Дэлхий дахинд

Ерөнхий ассамблей Украиныг дэмжсэн тогтоол батална

Нийтэлсэн

2 жил өмнө

2023-02-12

Нийтэлч

Киевийг дэмжигчид ОХУ-аас Украинд халдан түрэмгийлсний нэг жилийн ойн өмнөхөн НҮБ-ын Ерөнхий Ассамблейн 193 гишүүний чуулганаар батлах санал гаргасан тогтоолын төслийг тараалаа. Уг тогтоол нь Украины “тусгаар тогтнол, эв нэгдэл, нутаг дэвсгэрийн бүрэн бүтэн байдлыг” баталгаажуулсан энх тайвны хэрэгцээг онцлон тэмдэглэнэ.

Украиныг дэмжсэн тогтоолын төслийг Орос болон түүний холбоотон Беларусь улсаас бусад НҮБ-ын гишүүн орнуудад тараажээ.

Ассошиэйтед Пресс агентлагаас Баасан гаригт олж авсан уг төсөл нь “Украинд иж бүрэн, шударга, урт удаан энх тайван тогтоох үндсэн зарчмууд” гэсэн гарчигтай.

Санал болгож буй тогтоол нь Украины Ерөнхийлөгч Владимир Зеленскийн арваннэгдүгээр сард болсон Их-20 бүлгийн дээд хэмжээний уулзалтын үеэр зарласан 10 зүйл бүхий энхийн төлөвлөгөөнөөс илүү өргөн хүрээтэй юм.

Ерөнхий Ассамблейн хэвлэлийн төлөөлөгч Паулина Кубиак хэлэхдээ, Украины асуудлаарх Ерөнхий Ассамблейн яаралтай хуралдаан хоёрдугаар сарын 22-ны үдээс хойш эхэлнэ. Хоёрдугаар сарын 23-ныг дуустал олон арван илтгэл үргэлжлэх төлөвтэй байгаа бөгөөд санал хураалт тэр өдрийн орой явагдана.

Украины Ерөнхийлөгч Владимир Зеленский дайны ойгоор НҮБ-д ирэхийг хүсч байна гэж тус улсын Гадаад хэргийн дэд сайд өнгөрсөн сард мэдэгдсэн.

Олон улсын энх тайван, аюулгүй байдлыг сахин хамгаалах үүрэгтэй Аюулгүйн зөвлөл ОХУ-ын хориг тавих эрхээс болж ажиллаж чадахгүй байгаа тул Ерөнхий ассамблей Украины асуудлыг хариуцсан НҮБ-ын хамгийн чухал байгууллага болоод байна. Аюулгүйн зөвлөлөөс ялгаатай нь ассамблейн чуулганд хориг тавьдаггүй ч Украины асуудлаар өмнө нь гаргасан таван тогтоол нь дэлхийн үзэл бодлын тусгал болох чухал ач холбогдолтой.
Аюулгүйн зөвлөл хоёрдугаар сарын 24-нд буюу түрэмгийллийн ойн өдөр сайд нарын хурлыг хийнэ. Орос, Украины дипломатууд халдлага үйлдсэнээс хойш олон арван уулзалтад оролцож байсан тул нэг ширээний ард суух боловч үр дүнд хүрэхгүй.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

2 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...