Энтертайнмент

“Опал” жүжиг энэ сарын 21-24-нд БНСУ-д тоглогдоно

Нийтэлсэн

2 жил өмнө

2023-01-13

Нийтэлч

“Орфей” театр АНУ-ын зохиолч Жон Патрикийн “Everybody loves Opal” жүжгийг “Опал” нэрээр өнгөрсөн 10, 11 дүгээр сард монголын үзэгчдийн хүртээл болгосон. “Broadway” театрын алдарт бүтээл эл жүжгийг “Фауст”, “Гэм зэм” жүжгээр шуугиан тарьсан Мягмарнарангийн Батболд найруулж, гол дүрийг соёлын тэргүүний ажилтан, тайз, дэлгэцийн жүжигчин О.Энхтуул алс холын Герман улсаас зорин ирж бүтээсэн. Ийн тэрбээр 15 жилийн дараа театрын тайзнаа эргэн ирсэн юм.

Мөн энэхүү жүжигт Төрийн шагналт, гавьяат жүжигчин Ц.Төмөрбаатар, гавьяат жүжигчин Н.Онон, соёлын тэргүүний ажилтан, жүжигчин Д.Баттөмөр, Т.Ариунчимэг болон Э.Чинзориг, Т.Сэргэлэн гэсэн нийт долоон жүжигчин дүр бүтээсэн. Түүнчлэн тус жүжгийн ерөнхий зураачаар О.Баярмагнай, хөдөлгөөний найруулагчаар У.Эрдэнэбаяр, хөгжмийн зохиолчоор Д.Нямхүү, хувцасны дизайнераар О.Булган, ассистент найруулагчаар С.Тэмүүжин, туслах найруулагчаар Ц.Энхтуяа, зөвлөхөөр Гэри Биондо, гүйцэтгэх продюсероор Ж.Энхзаяа нар ажилласан юм.

Тэгвэл “Опал” саркастек мелодрамын жүжиг БНСУ-д сурч, ажиллаж, амьдарч байгаа монголчуудад энэ сарын 21-24-нд хүрэхээр болжээ. Тодруулбал, “Орфей” театр “Опал” жүжгээ энэ сарын 21, 23-нд БНСУ-ын Сөүлд, 22-нд Чонан, 24-нд Илсанд тоглох юм байна.

Ташрамд дуулгахад, “Орфей” театр энэхүү бүтээлээрээ өнөө цагийн хүмүүст хамгийн ихээр дутагдаад байгаа итгэл найдвар, өөдрөг үзэл, уужуу сэтгэлийг түгээж, үзсэн хүн бүхний сэтгэл зүрхийг хайраар дулаацуулахаар зорьсон.

Эл жүжгийн зохиолч Жон Патрик амьд ахуйдаа театрын 34 зохиол, кино дэлгэцийн 27 бүтээл туурвиснаас хамгийн нэрд гарсан, нэрийн хуудас болсон жүжгийн зохиол нь “Everybody loves Opal”. “Everybody loves Opal” жүжгийн зохиол 1960 онд бичигдэж, 1961 оны аравдугаар сард Нью-Йоркийн “Longacre” театрт тоглогдсон байна. Түүнээс хойш 1963, 1967, 1993, 2017, 2018, 2019 онд дэлхийн театруудад тавигдаж байсан түүхтэй. Дан ганц “Everybody loves Opal” нэрээр бус “Dear Pamela” гэх нэрээр дэлхийн зарим улс оронд тавигдаж, хүн зоны сэтгэл, тархинд гэрэл түгээсэн байна. Одоо ч гэсэн гэрлээ түгээсэн хэвээр байгаа бөгөөд 2022 онд хоёр ч улсад амилжээ. Түүнчлэн энэхүү зохиол дэлгэцийн урлагт амилсан бөгөөд киночид дэлгэцийн бүтээл болгон үзэгчдэд хүргэж байв.

Сэдвүүд:

Дэлгэрэнгүй ...

Энтертайнмент

“Болор цом-42” наадамд оролцох найрагчдын нэрс тодорлоо

Нийтэлсэн

6 цаг өмнө

2024-11-25

Нийтэлч

24barimt

Монголын зохиолчдын эвлэлээс жил бүр уламжлал болгон зохион байгуулж, оны шилдэг яруу найрагчийг тодруулдаг “Болор цом-42” наадмын хоёр дахь шатанд шалгарсан найрагчдын нэрс тодорчээ.

