БНХАУ-ын Төрийн зөвлөлийн Тайванийн асуудал хариуцсан алба, Төрийн зөвлөлийн Хэвлэл мэдээллийн алба 10-ны өдөр《Тайванийн асуудал ба шинэ эриний Хятад улсыг нэгтгэх үйл хэрэг》цагаан номыг нийтэлж, Тайвань бол Хятадын нэг хэсэг хэмээх бодит үнэн хийгээд одоогийн нөхцөл байдлыг дахин нотолж, ХКН болон Хятадын ард түмний эх орноо нэгтгэх тууштай тэмүүлэл, сэтгэлийг харуулж,ХКН болон Хятадын Засгийн газрын шинэ эринд эх орноо нэгтгэх байр суурь, бодлогыг танилцууллаа.

            Тайвань эрт дээр үеэс Хятадын нэг хэсэг байсан тод томруун түүх, хууль эрх зүйн тодорхой баримт бий. НҮБ-ын Ерөнхий ассамблейн 2758 дугаар тогтоол бол Нэг Хятад зарчмыг тусгасан улс төрийн бичиг баримт юм. Олон улсын практик энэхүү тогтоолын хууль ёсны хүчин төгөлдөр байдлыг бүрэн батлах ба үүнийг мушгин ойлгох боломжгүй. Нэг Хятад зарчим бол олон улсын хамтын нийгэмлэгийн нийтлэг ойлголт бөгөөд олон улсын харилцааны үндсэн хэм хэмжээг дагаж мөрдөх ёс зүй юм. Дэлхий дээр ганц л Хятад улс бий, Тайвань бол Хятадын нэг хэсэг гэдэг түүхэн бодит байдал, хууль ёсны үнэнд эргэлзэх шаардлаггүй. Тайвань хэзээ ч бие даасан улс байгаагүй, харин Хятадын нэг хэсэг гэдэг статус өөрчлөгдөхгүй хэмээн цагаан номд онцолжээ.

            Цагаан номд, ХКН Тайванийн асуудлыг шийдвэрлэж, эх орноо бүрэн нэгтгэх ажлыг ямагт ухрашгүй түүхэн үүргээ болгож, хоёр эргийн ахан дүүсээ удирдан замчилж, Тайванийн хоолойн хурцадмал нөхцөл байдлыг намдааж, сайжруулснаар энх тайван, хөгжлийн замаар замнаж, хоёр эргийн харилцаа тасралтгүй эрчимтэй хөгжиж ирсэн. ХКН-ын удирдлагаар өнгөрсөн 70 гаруй жилийн хугацаанд, ялангуяа хоёр эргийн тусгаарлалтыг үгүй болгосноос хойш хоёр эргийн харилцаа өндөр хөгжилд хүрсэн. Хоёр эргийн харилцаа, хамтын ажиллагаа ямагт өргөжиж, харилцан зорчих хөдөлгөөн улам сайжирч, хоёр эргийн ахан дүүс, ялангуяа Тайванийн ахан дүүсэд бодит сайн талыг авчирсан нь хоёр эргийн энх тайван, хамтын ажиллагаа хоёр талдаа ашигтай гэдгийг харуулж байна гэжээ.

            Цагаан номд, эх орноо бүрэн нэгтгэх нь Хятад үндэстний түүх соёлын шаардлага, мөн Хятад үндэстний агуу их сэргэн мандлын цаг үе, нөхцөл байдлын шаардлага билээ. Бидний Хятад үндэстний агуу их сэргэн мандлын зорилтыг хэрэгжүүлэх итгэл, чадвар, ахиц дэвшил түүхийн аль ч үеэс илүү их байна. Мөн, эх орноо бүрэн нэгтгэх зорилтод илүү ойртсон, илүү их итгэл, чадвартай болсон байна. Улс орны хөгжил, ялангуяа сүүлийн 40 гаруй жилийн хугацаанд хэрэгжүүлсэн нээлттэй бодлого, орчин үеийн бүтээн байгуулалтад гарсан агуу их амжилт Тайванийн асуудлыг шийдвэрлэж, эх орноо бүрэн нэгтгэх түүхэн үйл явцад асар их нөлөө үзүүлсээр байна гэжээ.

