Бусад
“TOEFL Junior” эрхийн асуудлыг эхлээд багш нарт нь хангуулах хэрэгтэй

Өнөөдөр дэлхий нийтийн хэл болсон Англи хэлийг найман настай балчраас наян настай буурлууд сурахыг эрмэлздэг болсон. Энэ хэмжээгээр манайд хэлний чиглэлийн үр дүнтэй сургалт олон явагддаг болсон нь талархууштай. Ингээд “Гадаад Хэлний Багш Нарын Зөв Тусгал холбоо” НҮТББ-ын үүсгэн байгуулагч Г.Ганзоригтой ярилцлаа.
–Ихэнх улс орнууд төдийгүй ялангуяа Азийн улс орнуудад англи хэлний түвшин харьцангуй өндөр байгаад байгаа харагддаг. Харин манай улсын хувьд ямар байдаг юм бол?
–Баярлалаа. Англи хэлний тухайд бид олон зүйлсийг ярьж болно. Гэхдээ тоо баримтаар л бидний бодит байдал харагдах болов уу. Саяхан болсон хурал дээр ЕБС төгсөж байгаа сурагчид ойролцоогоор B1-B2 түвшинтэй байвал бид олон хүүхдийг гадны тэтгэлэгийн шаардлагад нийцүүлж болох юм. Гэвч гадаад хэлний багш нарын ихэнх хувь нь энэ түвшний хүүхдүүдийг бэлдэхэд мөн шалгалтын арга барилд сургахад хангалттай бус гэсэн дүгнэлттэй байгаа судалгааг харлаа. Эндээс ерөнхийдөө ойлгомжтой болж байна гэсэн үг.
-Тэгвэл Монголчуудын англи хэлний мэдлэг өнгөрсөн 20-30 жилд ямар байсан бэ гэж та дүгнэх вэ?
–Хэдийгээр бид 1997 оноос албан ёсны хоёрдогч гэж зарлаж анхны Монгол Англи хэл дээр сонин гарч байсан ч зарим Азийн орнуудын хэлний бодлоготой харьцуулахад өнгөрсөн хугацаанд төдийлөн огцом хэлбэрээр бус харьцангуй удаанаар цэгцэрсэн гэдгийг үгүйсгэхгүй. Өөрийн гэсэн үндэсний хөтөлбөртэй болж нэгдсэн Европын стандарт түвшний үг хэллэг түгээмэл болж зарим нь Кембриж рүү түлхүү орон чөлөөт өрсөлдөөнөөр өөр өөрийн замаар явж байгаа.
-Таны бодлоор бид цаашдаа англи хэлээ хэрхэн бүх нийтээрээ сурах тал дээр анхаарч ажиллах шаардлагатай вэ?
– Энэ тухайд олон хувилбар байж болох ч хамгийн эхний бөгөөд энгийн жишээ бол багш-эцэг эх-суралцагч гурвын гурвалсан үр дүнд хүрэх хүлээлт юм. Энэ нь мэдээж цаашид төгсөхөд нь шууд хэлбэрээр нөлөөлнө. Тиймээс Олон улсын шалгалт олон байдаг боловч бид ЕБС, МСҮТ, түр сургалтын бага, дунд, ахлах ангийн суралцагчдад тохирсон бас зориулагдсан “TOEFL Junior” эрхийн асуудлыг эхлээд багш нарт нь хангуулах хэрэгтэй. Улмаар суралцагчид сургууль дээрээ нэгдсэн байдлаар олон жилийн дата дүнгийн сантай болсоноор эцэг эхчүүдийн, төрийн болон төрийн бус сургалтын байгууллагуудаас хүсээд байдаг TOEFL-ийн оноотой болчихлоо гэдэг эхний том алхам болсон ажлыг бид Монголд анх удаа өргөн далайцтайгаар ETS-ийн Монгол дахь албан төлөөлөгчийн газартай хамтран зохион байгуулахаар шийдээд байна.

Бусад
Олон улсын стандартад нийцсэн IBAN дансны дугаарлалтыг нэвтрүүллээ
Монголбанк нь Төв банк (Монголбанк)-ны тухай хуульд зааснаар Үндэсний төлбөрийн систем, түүний үйл ажиллагааг удирдан зохион байгуулах, зохицуулах, хяналт тавих чиг үүргийнхээ хүрээнд Монголбанкны Ерөнхийлөгчийн 2024 оны 10 дугаар сарын 18-ны өдрийн А-242 дугаар тушаалаар бүх иргэд, аж ахуйн нэгжийн дансны хуучин дугаарлалтыг 2025 оны 04 дүгээр сарын 01-ний өдрөөс ашиглахыг зогсоож, олон улсын дансны нэгдсэн дугаарлалтад бүрэн шилжүүлэхээр Монголбанк нь банк, төлбөрийн системийн нийт оролцогчидтой хамтран ажилласан.
Энэ хүрээнд иргэд, аж ахуйн нэгжийн дансны хуучин дугаарыг дөрөвдүгээр сараас эхлэн ашиглагдахгүй болж харин IBAN дансны дугаарлалтын зааврын дагуу шинэчлэгдсэн бүтэцтэйгээр төлбөр тооцоо дамжиж эхэлсэн.
Та бүгдийн үндсэн дансны дугаарт өөрчлөлт орохгүйгээр улсын код, хяналтын орон, банкны болон дансны дугаар гэсэн бүтэцтэй нийт 20 оронгийн урттай болж байна. IBAN дансны дугаарлалттай болсноор олон улсын гүйлгээ илүү хурдан, найдвартай, эрсдэлгүй болж, алдаатай гүйлгээ буцаагдах эрсдэлээс урьдчилан сэргийлэхийн зэрэгцээ аль банкны данс вэ гэдгийг шууд мэдэх боломжтой зэрэг давуу талтай боллоо.
Бусад
АТГ: Эрүүгийн 2 хэрэгт нийт 18 объектод нэгжлэгийн ажиллагаа хийв