Эгшиглэнт эхийн хишигт найрагч тодруулах “Болор цом 42” наадамд 201 хүн бүртгүүлж, 198 хүн шүлгээ ирүүлснээс дараах найрагчид хоёрдугаар шатанд шалгарлаа.

1. Т.Амар-Амгалан

2. На.Батболд

3. Г.Барсболд

4. Б.Батцоож

5. Т.Батхүрэл

6. Б.Ганхүрэл

7. Д.Дамдинжав

8. А.Лхагва

9. Б.Лувсанпэрэнлэй

10. Н.Мөнхбаяр

11. Б.Мөнхзул

12. П.Нацагдорж

13. С.Начин

14. Д.Нямдорж

15. Д.Одгэрэл

16. Б.Отгондэмбэрэл

17. Д.Өрнөхдэлгэр

18. Т.Пүрэвжаргал

19. Ч.Ренчиндорж

20. З.Сумъяабазар

21. Л.Торой

22. Ч.Туул

23. Ч.Ууганбаяр

24. С.Үйтүмэн

25. Г.Хашбаатар

26. Ц.Чойжамц

27. О.Элбэгтөгс

28. Т.Энх-Эрдэнэ

“Болор цом-42” яруу найргийн наадмын сүүлийн шатны шалгаруулалт 2024 оны арваннэгдүгээр сарын 26-нд Соёлын төв өргөөнд болно.

Сонирхуулахад, “Болор цом-41” наадамд МЗЭ-ийн гишүүн, Г.Сэр-Одын нэрэмжит шагналт, Сүхбаатар аймгийн Дарьганга сумын харьяат яруу найрагч С.Начин түрүүлж, тэргүүн цом хүртэж, Янжинлхам бурхны ивээлд багтсан билээ.

Дэлгэрэнгүй ...

Энтертайнмент

Циркийн уран нугараач Э.Лхагва-Очир Алтан цомын эзэн боллоо

Нийтэлсэн

7 цаг өмнө

2024-11-25

Нийтэлч

24barimt

Монгол хүн дэлхийн аль ч улс оронд эх орныхоо нэрийг өндөрт өргөн ирдэг билээ. Үүний тод жишээ болж Монголын үндэсний циркийн жүжигчин СТА Э.Лхагва-Очир Франц улсын Гринобле хотод зохиогдсон Олон улсын циркчдийн 22 дахь удаагийн наадамд амжилттай оролцож Алтан цомын эзэн боллоо.

Тус тэмцээнд дэлхийд анх удаа “Давхар сандлын тэнцвэр” төрлөөр 11 метрийн өндөрт тэнцвэрийн гайхамшгийг үзүүлсэн юм. Энэхүү үзүүлбэр нь сандалын тэнцвэрийн төрөлд шинэчлэл хийсэн юм гэж Соёл урлагийн газраас мэдээллээ.

Дэлгэрэнгүй ...

Энтертайнмент

С.Мөнхзул Дэлхийн аварга боллоо

Нийтэлсэн

6 өдөр өмнө

2024-11-19

Нийтэлч

24barimt

Бүгд Найрамдах Исланд Улсад хэрэглэлтэй пауэрлифтингийн насанд хүрэгчдийн Дэлхийн аварга шалгаруулах тэмцээн өнгөрсөн долоо хоногт болсон бөгөөд манай улсаас МПНХ-ны Ерөнхийлөгч, гавьяат дасгалжуулагч Д.Баттулгын удирдлага дор эрэгтэй гурав, эмэгтэй гурван тамирчин өрсөлдөхөд Монголын баг нэг алт, нэг мөнгө, гурван хүрэл медаль хүртсэн байна.

Тэмцээний сүүлийн өдөр эмэгтэйчүүдийн 84 кг-ын жинд С.Мөнхзул газраас таталтын төрөлд 227.5 кг-ыг өргөснөөр алтан медаль хүртэж, ДАШТ-ий насанд хүрэгчдийн эмэгтэйчүүдийн ангилалд алтан медаль хүртсэн анхны Монгол тамирчин болов.

Мөн энэ жингийн хүрэл медалийг Монгол Улсын тамирчин Б.Марал хүртжээ.

С.Мөнхзул нь өнгөрсөн онд Мастеруудын дэлхийн аварга болж, Ази, Номхон далай, Африк тивийн аварга шалгаруулах тэмцээнээс алтан медаль хүртэж, шилдэг тамирчин өргөмжлөл хүртсэн билээ гэж Биеийн тамир, спортын улсын хорооноос мэдээллээ.

Дэлгэрэнгүй ...