Энтертайнмент

Өмнөговь аймгийн шинэ театр албан ёсоор нээлтээ хийлээ

Нийтэлсэн

2 жил өмнө

2022-06-30

Нийтэлч

Говь нутагт минь 850 хүний суудалтай шинэ театрын үүд хаалгыг нээж буй түүхэн цаг үе өнөөдөр тохиолоо.

УИХ-ын гишүүд, Соёлын дэд сайд болон яамны газар, хэлтсийн дарга нар, Монгол Улсын ардын жүжигчин, гавьяат жүжигчид, театрын нийт уран бүтээлчид, ХЖТ-ын шинэ барилгыг барьж байгуулсан гүйцэтгэгч компаний хамт олон, нутгийн ард иргэд нээлтийн ёслолд оролцлоо.

1931 онд Өмнөговь аймаг байгуулагдахад зэрэгцэн улаан гэрээс анх байгуулагдаж Хөгжимт жүжгийн театр хүртлээ өсөн дэвжиж, өргөжин хөгжиж өнөөдөр 91 жилийн түүхэн ойн босгон дээрээ шинэ театраа хүлээн авч байна.

Аймаг орон нутгийн төсвийн 16.0 тэрбум төгрөгийн хөрөнгө оруулалтаар барьж байгуулсан 850 хүний суудалтай дахин давтагдашгүй архитектурын өвөрмөц шийдэл бүхий бүрэн цутгамал зоорийн давхраас гадна 7 давхар барилгатай дүйцхүйц өндөртэй 4 давхар энэхүү барилгын зураг төсвийг ур чадвараа шингээж бүтээсэн “Балданс” ХХК-ийн хамт олон, барилгын ажлыг гүйцэтгэсэн “Жи Жи Ай” “Энхбодиз”, “Воком” ХХК болон туслан гүйцэтгэгчээр ажилласан орон нутгийн бусад аж ахуй нэгж, нийт ажилтан, албан хаагчиддаа аймгийн ИТХ, Засаг дарга, ЗДТГ-ын хамт олны

зүгээс баярлаж талархсанаа илэрхийлье.

Өмнөговь аймгийн хөгжимт жүжгийн театраас түүхийн 91 жилийн хугацаанд арван долоон Монгол Улсын гавьяат жүжигчин, урлагийн гавьяат зүтгэлтэн, олон арван Соёлын тэргүүний ажилтнууд, урлаг соёлын алдартнууд төрөн гарч, говь нутаг төдийгүй Монголын ард түмэнд авьяас чадвараа толилуулсаар явнаа.

Хөгжимт жүжгийн театр маань түүхэн он жилүүддээ мэргэжлийн уран бүтээлээ туурвиж ард олныг соён гэгээрүүлэх оюуны хөтөч байх эрхэм зорилго биелүүлж үзвэр үйлчилгээний цар хүрээг улам нэмэгдүүлэхээр үзэл баримтлал, мастер төлөвлөгөө, дунд хугацааны бодлогын баримт бичиг болох стратеги төлөвлөгөөгөө аймгийн ИТХ, Засаг даргаар батлууллаа. Манай говь нутгийн түүх, соёл, уламжлалт ёс заншил, амьдралын хэв шинжийг агуулсан дуулалт жүжиг, жүжиг, хөгжим, бүжиг, хүүхдэд зориулсан уран бүтээлийг мэргэжлийн түвшинд туурвин иргэдэд үйлчилж соён гэгээрүүлэх шинэ зорилт тавин стратеги төлөвлөгөөндөө тусган, хэрэгжүүлэхээр боллоо.

Шинэ театр үйл ажиллагаа явуулж эхэлснээр бүтэц орон тоо нэмэгдэж мэргэжлийн уран бүтээлчдийг орон нутагтаа ажиллуулах орчин нөхцөлийг сайжруулан нийгмийн асуудлыг шийдвэрлэсэн бөгөөд Соёл урлагийн салбарт дутагдалтай байгаа мэргэжлийг, орон нутгийн оюутны сургалтын тэтгэлэгт хамруулан бодлогоор дэмжин ажиллаж байна.

Уран бүтээлчдийнхээ авъяас чадварыг хөгжүүлж, олон улсын чанартай нэр хүнд бүхий фестиваль наадмуудад амжилт гарган оролцох бүхий л боломжийг нээн олон улсад таниулахыг зорьж байна.

Ийнхүү оюун санаа зүрх сэтгэлийн ариун сүм болсон гэгээн ордон, аймгийн хөгжимт жүжгийн театрын нээлтийн үйл ажиллагаа зуны дунд сарын шиний 1-ний билэгт өдөр өргөн дэлгэр боллоо.

Сэдвүүд:

Дэлгэрэнгүй ...

Энтертайнмент

Улс тунхагласны түүхт ойн барилдаанд залуу заан С.Сүхбат түрүүллээ

Нийтэлсэн

4 цаг өмнө

2024-11-26

Нийтэлч

24barimt

Анхдугаар үндсэн хуулиа баталж Бүгд Найрамдах Улсаа тунхагласаны “Түүхт 100 жил”-ийн ойд зориулсан Улс, аймаг, цэрэг, сумын цолтой хүчит 128 бөхийн барилдаанд Архангай аймгийн Хашаат сумын харьяат, “Алдар” спорт хороо, “Залуу ноёд” групп, “Бөхбилэгт” дэвжээний бөх, улсын заан Сүхбаатарын Сүхбат түрүүлж, Архангай аймгийн Батцэнгэл сумын харьяат, “Алдар” спорт хороо, “Сокол” ХХК, “Хатант интернэшнл” ХХК, “Бөхбилэгт” дэвжээний бөх, улсын үнэн зоригт харцага Батсүхийн Зоригтбаатар үзүүрлэв.

