Спорт

Formula 1: Ферстаппэн Леклерийг дахин ялж Майамигийн анхны гараанд түрүүллээ

Нийтэлсэн

3 жил өмнө

2022-05-09

Нийтэлч

Formula 1-ийн 72 дахь улирлын тав дахь гараа буюу Майамигийн Гран-При тэмцээн Флорида муж дахь “Miami International Autodrome” зам дээр боллоо.

2022 оны улиралд АНУ-д болж буй хоёр тэмцээний эхнийх, Майамид болж буй анхны гараанд “Red Bull” багийн нисгэгч Макс Ферстаппэн түрүүлж, аваргын өрсөлдөөнийг улам сонирхолтой болгов.

Уралдааныг “Ferrari” багийн нисгэгчид тэргүүлж эхэлсэн ч хэд хэдэн ослын улмаас тойргийн тэргүүллээ алдаж Макс Ферстаппэн хоёр дараалсан түрүү авахад хүргэсэн. /Тойм бичлэг үзэх/

Майамигийн гарааны үр дүн:

Макс Ферстаппэн (Red Bull) – 26 оноо
Чарьлз Леклер (Ferrari) – 18 оноо
Карлос Сайнз (Ferrari) – 15 оноо
Сержио Перез (Red Bull) – 12 оноо
Жорж Рассел (Mercedes) – 10 оноо
Льюис Хэмилтон (Mercedes) – 8 оноо
Валтьери Боттас (Alfa Romeo) – 6 оноо
Эстебан Окон (Alpine) – 4 оноо
Фернандо Алонзо – (Alpine) 2 оноо
Алекс Албон – (Williams) 1 оноо

5.41 км урттай замыг 57 удаа тойрох даалгавартай уралдсан 20 нисгэгчээс “Haas” багийн Кевин Магнуссен, “Aston Martin” багийн Себастиан Веттел, “AlphaTauri” багийн Пьер Газли, “McLaren” багийн Ландо Норрис, “Alfa Romeo” багийн Жоу Гуаньюй нар бариандаа орж чадалгүй тэмцээнээ дуусгасан.

Улирлын тэргүүлэгчид:

Чарльз Леклер (Ferrari) – 104 оноо
Макс Ферстаппэн (Red Bull) – 85 оноо
Сержио Перез (Red Bull) – 66 оноо
Жорж Рассел (Mercedes) – 59 оноо
Карлос Сайнз Жр (Ferrari) – 53 оноо
Льюис Хэмилтон (Mercedes) – 36 оноо
Ландо Норрис (McLaren) – 35 оноо
Валтьери Боттас – (Alfa Romeo) 30 оноо
Эстебан Окон (Alpine) – 24 оноо
Кевин Магнуссен (Haas) – 15 оноо

Сэдвүүд:

Дэлгэрэнгүй ...

Спорт

Б.Алтанчимэг холимог тулааны ДАШТ-ээс Монголын баг тамирчдын анхны медалийг хүртлээ

Нийтэлсэн

2 долоо хоног өмнө

2024-11-08

Нийтэлч

24barimt

Узбекистан улсын нийслэл Ташкент хотод холимог тулааны залуучууд, насанд хүрэгчдийн дэлхийн аварга шалгаруулах тэмцээн энэ сарын 5-10-ны өдрүүдэд болж байна.

Нийт 85 орны 900 гаруй тамирчин өрсөлдөж байна.

Тэмцээний залуучуудын эмэгтэйчүүдийн 61.2 кг-ын жинд Монгол Улсын тамирчин, Азийн АШТ-ий хүрэл медальт Б.Алтанчимэг Узбекистаны тамирчин Покиза Баксриеваг ялснаар хүрэл медалийн болзол хангалаа.

Тэрбээр өнөөдөр мөнгөн медалийн төлөө Словак улсын тамирчин Европын аварга Эва Эрделиоватай тулалдах юм.

Б.Алтанчимэг холимог тулааны ДАШТ-ээс медаль хүртсэн анхны монгол тамирчин болж байна гэж Биеийн тамир, спортын улсын хорооноос мэдээллээ.

