Дэлхий дахинд

Путин барууныхныг түрэмгийлэл үйлдэж байна гэв

Нийтэлсэн

2 жил өмнө

2023-02-03

Нийтэлч

ОХУ-ын ерөнхийлөгч Владимир Путин Сталинградын тулаанд Зөвлөлтийн цэргүүд ялалт байгуулсны 80 жилийн ойг тохиолдуулан Волгоград мужид айлчилсан. Тэрбээр Улаан армийн амь үрэгдсэн дайчдын дурсгалын цогцолборт өчигдөр /2023.02.02/ цэцэг өргөжээ.

“Нацизмын үзэл суртал орчин үеийн хэлбэрээр манай улсын аюулгүй байдалд шууд заналхийлж байгааг бид харж байна. Бид барууны хамтын түрэмгийллийг дахин дахин няцаах ёстой. Тэд хуяг дээрээ загалмай зурсан Германы Ирвэс танкуудаар биднийг дахин сүрдүүлж байна. Тэд Украины нутаг дэвсгэр дээр Гитлерийн дагалдагчдын гараар Оростой дахин тулалдах гэж байна” гэж Путин хэлэв.

Тэрбээр Украиныг зэвсэглэхэд тусалж буй Германыг шүүмжилж, ОХУ цөмийн зэвсэгээс эхлүүлээд бүх зэвсгээ ашиглахад бэлэн гэжээ. Герман улс Украин руу танк илгээх эсэхдээ хэдэн сарын турш эргэлзсэн боловч эцэст нь зөвшөөрсөн шийдвэр гаргасан. Танкуудыг гуравдугаар сарын сүүл юм уу дөрөвдүгээр сарын эхээр нийлүүлэхээр зорьж байна.

Сталинградын тулаан 1942 оны наймдугаар сараас 1943 оны хоёрдугаар сар хүртэл үргэлжилсэн. Энэхүү цуст тулаанд амиа алдсан энгийн иргэд болон цэргүүдийн тоо хоёр саяд хүрсэн гэдэг.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...