Дэлхий дахинд

АНУ-ын зэвсэгт хүчин дөрөв дэх нууцлаг нисдэг биетийг буудаж унагажээ

Нийтэлсэн

2 жил өмнө

2023-02-13

Нийтэлч

24barimt

Ням гарагт АНУ-ын агаарын хүчин газар нутагт нь нэвтэрсэн бас нэг учир битүүлэг нисдэг биетийг буудан унагасан байна.

Канадын хилийн ойролцоо Хурон нуурын ойролцоо илэрсэн нисдэг биетийг унагах тушаалыг ерөнхийлөгч Жо Байден өгчээ.

Ингэснээр сүүлийн нэг долоо хоног гаруй хугацаанд АНУ-ын зэвсэгт хүчин Умард Америкийн агаарын орон зайд илэрсэн дөрөв дэх нисдэг биетийг буудан унагаж байна.

Хоёрдугаар сарын 4-ний Бямба гарагт Хятад улсаас гаралтай агаарын бөмбөлгийг Өмнөд Каролина мужийн эргээс холгүй Атлантын далай дээр байхад нь сөнөөгч онгоцноос пуужингаар харваж унагасан билээ.

Вашингтоны эрх баригчид уг бөмбөлгийг Монтана мужид анх илэрснээс нь хойш хэдэн өдрийн турш дагаж ажигласан юм.

Хятадын засгийн газар үүнийг давагдашгүй хүчин зүйлийн улмаас замаасаа гарсан цаг уурын судалгааны зориулалттай техник гэж тайлбарлаж байв. Харин АНУ-ын засаг захиргаа тагнуулын зориулалттай нисдэг төхөөрөмж гэж үзэж байна.

Энэ явдлын дараа Баасан гарагт Аляскын алс умард хязгаарт хоёр дахь нисдэг биетийг унагасан бол Бямба гарагт Канадын баруун хойд Юкон мужийн нутагт гурав дахь биетийг унагасан юм.

Одоо унагасан нисдэг биетүүдийн үлдэгдлийг цуглуулах, шинжлэх ажил үргэлжилж байна.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

2 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...