Энтертайнмент

Орост Софья Акатьева гэх уран гулгалтын шинэ од төрлөө

Нийтэлсэн

2 жил өмнө

2022-12-28

Нийтэлч

Оросын уран гулгалтын аварга шалгаруулах тэмцээн өнгөрөгч амралтын өдрүүдэд болжээ. Тус тэмцээний эмэгтэйчүүдийн ганцаарчилсан төрөлд Софья Акатьева гэх 15 настай охин түрүүлж, аваргаа хамгаалагч Камила Валиева, туршлагатай Елизавета Туктамышева нар удаалжээ.

Акатьева богино үзүүлбэр дээрээ 85.59 оноо авч, бүх тамирчдыг тэргүүлж эхэлжээ. Улмаар чөлөөт үзүүлбэр дээрээ 164.15 оноо цуглуулж, нийт 249.74 оноотой аваргын алтан медаль хүртсэн аж. Харин Валиева 247.32 оноотой мөнгөн медаль, Туктамышева 241.72 оноотой хүрэл медаль тус тус хүртжээ.

Шинэхэн аваргын хувьд Оросын өсвөр үеийн хоёр удаагийн аварга бөгөөд Валиевагийн адилаар алдарт дасгалжуулагч Этери Тутберидзегийн шавь гэнэ.

Түрүүлснийхээ дараа Акатьева “Үнэндээ өөрөө цочирдлоо. Өөгүй үзүүлбэр байсангүй. Гурвалсан аксель дээрээ илүү ажиллах хэрэгтэй гэдгээ ойлголоо. Дасгалжуулагч нартаа баярлалаа” гэжээ.

Камила Валиевагийн тухайд аваргаа хамгаалах боломжтой байсан ч богино үзүүлбэр дээрээ тааруу оноо авч, тэргүүн байраас ердөө хоёр оноо дутлаа. Түүний допингийн хэрэг намжиж, тамирчин бүсгүй ч сэтгэл зүйн хувьд тэмцээн уралдаанд ороход бэлэн болжээ.

Тэгвэл Елизавета Туктамышева гэх 26 настай бүсгүй 15 дахь удаагаа улсынхаа аваргад оролцож, хүрэл медаль хүртлээ. 19 насандаа л дэлхийн аварга болж, цуу алдраа дуурсгаж байсан тэрбээр өдийг хүртэл их спортдоо үнэнч хэвээр. Түүнтэй хамт өрсөлдөж байсан тамирчид, түүний дараа үеийнхэн хэдий зодог тайлсан ч тэр дүү нартайгаа өрсөлдсөөр байна.

Елизавета Туктамышева 2013 онд улсынхаа аваргаар тодорч, 2015 оноос хойш медалийн тавцанд зогсоогүй байсан юм.

Олимпийн мөнгөн медальт Александра Трусова тэмцээний өмнө өвдсөн бол олимпийн аварга Анна Щербакова өвдөгний бэртлээ эдгээж байгаа учир энэ удаагийн тэмцээнийг өнжжээ. Дашрамд дуулгахад, Оросын уран гулгалтын тамирчид олон улсын тэмцээнд оролцох боломжгүй хэвээр буй.

Сэдвүүд:

Дэлгэрэнгүй ...

Энтертайнмент

Х.Тэргэл дартсын дэлхийн чансааг тэргүүлсэн анхны Ази тивийн тоглогч болов

Нийтэлсэн

5 цаг өмнө

2025-06-17

Нийтэлч

24barimt

Их Британийн нийслэл Лондон хотод дартсын өсвөр үеийнхний “ADVANCED TOUR-2025” дэлхийн лигийн тэмцээн энэ оны нэгдүгээр сараас эхэлж, өчигдөр дүнгээ гаргалаа. Зөвхөн 16 хүртэлх насныхан оролцдог 20 цуврал тэмцээний нийлбэр дүнгээр Монгол Улсын тамирчин, 14 настай Х.Тэргэл тэргүүн байр эзэлж, дэлхийн чансааг мөн тэргүүлэв.

Дэлхийн чансааг Ази тивээс тэргүүлсэн анхны тоглогч Х.Тэргэл болж байна. Энэ лигийн тэмцээнд есөн орны дэлхийн шигшмэл 32 тамирчин оролцсон бөгөөд анхдагч амжилтын эзэн Х.Тэргэл нь 2022, 2023 оны өсвөрийн багийн ДАШТ-ий хүрэл медаль, 2024 оны ДАШТ-ий ганцаарчилсан төрөлд хүрэл медаль эзэлсэн ба Монгол Улсын дөрвөн удаагийн аварга тамирчин юм.

