Энтертайнмент

“Чингис хаан” үндэсний музей ОХУ-ын “Эрмитаж” музейтэй хамтран ажиллана

Нийтэлсэн

2 жил өмнө

2023-02-10

Нийтэлч

Соёлын сайд Ч.Номин болон ОХУ-ын Соёлын сайд Любимова Ольга Борисовна нарын үзэглэсэн (2021.12.17-нд) хоёр улсын Соёлын яам хооронд 2024 он хүртэл хамтран ажиллах хөтөлбөрийн хүрээнд “Чингис хаан” үндэсний музей-“Эрмитаж” улсын музей хооронд хамтын ажиллагааны гэрээ байгууллаа.

Гэрээг “Чингис хаан” үндэсний музейн захирал, академич С.Чулуун ОХУ-ын Санкт-Петербург хотноо ажиллах үеэрээ байгуулсан бөгөөд энэ нь тус музейтай албан ёсоор байгуулж буй анхны гэрээ болж байна. Мөн “Оросын Угсаатны музей”, “Дорно дахины ард түмний урлагийн музей”, “Их Петр хааны нэрэмжит Угсаатан, хүн судлалын музей”, “ШУА-ийн дорно дахины гар бичмэлийн хүрээлэн”-тэй хамтын ажиллагааны гэрээ, хэлэлцээр байгуулав.

Гэрээнд хамтарсан үзэсгэлэн зохион байгуулах, эрдэм шинжилгээний болон судалгааны бүтээл туурвих, мэргэжилтэн солилцох, бэлтгэх асуудлыг багтаасан байна. Тухайлбал, “Монголчуудын соёлын өв, архивын баримт, гар бичмэлийн цуглуулга” олон улсын хурлыг энэ оны дөрөвдүгээр сард Монгол Улсад, арваннэгдүгээр сард Санкт-Петербург хотноо “Ноён уулын малтлагын 100 жилийн ойд зориулсан эрдэм шинжилгээний хурал”-ыг зохион байгуулахаар болов.

Ташрамд дурдахад, “Эрмитаж” улсын музейн сан хөмрөгт Монголын холбоотой баялаг дурсгал хадгалагдаж байдаг бөгөөд:

-“Эрмитаж дахь Ноён уулын дурсгал”,

-“Эрмитаж дахь Хархорум хотын өв”,

-“Эрмитаж дахь Бурханы шашны өв”,

-“Эрмитаж дахь Монголын эзэнт гүрний өв” гэсэн нийт дөрвөн боть бүтээлийг өнөөдрийн байдлаар хэвлэн нийтлүүлээд байна.

Мөн энэ онд дахин нэг боть бүтээл хэвлүүлэхээр ажиллаж байгаа юм. Эдгээр дурсгалууд нь урд өмнө цогцоороо хэвлэн нийтлэгдээгүй бөгөөд анх удаагаа эрдэм судалгаа, танин мэдэхүйн хэрэгцээнд зориулж нийтлэгджээ.

Сэдвүүд:

Дэлгэрэнгүй ...

Энтертайнмент

Х.Тэргэл дартсын дэлхийн чансааг тэргүүлсэн анхны Ази тивийн тоглогч болов

Нийтэлсэн

1 цаг өмнө

2025-06-17

Нийтэлч

24barimt

Их Британийн нийслэл Лондон хотод дартсын өсвөр үеийнхний “ADVANCED TOUR-2025” дэлхийн лигийн тэмцээн энэ оны нэгдүгээр сараас эхэлж, өчигдөр дүнгээ гаргалаа. Зөвхөн 16 хүртэлх насныхан оролцдог 20 цуврал тэмцээний нийлбэр дүнгээр Монгол Улсын тамирчин, 14 настай Х.Тэргэл тэргүүн байр эзэлж, дэлхийн чансааг мөн тэргүүлэв.

Дэлхийн чансааг Ази тивээс тэргүүлсэн анхны тоглогч Х.Тэргэл болж байна. Энэ лигийн тэмцээнд есөн орны дэлхийн шигшмэл 32 тамирчин оролцсон бөгөөд анхдагч амжилтын эзэн Х.Тэргэл нь 2022, 2023 оны өсвөрийн багийн ДАШТ-ий хүрэл медаль, 2024 оны ДАШТ-ий ганцаарчилсан төрөлд хүрэл медаль эзэлсэн ба Монгол Улсын дөрвөн удаагийн аварга тамирчин юм.

