Дэлхий дахинд

Канье Уэстийг Австрали руу нэвтрэхийг хориглоно

Нийтэлсэн

2 жил өмнө

2023-01-25

Нийтэлч

Канье Уэст энэ сарын эхээр 27 настай австрали бүсгүй Бианка Ценсоритой гэрлэсэн. Тэр ирэх долоо хоногт Мельбурн руу явахаар төлөвлөж байсан ч түүнийг Австрали руу нэвтрэхийг хориглох саналыг тус улсын Дотоод хэргийн сайд асан Питер Даттон гаргалаа.

Канье Уэст цахим сүлжээгээр сүүлийн саруудад еврейчүүдийн эсрэг хандсан, нацистыг дэмжсэн утгатай мэдэгдэл гаргах болсон. Тиймээс орон нутгийн еврей нийгэмлэгүүд түүнийг визний мэдүүлгээ буцааж авахыг шаарджээ. Австрали дахь Еврейчүүдийн гүйцэтгэх зөвлөлийн гүйцэтгэх захирал Питер Вертхайм Цагаачлалын сайдад захидал бичиж, арьс өнгөөр ялгаварлан гадуурхах үзлийг өдөөж буй Каньег Австралид нэвтрэхийг хориглохыг хүссэн байна. “Алдартай урлагийн хүн учраас тэр залууст асар их нөлөө үзүүлэх чадвартай. Еврейчүүдийг чөтгөр болгож байгаа түүний үг хэллэг нь маш аюултай. Түүний 30 сая дагагч үгэнд нь итгэж эхлэх бодит үр дагавар бий” гэж түүний захидалд дурджээ.

“Австралийн иргэн бус бүх хүн Цагаачлалын тухай хуульд заасан аюулгүй байдал, зан байдлын шаардлагыг хангасан байх ёстой” гэж Австралийн Цагаачлалын сайдын хэвлэлийн төлөөлөгч мэдэгдлээ. Түүнчлэн Холбооны сөрөг хүчний удирдагч Питер Даттон түүний зан авирыг аймшигтай гэж тодорхойлжээ.

Каньегийн тогтворгүй зан авирыг зарим хүн сэтгэцийн эрүүл мэндийн асуудалтай холбоотой гэж үзэж байна. Тэр өмнө нь өөрийгөө хоёр туйлт сэтгэцийн эмгэгтэй гэж хэлж байжээ.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...