            Ардчилсан дэвшилтэт намын эрх баригчдын “тусгаар тогтнол” гэх үйлдэл хоёр эргийн харилцааг хурцадмал байдалд хүргэж, Тайванийн хоолойн энх тайван, тогтвортой байдалд аюул учруулж, энх тайвнаар дахин нэгдэх хэтийн төлвийг сулруулж, орон зайг багасгасан нь энх тайвнаар дахин нэгдэх үйл явцын дундах зайлшгүй арилгах ёстой саад бэрхшээл юм. Гаднын хүчнүүд “Тайванийн тусгаар тогтнол”-ын салан тусгаарлагчдыг өдөөн хатгаж, дэмжсэнээр хоёр эргийн тэмцэл, Тайванийн хоолойн нөхцөл байдлыг хурцатгаж,Ази, Номхон далайн бүс нутгийн энх тайван, тогтвортой байдлыг сүйтгэж, энх тайван, хөгжил, хамтын ашгийг эрэлхийлсэн цаг үеийн хандлагыг сөрж, олон улсын хамтын нийгэмлэгийн хүлээлт, дэлхийн ард түмний хүсэл тэмүүллээс урваж байна. “Гадныхныг түшин тусгаар тогтнох” нь бүтэшгүй, “Тайванийн асуудлаар Хятадыг хязгаарлах” нь ялагдалд хүрнэ. Эх орноо нэгтгэх түүхийн дугуй урагш эргэсээр байх болно. Ямар ч хүн, ямар ч хүчин үүнийг зогсоож чадахгүй хэмээн цагаан номд онцолжээ.

            Цагаан номд, “энх тайвнаар нэгдэх, нэг улс хоёр систем” бол Тайванийн асуудлыг шийдвэрлэх үндсэн чиглэл хийгээд улс орноо нэгтгэх хамгийн сайн арга юм. Энэ нь Хятад үндэстний хүлээцтэй, уужуу ухааныг илэрхийлж, Тайванийн бодит нөхцөл байдлыг сайтар бодолцсон төдийгүй нэгдсэний дараах Тайванийн урт хугацааны амар амгалан байдалд тустай юм. Хоёр эргийг нэгтгэх үйл явцад эх газрын болон Тайванийн нийгмийн тогтолцоо, үзэл суртлын ялгааны үндсэн асуудалтай зайлшгүй нүүр тулна. “Нэг улс хоёр систем” нь энэхүү асуудлыг шийдвэрлэхийн тулд гаргасан хамгийн хүртээмжтэй санаачилга юм. Үүнд энх тайван, ардчилал, сайн санааг багтаасан. Хоёр эргийн тогтолцооны ялгаатай байдал нэгдэхэд огтхон ч саад болохгүй, салан тусгаарлах шалтаг бүр ч биш хэмээжээ.

            Цагаан номд, бид энх тайвнаар нэгдэхэд өргөн уудам орон зай гаргахад бэлэн байна. Гэвч янз бүрийн хэлбэрийн “Тайванийн тусгаар тогтнол”-ын салган бутаргах үйл ажиллагаанд ямар ч орон зай хэрхэвч үлдээхгүй. Бид цаашид ч мөн хамгийн үнэнч, шударгаар, хамгийн их хичээл зүтгэлээрээ энх тайвнаар нэгдэхийн төлөө явах болно. Бид цэргийн хүчийг орхино гэж амлахгүй, шаардлагатай бүхий л арга хэмжээ авах хувилбаруудыг хадгалсаар байна. Энэ нь гаднын хүчний хөндлөнгийн оролцоо болон цөөн тооны “Тайванийн тусгаар тогтнол”-ын салган бутаргах этгээдүүд болон тэдний салган бутаргах үйл ажиллагаанд чиглэсэн болохоос биш Тайванийн ахан дүүс рүү чиглээгүй. Энх тайванч бус арга хэлбэр нь зайлшгүй нөхцөл байдалд хийх хамгийн сүүлийн сонголт байна. Тайванийн ирээдүй улс орны нэгдэлд байна. Тайванийн ахан дүүсийн сайн сайхан үндэстний сэргэн мандлаас хамааралтай. Бид Тайванийн ахан дүүстэйгээ хамтран эх орноо нэгтгэх, үндэстний сэргэн мандлын агуу их үйлийг бүтээх болно гэжээ.

            “Нэг улс хоёр систем”-ийн дагуу хоёр эргийг энх тайвнаар нэгтгэснээр Хятадын хөгжлийн ахиц дэвшил, Хятад үндэстний агуу их сэргэн мандалд бат бөх шинэ суурийг тавьж, Тайванийн нийгэм, эдийн засгийн хөгжилд асар том боломж нээгдэж, Тайванийн ахан дүүсэд бодит давуу тал авчрах юм. Хоёр эргийг энх тайвнаар нэгтгэх нь зөвхөн Хятад үндэстэн болон Хятадын ард түмэнд сайн сайхныг авчраад зогсохгүй олон улсын хамтын нийгэмлэг, дэлхийн ард түмэнд мөн сайн сайхныг авчирна.