уралдаанд оролцож байгаа хүмүүсийн талаас бага хувь нь барианд ордог аж.

Сэдвүүд:

Дэлгэрэнгүй ...

Спорт

Б.Алтанчимэг холимог тулааны ДАШТ-ээс Монголын баг тамирчдын анхны медалийг хүртлээ

Нийтэлсэн

2 долоо хоног өмнө

2024-11-08

Нийтэлч

24barimt

Узбекистан улсын нийслэл Ташкент хотод холимог тулааны залуучууд, насанд хүрэгчдийн дэлхийн аварга шалгаруулах тэмцээн энэ сарын 5-10-ны өдрүүдэд болж байна.

Нийт 85 орны 900 гаруй тамирчин өрсөлдөж байна.

Тэмцээний залуучуудын эмэгтэйчүүдийн 61.2 кг-ын жинд Монгол Улсын тамирчин, Азийн АШТ-ий хүрэл медальт Б.Алтанчимэг Узбекистаны тамирчин Покиза Баксриеваг ялснаар хүрэл медалийн болзол хангалаа.

Тэрбээр өнөөдөр мөнгөн медалийн төлөө Словак улсын тамирчин Европын аварга Эва Эрделиоватай тулалдах юм.

Б.Алтанчимэг холимог тулааны ДАШТ-ээс медаль хүртсэн анхны монгол тамирчин болж байна гэж Биеийн тамир, спортын улсын хорооноос мэдээллээ.

Дэлгэрэнгүй ...

Спорт

Б.Нарантуяа шөвгийн наймд Хонгконгийн тамирчинтай өрсөлдөнө

Нийтэлсэн

2 сар өмнө

2024-09-18

Нийтэлч

24barimt

Монгол Улсын нийслэл Улаанбаатар хотод снукер билярдын 15 улааны Дэлхийн цомын анхдугаар тэмцээн есдүгээр сарын 14-19-ний өдрүүдэд болж байгаа бол 6 улааны дэлхийн аварга шалгаруулах тэмцээн есдүгээр сарын 21-25-ны өдрүүдэд болох юм.

Дэлхийн цомын тэмцээнд 20 орны нийт 76 тамирчин өрсөлдөж байгаа бол манай улсаас дээрх тэмцээнд дасгалжуулагч Д.Амаржаргал, Б.Шинэбаярын удирдалага дор 16 тамирчин өрсөлдөж байна.

Энэ тэмцээний шөвгийн наймд өрсөлдөх тамирчид тодорсон бөгөөд эмэгтэйчүүдийн ангилалд Монголын тамирчин Б.Нарантуяа өнөөдөр Хонгконгийн тамирчин И Тэн Чунтай өрсөлдөнө. Ялсан нь хагас шигшээд шалгарна.

Өдгөө 38 настай И Тэн Чун нь 2018 оны ДАШТ-ий шөвгийн 16-д шалгарсан нь түүний замналын хамгийн өндөр амжилт юм. Мөн 2024 оны гуравдугаар сард болсон ДАШТ-ий үеэр Б.Нарантуяатай өрсөлдөхөд 3:2-оор манай улсын тамирчин түүнийг ялсан билээ. Тэгвэл Б.Нарантуяа нь снукер бильярдын 2023 оны ДАШТ-ий хүрэл, 2022 оны Азийн АШТ-ээс хүрэл медаль хүртэж байв гэж Биеийн тамир, спортын улсын хорооноос мэдээллээ.

Дэлгэрэнгүй ...

Спорт

Ц.Батцэцэг гурван өдөр дараалан медалийн тавцанд гарлаа

Нийтэлсэн

2 сар өмнө

2024-09-12

Нийтэлч

24barimt

Казахстан улсын Астана хотод Дэлхийн нүүдэлчдийн V наадам есдүгээр сарын 8-14-ний өдрүүдэд болж байна.

Тус наадамд 89 орны 2700 орчим тамирчин спортын 21 төрөлд 97 багц медалийн төлөө өрсөлдөж байгаа бол манай улсаас 66 тамирчин спортын 16 төрөлд өрсөлдөж байгаа юм.

Өнөөдөр манай улсаас шагайн спортын эмэгтэйчүүдийн багийн төрөлд Н.Оналган, М.Шүкир, Н.Роза, Д.Күннүр нар хүрэл медаль хүртсэн бол есөн хоргол оюуны спортын багийн төрөлд Т.Жансая, Х.Хуралай, Х.Ерманат, Р.Жасулан нар хүрэл медаль хүртлээ. Харин алыш бөхийн эмэгтэйчүүдийн 75 кг-ын жинд Ц.Батцэцэг хүрэл медаль хүртсэн бөгөөд тэрбээр өмнөх өдрүүдэд энэ наадмын казак болон кураш бөхийн төрлөөр хүрэл медаль хүртсэн билээ.

Онцолбол, Ц.Батцэцэг нь казак кураш бөхийн болон жиү жицү бөхийн дэлхийн аварга тамирчин юм. Дэлхийн нүүдэлчдийн наадам дөрөв дэх өдрөө өрнөхөд Монгол Улсын баг одоогоор гурван мөнгө, есөн хүрэл медальтайгаар 89 орноос 16 дугаар байрт жагсаж байна гэж Биеийн тамир, спортын улсын хорооноос мэдээллээ.

Дэлгэрэнгүй ...