Авлигатай тэмцэх газрын Мөрдөн шалгах хэлтэс 2025 оны гуравдугаар сарын 17-23-ны өдрүүдэд гэмт хэргийн шинжтэй 60 гомдол, мэдээллийг шалгав.
Үүнээс 10 гомдол, мэдээлэлд хэрэг бүртгэлтийн хэрэг нээх, 6 гомдол, мэдээлэлд хэрэг бүртгэлтийн хэрэг нээхээс татгалзах саналтайгаар прокурорт шилжүүлсэн бөгөөд одоогоор 44 гомдол, мэдээллийг хянан шалгаж байна.
Түүнчлэн эрүүгийн 888 хэрэгт мөрдөн байцаалтын ажиллагаа явуулснаас өнгөрсөн долоо хоногт 11 хэргийг шүүхэд шилжүүлэх, 10 хэргийг хаах, 1 хэргийг харьяаллын дагуу шилжүүлэх саналтай прокурорт хүргүүлж, 2 хэргийг нэгтгэн шалгаж байна. Мөрдөн шалгах ажиллагаанд одоогоор 864 хэрэг шалгагдаж байна.
Гэмт хэргийн шалтгаан, нөхцөлийг арилгуулахаар мөрдөгчийн 1 мэдэгдэл хүргүүлж, хэрэг бүртгэлтийн болон мөрдөн байцаалтын 2 хэрэгт нийт 18 объектод нэгжлэгийн ажиллагаа хийв гэж АТГ-аас мэдээллээ.
Бусад
Нийслэлд үйл ажиллагааа явуулж буй 770 нийтийн байранд хяналт шалгалт хийлээ

Нийслэлийн Засаг даргын 2025 оны А/214 дугаартай захирамжаар нийслэлийн нутаг дэвсгэрт үйл ажиллагаа явуулж буй нийтийн байрны орчин, нөхцөл байдалд хяналт шалгалт хийлээ. Тодруулбал, ажлын хэсгийн бүрэлдэхүүн нийслэлийн есөн дүүргийн 770 нийтийн байрнуудын нөхцөл байдалтай танилцаж, газар дээр нь ажиллав. Тус ажлын хүрээнд нийтийн байрны эрүүл ахуй, гал болон цахилгааны аюулгүй байдал, эрүүл ахуйн халдвар хамгаалал зэрэг нь шаардлага хангаж буй эсэхийг шалгаж, шалгалтаар илэрсэн зөрчил дутагдлыг арилгуулан, цаашид авч хэрэгжүүлэх арга хэмжээний санал, дүгнэлтийг боловсруулах юм.
Улаанбаатар хотын хэмжээнд нийтийн 770 байр байдгаас 754 нь иргэнд, үлдсэн нь аж ахуйн нэгжид бүртгэлтэй байна. Мөн үүнээс зөвхөн 285 нь татвар төлдөг болохыг хяналт шалгалтын үеэр илрүүллээ. Галын аюулгүй байдал алдагдсан 11 төрлийн нийт 5730 зөрчил илэрч 132 буюу 2.3 хувийг тухайн цаг мөчид арилгуулж цаашид хэрэгжүүлэх арга хэмжээг даалгалаа.
2025 оны 02 сарын байдлаар 770 нийтийн байр шалгалтад хамрагдсан бөгөөд давхардсан тоогоор 26 төрлийн 7,985 зөрчил илэрч, хууль тогтоомжийн хэрэгжилт 45,6%-тай байна.
- Галын аюулгүй байдал 40%
- Эрүүл ахуйн 34%
- Байгаль орчин 57%
- Гэмт хэрэг, хэв журам 75%,
- Барилга байгууламж 22.3%
НЦУГ-аас гаргасан 2025 оны 02 дугаар сарын мэдээгээр гэмт хэрэг, зөрчлийн дуудлага, мэдээлэл бүртгэгдсэн 120, гэр бүлийн хүчирхийлэл, хүүхдийн эрх зөрчигдсөн дуудлага, мэдээлэл бүртгэгдсэн 142 нийтийн байр байна. Мөн Нийтийн байр түрээслэгч 11129 иргэнийг бүртгэсэн. Нийт есөн дүүргийн 383 иргэн аж ахуйн нэгжээс 175 буюу 45.8% нь хөрсөнд шингээдэг нүхэн жорлонтой бөгөөд стандартад нийцсэн, бохир сордог нүхэн жорлонгийн тоо 201 буюу 52,5% харин төвлөрсөн шугамд холбогдсон 7 буюу 2% байна. Шалгалтаар дүүргийн худалдаа үйлчилгээг зохицуулах зөвлөлд 96% огт бүртгэлгүй байгаа нь хууль тогтоомжийн хэрэгжилт хангагдахгүй явж ирсэн юм.