Нийгэм

Чойбалсан-Хөөт-Бичигт чиглэлийн 426.7 км төмөр замын төслийг эхлүүлнэ

Нийтэлсэн

2 жил өмнө

2023-01-30

Нийтэлч

2023 онд төмөр замаар 35.0 сая.тн-оос доошгүй ачаа, 2,4 сая зорчигч тээвэрлэнэ. Ингэснээр төмөр замаар тээх ачаа 26.8 хувиар нэмэгдэх юм. Хөдлөх бүрэлдэхүүнийг 8 зүтгүүр, 800 вагоноор нэмэгдүүлж, Замын-Үүд-Эрээн боомтоор хоногт дунджаар 14.5 галт тэрэг хүлээлгэн өгнө.

Зүүнбаян-Сайншанд чиглэлийн төмөр замын 47 км хэсэглэлд их засвар хийж, Зүүнбаян өртөөг өргөтгөж,“Богдхан төмөр зам” төслийн ажлыг үргэлжлүүлж, барилгын ажлын гүйцэтгэлийг 30 хувьд хүргэх зорилт тавин ажиллаж байна.

Мөн холболтын төмөр замууд, шинээр 4 чиглэлийн нийт нэг мянга 399 км төмөр замын барилгын ажлыг эхлүүлж, Ханги, Гашуунсухайт боомтод ачаа шилжүүлэн ачих терминал байгуулна.

Шивээхүрэн-Сэхээ боомтын хил холболтын төмөр замын төсөл, Чойбалсан-Хөөт-Бичигт чиглэлийн 426,7 км төмөр замын төслийг эхлүүлэхээр төлөвлөгөөт ажлууд шат дараатай явагдаж байна.

Эх сурвалж: ЗТХЯ

Сэдвүүд:онцлох

Дэлгэрэнгүй ...

Нийгэм

Дорнод аймгийн Халхгол сумын “Баруун шавар” гэдэг газарт хээрийн түймэр гарчээ

Нийтэлсэн

11 цаг өмнө

2025-03-11

Нийтэлч

24barimt

Дорнод аймгийн Халхгол сумын “Баруун шавар” гэдэг газар хээрийн түймэр гарсан дуудлага өнөөдөр 14:40 минутанд иржээ. Хээрийн түймэр аймгийн төвөөс зүүн зүгт 240 км-т, сумын төвөөс баруун зүгт 100 км-т гарчээ.

Дуудлагын дагуу аймгийн Онцгой байдлын газрын Халхгол сумын Гал түймэр унтраах, аврах 52 дугаар ангийн алба хаагчид болон мэргэжлийн ангийнхан ажиллаж байна. Иймд салхи, шуургатай энэ өдрүүдэд ой, хээрийн түймрээс урьдчилан сэргийлж, анхаарал, сэрэмжтэй байхыг ард, иргэд та бүхэндээ зөвлөж байна

Дэлгэрэнгүй ...

Нийгэм

УЕПГ: Хоёрдугаар сард зөрчлийн хэргийн гаралт буурчээ

Нийтэлсэн

12 цаг өмнө

2025-03-11

Нийтэлч

24barimt

Улсын хэмжээнд 2025 оны хоёрдугаар сарын байдлаар 284.379 зөрчлийн хэрэг бүртгэгдсэн нь нэг сартай харьцуулахад 6.9 хувиар буурчээ.

Нийт зөрчлийн хэргийн 71.8 хувь нь Нийслэлд, 28.2 хувь нь орон нутагт бүртгэгдсэн бол Цагдаагийн байгууллага 97.8 хувийг шалгаж, бусад байгууллага 2.2 хувийг нь шалгаж, шийдвэрлэжээ.

Дээрх хугацаанд 277.129 хүн, 630 хуулийн этгээд Зөрчлийн тухай хуульд зааснаар шийтгүүлсэн байна. Зөрчил үйлдсэн хүмүүсийн 75.3 хувь нь эрэгтэй, 24.7 хувь нь эмэгтэйчүүд байгаа бол 61.4 хувь нь 26-45 насныхан байна.

Өнгөрсөн хоёрдугаар сард үйлдэгдсэн зөрчлийг нэгдүгээр сартай харьцуулахад зарим төрлийн зөрчил буурсан дүнтэй байна. Тодруулбал, Гэр бүлийн хүчирхийлэлтэй тэмцэх тухай хууль зөрчих зөрчил 39.9 хувиар, Хүүхдийн эрхийг зөрчих зөрчил 22.6 хувиар, Нийгмийн даатгалын тухай хууль зөрчих зөрчил 22 хувиар, Хүний биед халдах зөрчил 17.4 хувиар, Гаалийн тухай хууль зөрчих зөрчил 13.5 хувиар, Татварын хууль зөрчих зөрчил 6.7 хувиар тус тус буурчээ.

Дэлгэрэнгүй ...

Нийгэм

Хүүхэд аарууланд хахаж нас баржээ

Нийтэлсэн

13 цаг өмнө

2025-03-11

Нийтэлч

24barimt

Гэр бүлийн аз жаргалыг “хүүхэд” гэлцдэг. Тэдний гэнэн цайлган зан, тунгалаг нүд, өхөөрдөм хөөрхөн инээдийг юутай ч зүйрлэшгүй. Гэвч томчууд бидний хайнга зан, цаг завгүй амьдралын хэв маягийн хохирогч нь хүүхэд болсоор байна.

Тухайлбал, Энэ оны 03 дугаар сарын 07-ны өдөр бага насны хүүхэд хахаж нас барсан хэрэг цагдаагийн байгууллагад бүртгэгдэж, шалгалтын ажиллагааг явуулахад урьдчилсан байдлаар ааруул идэж байгаад хахаж нас барсан байж болзошгүй байна.

Иймд иргэд, эцэг эх, асран хамгаалагч Та бүхэн бага насны хүүхдийг хүүхдээр харуулахгүй байх, ганцааранг нь үлдээхгүй байх, хараа хяналтгүй орхихгүй байж болзошгүй эрсдэлээс урьдчилан сэргийлж, хайртай үрсээ хамгаалахыг зөвлөлөө.

Дэлгэрэнгүй ...