Удамт тоглогчийн ээж Ш.Эрдэнэтуяа нь дартсын спортын ОУХМ, Монгол Улсын аварга бол нагац ах Ш.Ганзориг, Ш.Ган-Эрдэнэ нар нь ОУХМ, Монгол Улсын аварга цолонд хүрсэн тамирчид байна.

Дэлгэрэнгүй ...

Энтертайнмент

Монголын шатарчид багийн дэлхийн аварга боллоо

Нийтэлсэн

23 цаг өмнө

2025-06-16

Нийтэлч

24barimt

Английн нийслэл Лондон хотод шатрын багийн дэлхийн аварга шалгаруулах тэмцээн зургаадугаар сарын 10-15-нд болов. Тэмцээнд 64 орны 420 тамирчин өрсөлдсөн бөгөөд манай улсаас гурван баг өрсөлдөхөд “Монгол Б” баг 2400 хүртэл рейтингтэй багуудын түргэн тоглолтын төрөлд тэргүүн байр эзэлж, төрийн дуулалаа эгшиглүүллээ. Энэ тэмцээнд: GM 111, WGM 12, IM 61, WIM 6, FM 48, WFM 17, CM 17, WCM цолтой 7 тамирчин өрсөлдсөн байна. Дэлхийн аварга цолонд хүрсэн “Монгол Б” багт багийн ахлагч, Үндэсний шигшээ багийн дасгалжуулагч С.Билгүүн, С.Ган-Эрдэнэ, Б.Мөнгөнтуул, Б.Мөнгөнзул, Н.Содбилэгт, Г.Энхбаяр нар өрсөлдсөн юм.

Дэлгэрэнгүй ...

Энтертайнмент

“Ромео, Жульетта” эмгэнэлт драмын жүжгийг маргааш нээнэ

Нийтэлсэн

1 сар өмнө

2025-05-08

Нийтэлч

24barimt

Улсын Хүүхэд залуучуудын театр Уильям Шекспирийн зохиол “Ромео, Жульетта хоёр” эмгэнэлт драмын жүжгийг 59 жилийн дараа төрөлх театрынхаа тайзнаа дахин тоглоно.

Анх 1966 онд Ардын жүжигчин С.Гэндэнгийн найруулгаар Хүүхэд залуучуудын театрын тайзнаа тоглогдож байсан “Ромео, Жульетта хоёр” жүжгийг ирэх 5 дугаар сарын 9-ний өдөр нээх бөгөөд уг бүтээлд 100 гаруй уран бүтээлч, ажилтан оролцож байна.

Гол дүр болох Ромеогийн дүрд жүжигчин Б.Түвшинбаяр, Жульеттагийн дүрд жүжигчин М.Батгэрэл нар тоглох бөгөөд урилгаар Төрийн соёрхолт, УГЖ Ц.Төмөрбаатар, УГЖ Н.Нармандах, СТА Ж.Даваасамбуу нар оролцоно. Жүжгийн Ерөнхий найруулагчаар тус театрын найруулагч СТА Б.Энхээ ажиллаж байгаа бөгөөд Ерөнхий продюсероор УГЖ Н.Ариунболд, Ерөнхий зураачаар УГЗ Г.Ганбаатар нар ажиллаж байна.

74 жилийн түүхт Улсын Хүүхэд залуучуудын театр 27 жилийн дараа дахин хөшгөө нээгээд удаагүй ч “Арслан хүлэгт баатар” хүүхдийн жүжиг, “Хайрыг хайрла”, “18 дахь хаврын хайр” драмын жүжиг болон “Хүүхнүүдийн хаанчлал” инээдмийн водевиль жүжгүүдийг үзэгчдэдээ толилуулаад байсан бол энэ удаа сонгодог бүтээлийг ийнхүү тайзнаа амилуулахад бэлэн болжээ.

Улсын Хүүхэд залуучуудын театр дэлхийн болоод үндэсний хэмжээний бүх насныханд зориулсан тайзны урлагийн бүтээлээр дамжуулан урлаг гоо зүй, соёлын боловсролыг түгээсээр байна.

Дэлгэрэнгүй ...