Дөрөвт Ховд аймгийн Буянт сумын харьяат, Говь-Алтай аймгийн Жаргалан сумын уугуул, “Аврагч” спорт хороо, “Од” групп, Зорчигч тээврийн нэгтгэл, “Эм Жи Өү транс” ХХК, “Ховд” дэвжээний бөх, улсын аварга О. Хангай, Ховд аймгийн Зэрэг сумын харьяат, Аврагч спорт хороо, Монтед Констракшн, Асиан Сити ХХК, Валькан групп, Ховд дэвжээний бөх, улсын заан Б.Бат-Өлзий нар шалгарлаа.

Наймд улсын үнэн зоригт харцага Н.Золбоо, улсын харцага Х.Гантулга, улсын харцага Т.Баасанхүү, аймгийн хурц арслан Д.Алтанцоож нар үлдэв.

Тус барилдааны түрүү бөх 1924 онд Үндсэн хуулиа баталж Төрийн сүлдийг шинэчилснээс хойших “ТӨРИЙН СҮЛД” -үүдийг урласан дурсгалын мөнгөн зоос, “Үндсэн хууль”-иуд болон арван сая, үзүүр бөх зургаан сая, дөрөвт үлдсэн бөхчүүд тус бүр дөрөв, дөрвөн сая төгрөгийн бай гардсан бол УИХ-ын дарга уламжлал болгон олгодог “Өсөх ирээдүйтэй бөх”-ийн тусгай шагналаа Хэнтий аймгийн Өмнөдэлгэр сумын харьяат, аймгийн хурц арслан Д.Алтанцоожид гардууллаа.

Дэлгэрэнгүй ...

Энтертайнмент

“Болор цом-42” наадамд оролцох найрагчдын нэрс тодорлоо

Нийтэлсэн

2 өдөр өмнө

2024-11-25

Нийтэлч

24barimt

Монголын зохиолчдын эвлэлээс жил бүр уламжлал болгон зохион байгуулж, оны шилдэг яруу найрагчийг тодруулдаг “Болор цом-42” наадмын хоёр дахь шатанд шалгарсан найрагчдын нэрс тодорчээ.

Эгшиглэнт эхийн хишигт найрагч тодруулах “Болор цом 42” наадамд 201 хүн бүртгүүлж, 198 хүн шүлгээ ирүүлснээс дараах найрагчид хоёрдугаар шатанд шалгарлаа.

1. Т.Амар-Амгалан

2. На.Батболд

3. Г.Барсболд

4. Б.Батцоож

5. Т.Батхүрэл

6. Б.Ганхүрэл

7. Д.Дамдинжав

8. А.Лхагва

9. Б.Лувсанпэрэнлэй

10. Н.Мөнхбаяр

11. Б.Мөнхзул

12. П.Нацагдорж

13. С.Начин

14. Д.Нямдорж

15. Д.Одгэрэл

16. Б.Отгондэмбэрэл

17. Д.Өрнөхдэлгэр

18. Т.Пүрэвжаргал

19. Ч.Ренчиндорж

20. З.Сумъяабазар

21. Л.Торой

22. Ч.Туул

23. Ч.Ууганбаяр

24. С.Үйтүмэн

25. Г.Хашбаатар

26. Ц.Чойжамц

27. О.Элбэгтөгс

28. Т.Энх-Эрдэнэ

“Болор цом-42” яруу найргийн наадмын сүүлийн шатны шалгаруулалт 2024 оны арваннэгдүгээр сарын 26-нд Соёлын төв өргөөнд болно.

Сонирхуулахад, “Болор цом-41” наадамд МЗЭ-ийн гишүүн, Г.Сэр-Одын нэрэмжит шагналт, Сүхбаатар аймгийн Дарьганга сумын харьяат яруу найрагч С.Начин түрүүлж, тэргүүн цом хүртэж, Янжинлхам бурхны ивээлд багтсан билээ.

Дэлгэрэнгүй ...

Энтертайнмент

Циркийн уран нугараач Э.Лхагва-Очир Алтан цомын эзэн боллоо

Нийтэлсэн

2 өдөр өмнө

2024-11-25

Нийтэлч

24barimt

Монгол хүн дэлхийн аль ч улс оронд эх орныхоо нэрийг өндөрт өргөн ирдэг билээ. Үүний тод жишээ болж Монголын үндэсний циркийн жүжигчин СТА Э.Лхагва-Очир Франц улсын Гринобле хотод зохиогдсон Олон улсын циркчдийн 22 дахь удаагийн наадамд амжилттай оролцож Алтан цомын эзэн боллоо.

Тус тэмцээнд дэлхийд анх удаа “Давхар сандлын тэнцвэр” төрлөөр 11 метрийн өндөрт тэнцвэрийн гайхамшгийг үзүүлсэн юм. Энэхүү үзүүлбэр нь сандалын тэнцвэрийн төрөлд шинэчлэл хийсэн юм гэж Соёл урлагийн газраас мэдээллээ.

Дэлгэрэнгүй ...