Дэлхий дахинд

Европын холбоо Хятадын энхийн төлөвлөгөөнд итгэхгүй байна

Нийтэлсэн

2 жил өмнө

2023-03-23

Нийтэлч

ОХУ, Хятадын дипломат дотносолтыг Европын холбоо гэнэхэнээр хүлээж авахгүй гэж Европын зөвлөлийн ерөнхийлөгч Чарльз Мишель өчигдөр /2023.03.22/ хэлжээ. Гэхдээ энэ нь Бээжинтэй харилцах Европын холбооны харилцаанд саад болохгүйг мөн онцлов.

“Хятад улс Оросыг дэмжихгүй байх нь чухал гэдэгт бид бүрэн итгэлтэй байна. Харин тэд НҮБ-ын дүрмийн дагуу олон улсын хууль, тогтвортой байдлыг дэмжих нь чухал. Би тийм гэнэн биш. Хятад, Оросын хооронд нягт харилцаа байгаа гэдгийг мэднэ. Гэхдээ нөгөөтэйгүүр, ийм нөхцөлд бид Хятадтай бүх зүйл дээр санал нийлнэ гэдэг утгаар бус өөрсдийн эрх ашиг, зарчмыг хамгаалах хэрэгтэй байгаа учир тэдэнтэй харилцах шаардлагатай байгаа юм” гэж хоёр өдөр үргэлжилсэн дээд Брюсселийн хэмжээний уулзалтын үеэр тэр хэллээ.

Украины ерөнхийлөгч Зеленский 10 зүйлт энхийн төлөвлөгөөг танилцуулсан. Уг төлөвлөгөөг дэмжиж ажиллана гэдгээ Чарльз Мишель дахин баталсан байна. Зеленскийн төлөвлөгөө нь саяхан танилцуулсан Хятадын 12 зүйлт төлөвлөгөөнөөс өөр байгаа нь анхаарал татаад буй. Тодруулбал, Хятадын талаас гаргасан төлөвлөгөөнд Украинаас цэрэг гаргах тухай огт дурдаагүй байсан.

“Бид Хятадын төлөвлөгөөнд итгэхгүй байна. Харин ерөнхийлөгч Зеленскийн олон улын хууль, НҮБ-ын дүрэмд суурилсан төлөвлөгөөнд итгэнэ” гэж Чарльз Мишель хэлэв.

Европын холбоо энэ долоо хоногт Украинд нэг тэрбум еврогийн батлан хамгаалахын тусламж үзүүлэхээ мөн зарлав.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

1 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...