Удамт тоглогчийн ээж Ш.Эрдэнэтуяа нь дартсын спортын ОУХМ, Монгол Улсын аварга бол нагац ах Ш.Ганзориг, Ш.Ган-Эрдэнэ нар нь ОУХМ, Монгол Улсын аварга цолонд хүрсэн тамирчид байна.

Дэлгэрэнгүй ...

Энтертайнмент

Монголын шатарчид багийн дэлхийн аварга боллоо

Нийтэлсэн

1 өдөр өмнө

2025-06-16

Нийтэлч

24barimt

Английн нийслэл Лондон хотод шатрын багийн дэлхийн аварга шалгаруулах тэмцээн зургаадугаар сарын 10-15-нд болов. Тэмцээнд 64 орны 420 тамирчин өрсөлдсөн бөгөөд манай улсаас гурван баг өрсөлдөхөд “Монгол Б” баг 2400 хүртэл рейтингтэй багуудын түргэн тоглолтын төрөлд тэргүүн байр эзэлж, төрийн дуулалаа эгшиглүүллээ. Энэ тэмцээнд: GM 111, WGM 12, IM 61, WIM 6, FM 48, WFM 17, CM 17, WCM цолтой 7 тамирчин өрсөлдсөн байна. Дэлхийн аварга цолонд хүрсэн “Монгол Б” багт багийн ахлагч, Үндэсний шигшээ багийн дасгалжуулагч С.Билгүүн, С.Ган-Эрдэнэ, Б.Мөнгөнтуул, Б.Мөнгөнзул, Н.Содбилэгт, Г.Энхбаяр нар өрсөлдсөн юм.

Дэлгэрэнгүй ...

Энтертайнмент

“Ромео, Жульетта” эмгэнэлт драмын жүжгийг маргааш нээнэ

Нийтэлсэн

1 сар өмнө

2025-05-08

Нийтэлч

24barimt

Улсын Хүүхэд залуучуудын театр Уильям Шекспирийн зохиол “Ромео, Жульетта хоёр” эмгэнэлт драмын жүжгийг 59 жилийн дараа төрөлх театрынхаа тайзнаа дахин тоглоно.

Анх 1966 онд Ардын жүжигчин С.Гэндэнгийн найруулгаар Хүүхэд залуучуудын театрын тайзнаа тоглогдож байсан “Ромео, Жульетта хоёр” жүжгийг ирэх 5 дугаар сарын 9-ний өдөр нээх бөгөөд уг бүтээлд 100 гаруй уран бүтээлч, ажилтан оролцож байна.

Гол дүр болох Ромеогийн дүрд жүжигчин Б.Түвшинбаяр, Жульеттагийн дүрд жүжигчин М.Батгэрэл нар тоглох бөгөөд урилгаар Төрийн соёрхолт, УГЖ Ц.Төмөрбаатар, УГЖ Н.Нармандах, СТА Ж.Даваасамбуу нар оролцоно. Жүжгийн Ерөнхий найруулагчаар тус театрын найруулагч СТА Б.Энхээ ажиллаж байгаа бөгөөд Ерөнхий продюсероор УГЖ Н.Ариунболд, Ерөнхий зураачаар УГЗ Г.Ганбаатар нар ажиллаж байна.

74 жилийн түүхт Улсын Хүүхэд залуучуудын театр 27 жилийн дараа дахин хөшгөө нээгээд удаагүй ч “Арслан хүлэгт баатар” хүүхдийн жүжиг, “Хайрыг хайрла”, “18 дахь хаврын хайр” драмын жүжиг болон “Хүүхнүүдийн хаанчлал” инээдмийн водевиль жүжгүүдийг үзэгчдэдээ толилуулаад байсан бол энэ удаа сонгодог бүтээлийг ийнхүү тайзнаа амилуулахад бэлэн болжээ.

Улсын Хүүхэд залуучуудын театр дэлхийн болоод үндэсний хэмжээний бүх насныханд зориулсан тайзны урлагийн бүтээлээр дамжуулан урлаг гоо зүй, соёлын боловсролыг түгээсээр байна.

Дэлгэрэнгүй ...