Дэлхий дахинд

Володимир Зеленскийг Европын холбооны удирдагчдын дээд хэмжээний уулзалтад биечлэн оролцохыг урьжээ

Нийтэлсэн

2 жил өмнө

2023-02-07

Нийтэлч

Европын зөвлөлийн тэргүүн Шарль Мишель Украины Ерөнхийлөгч Володимир Зеленскийг энэ сарын 9-10-ны хооронд Бельгийн Брюссель хотноо болох Европын холбооны удирдагчдын дээд хэмжээний уулзалтад биечлэн оролцохыг урьжээ.

Энэ тухай Шарль Мишелийн төлөөлөгч Баренд Лейтс зарлаад “Аюулгүй байдлын үүднээс нэмэлт мэдээлэл өгөх боломжгүй” гэж мэдэгджээ.

Европын холбооны удирдлагууд энэ долоо хоногт болох уулзалтад Володимир Зеленскийг ирнэ хэмээн бэлтгэж байгаа талаар Британийн “Файнэншл Таймс” сонин даваа гарагт анх зарласан.

Бельгийн “Белга” агентлагийн эх сурвалжийн мэдээлснээр тэрбээр хоёрдугаар сарын 9-нд Брюссельд ирнэ гэжээ.

Украины Ерөнхийлөгч түүнчлэн Европын парламентын тусгай хуралдаанд үг хэлэх магадлалтай байна. Энэ асуудлаар Володимир Зеленскийн төлөөлөгчид ямар нэгэн тайлбар өгөөгүй байна.

Хэрэв Володимир Зеленский Брюссельд айлчилбал энэ нь Орос Украин руу бүрэн хэмжээний довтолгоон хийснээс хойш түүний хилийн чанадад айлчилсан хоёр дахь тохиолдол болно.

Тэрбээр хамгийн сүүлд Вашингтонд айлчилсан билээ.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...