Дэлгэрэнгүй ...

Спорт

Б.Нарантуяа шөвгийн наймд Хонгконгийн тамирчинтай өрсөлдөнө

Нийтэлсэн

2 сар өмнө

2024-09-18

Нийтэлч

24barimt

Монгол Улсын нийслэл Улаанбаатар хотод снукер билярдын 15 улааны Дэлхийн цомын анхдугаар тэмцээн есдүгээр сарын 14-19-ний өдрүүдэд болж байгаа бол 6 улааны дэлхийн аварга шалгаруулах тэмцээн есдүгээр сарын 21-25-ны өдрүүдэд болох юм.

Дэлхийн цомын тэмцээнд 20 орны нийт 76 тамирчин өрсөлдөж байгаа бол манай улсаас дээрх тэмцээнд дасгалжуулагч Д.Амаржаргал, Б.Шинэбаярын удирдалага дор 16 тамирчин өрсөлдөж байна.

Энэ тэмцээний шөвгийн наймд өрсөлдөх тамирчид тодорсон бөгөөд эмэгтэйчүүдийн ангилалд Монголын тамирчин Б.Нарантуяа өнөөдөр Хонгконгийн тамирчин И Тэн Чунтай өрсөлдөнө. Ялсан нь хагас шигшээд шалгарна.

Өдгөө 38 настай И Тэн Чун нь 2018 оны ДАШТ-ий шөвгийн 16-д шалгарсан нь түүний замналын хамгийн өндөр амжилт юм. Мөн 2024 оны гуравдугаар сард болсон ДАШТ-ий үеэр Б.Нарантуяатай өрсөлдөхөд 3:2-оор манай улсын тамирчин түүнийг ялсан билээ. Тэгвэл Б.Нарантуяа нь снукер бильярдын 2023 оны ДАШТ-ий хүрэл, 2022 оны Азийн АШТ-ээс хүрэл медаль хүртэж байв гэж Биеийн тамир, спортын улсын хорооноос мэдээллээ.

Дэлгэрэнгүй ...

Спорт

Ц.Батцэцэг гурван өдөр дараалан медалийн тавцанд гарлаа

Нийтэлсэн

2 сар өмнө

2024-09-12

Нийтэлч

24barimt

Казахстан улсын Астана хотод Дэлхийн нүүдэлчдийн V наадам есдүгээр сарын 8-14-ний өдрүүдэд болж байна.

Тус наадамд 89 орны 2700 орчим тамирчин спортын 21 төрөлд 97 багц медалийн төлөө өрсөлдөж байгаа бол манай улсаас 66 тамирчин спортын 16 төрөлд өрсөлдөж байгаа юм.

Өнөөдөр манай улсаас шагайн спортын эмэгтэйчүүдийн багийн төрөлд Н.Оналган, М.Шүкир, Н.Роза, Д.Күннүр нар хүрэл медаль хүртсэн бол есөн хоргол оюуны спортын багийн төрөлд Т.Жансая, Х.Хуралай, Х.Ерманат, Р.Жасулан нар хүрэл медаль хүртлээ. Харин алыш бөхийн эмэгтэйчүүдийн 75 кг-ын жинд Ц.Батцэцэг хүрэл медаль хүртсэн бөгөөд тэрбээр өмнөх өдрүүдэд энэ наадмын казак болон кураш бөхийн төрлөөр хүрэл медаль хүртсэн билээ.

Онцолбол, Ц.Батцэцэг нь казак кураш бөхийн болон жиү жицү бөхийн дэлхийн аварга тамирчин юм. Дэлхийн нүүдэлчдийн наадам дөрөв дэх өдрөө өрнөхөд Монгол Улсын баг одоогоор гурван мөнгө, есөн хүрэл медальтайгаар 89 орноос 16 дугаар байрт жагсаж байна гэж Биеийн тамир, спортын улсын хорооноос мэдээллээ.

Дэлгэрэнгүй ...