Энтертайнмент

“Алтан бөмбөрцөг-2023”-д нэр дэвшигчдийг албан ёсоор зарлажээ

Нийтэлсэн

2 жил өмнө

2023-01-12

Нийтэлч

“Алтан бөмбөрцөг” 80 дахь удаагийн шагнал гардуулах ёслолд нэр дэвшигчдийг өчигдөр албан ёсоор зарлажээ.

Энэхүү шагналыг 1944 оноос хойш Холливүүдийн гадаадын хэвлэлийн холбооноос зохион явуулсаар иржээ. Шагналтныг тодорхойлохдоо xолливүүдэд ажилладаг 100 орчим хүний бүрэлдэхүүнтэй олон улсын сэтгүүлчдийн бүрэлдэхүүн шийдэн тогтоодог.

Эхний жилүүдэд зөвхөн кино театрын бүтээлүүдийг үнэлэн олгодог байсан ба сүүлдээ телевизийн хэрэглээ түгэн дэлгэрсний улмаас 1956 оноос эхлэн энэ төрлийн бүтээлд ч мөн олгож эхэлжээ.

Америкийн үзвэр үйлчилгээний аж үйлдвэрийн энэхүү хоёр салбарт алтан бөмбөрцөг шагнал нь академийн шагналын (оскар) дараа буюу эмми шагналын хамт хоёрт ордог чухал шагнал юм.

“Алтан бөмбөрцөг-2023” наадмын улаан хивсний ёслолд кино ба телевизийн салбарын хамгийн алдартай оддоос гадна, дуучид, загвар өмсөгчид гээд энтертэймент ертөнцийн бүхий л гол хүмүүс оролцсон байлаа.

Сэдвүүд:

Дэлгэрэнгүй ...

Энтертайнмент

“Болор цом-42” наадамд оролцох найрагчдын нэрс тодорлоо

Нийтэлсэн

4 цаг өмнө

2024-11-25

Нийтэлч

24barimt

Монголын зохиолчдын эвлэлээс жил бүр уламжлал болгон зохион байгуулж, оны шилдэг яруу найрагчийг тодруулдаг “Болор цом-42” наадмын хоёр дахь шатанд шалгарсан найрагчдын нэрс тодорчээ.

Эгшиглэнт эхийн хишигт найрагч тодруулах “Болор цом 42” наадамд 201 хүн бүртгүүлж, 198 хүн шүлгээ ирүүлснээс дараах найрагчид хоёрдугаар шатанд шалгарлаа.

1. Т.Амар-Амгалан

2. На.Батболд

3. Г.Барсболд

4. Б.Батцоож

5. Т.Батхүрэл

6. Б.Ганхүрэл

7. Д.Дамдинжав

8. А.Лхагва

9. Б.Лувсанпэрэнлэй

10. Н.Мөнхбаяр

11. Б.Мөнхзул

12. П.Нацагдорж

13. С.Начин

14. Д.Нямдорж

15. Д.Одгэрэл

16. Б.Отгондэмбэрэл

17. Д.Өрнөхдэлгэр

18. Т.Пүрэвжаргал

19. Ч.Ренчиндорж

20. З.Сумъяабазар

21. Л.Торой

22. Ч.Туул

23. Ч.Ууганбаяр

24. С.Үйтүмэн

25. Г.Хашбаатар

26. Ц.Чойжамц

27. О.Элбэгтөгс

28. Т.Энх-Эрдэнэ

“Болор цом-42” яруу найргийн наадмын сүүлийн шатны шалгаруулалт 2024 оны арваннэгдүгээр сарын 26-нд Соёлын төв өргөөнд болно.

Сонирхуулахад, “Болор цом-41” наадамд МЗЭ-ийн гишүүн, Г.Сэр-Одын нэрэмжит шагналт, Сүхбаатар аймгийн Дарьганга сумын харьяат яруу найрагч С.Начин түрүүлж, тэргүүн цом хүртэж, Янжинлхам бурхны ивээлд багтсан билээ.

Дэлгэрэнгүй ...

Энтертайнмент

Циркийн уран нугараач Э.Лхагва-Очир Алтан цомын эзэн боллоо

Нийтэлсэн

4 цаг өмнө

2024-11-25

Нийтэлч

24barimt

Монгол хүн дэлхийн аль ч улс оронд эх орныхоо нэрийг өндөрт өргөн ирдэг билээ. Үүний тод жишээ болж Монголын үндэсний циркийн жүжигчин СТА Э.Лхагва-Очир Франц улсын Гринобле хотод зохиогдсон Олон улсын циркчдийн 22 дахь удаагийн наадамд амжилттай оролцож Алтан цомын эзэн боллоо.

Тус тэмцээнд дэлхийд анх удаа “Давхар сандлын тэнцвэр” төрлөөр 11 метрийн өндөрт тэнцвэрийн гайхамшгийг үзүүлсэн юм. Энэхүү үзүүлбэр нь сандалын тэнцвэрийн төрөлд шинэчлэл хийсэн юм гэж Соёл урлагийн газраас мэдээллээ.

Дэлгэрэнгүй ...

Энтертайнмент

С.Мөнхзул Дэлхийн аварга боллоо

Нийтэлсэн

6 өдөр өмнө

2024-11-19

Нийтэлч

24barimt

Бүгд Найрамдах Исланд Улсад хэрэглэлтэй пауэрлифтингийн насанд хүрэгчдийн Дэлхийн аварга шалгаруулах тэмцээн өнгөрсөн долоо хоногт болсон бөгөөд манай улсаас МПНХ-ны Ерөнхийлөгч, гавьяат дасгалжуулагч Д.Баттулгын удирдлага дор эрэгтэй гурав, эмэгтэй гурван тамирчин өрсөлдөхөд Монголын баг нэг алт, нэг мөнгө, гурван хүрэл медаль хүртсэн байна.

Тэмцээний сүүлийн өдөр эмэгтэйчүүдийн 84 кг-ын жинд С.Мөнхзул газраас таталтын төрөлд 227.5 кг-ыг өргөснөөр алтан медаль хүртэж, ДАШТ-ий насанд хүрэгчдийн эмэгтэйчүүдийн ангилалд алтан медаль хүртсэн анхны Монгол тамирчин болов.

Мөн энэ жингийн хүрэл медалийг Монгол Улсын тамирчин Б.Марал хүртжээ.

С.Мөнхзул нь өнгөрсөн онд Мастеруудын дэлхийн аварга болж, Ази, Номхон далай, Африк тивийн аварга шалгаруулах тэмцээнээс алтан медаль хүртэж, шилдэг тамирчин өргөмжлөл хүртсэн билээ гэж Биеийн тамир, спортын улсын хорооноос мэдээллээ.

Дэлгэрэнгүй ...