Дэлхий дахинд

Apple компанийн гүйцэтгэх захирал Хятадын эдийн засгийн чуулганд оролцохоор Бээжинд иржээ

Нийтэлсэн

2 жил өмнө

2023-03-27

Нийтэлч

Дэлхийн хамгийн өндөр үнэлгээтэй компани болох Apple-ийн гүйцэтгэх захирал Тим Кук энэ амралтын өдрүүдэд Бээжинд болох бизнесийн чуулганд оролцохоор Хятад улсад иржээ.

Түүнтэй хамт ахуйн бараа үйлдвэрлэлийн дэлхийн томоохон компани Procter & Gamble, хөрөнгө оруулалтын Blackstone, Bridgewater Associates компаниудын удирдлагууд ирсэн байна.

Тэд бүгд China Development Forum (CDF) арга хэмжээнд оролцох ажээ.

Уг арга хэмжээг жил бүр Швейцарын Давост болдог Дэлхийн Эдийн Засгийн Чуулганы хятад хувилбар гэж үздэг.

CDF нь цар тахлын улмаас гурван жил онлайн зохион байгуулагдсаны дараа энэ жил офлайн болж байгаагаараа онцлог юм.

Энэ удаагийн чуулганаар гадаадын бизнесмэнүүд саяхан шинээр томилогдсон Хятадын ерөнхий сайд Ли Чяньтай анх удаа уулзах магадлалтай байна.

Хятадын шинэ ерөнхий сайд өөрийн улсын эдийн засагт итгэх итгэлийг сэргээхээр идэвхтэй ажиллаж эхлээд байгаа.

Баасан гарагийн үдээс хойш Бээжингийн Санлитунд байдаг Apple-ийн дэлгүүрт Тим Кук зочилжээ. Энэ дэлгүүр нь Ази тивд хамгийн томд тооцогддог.

Хэдийгээр Америк-Хятадын харилцаа сайнгүй байгаа ч Apple-ийн нэр хүнд Хятадад өндөр байгаа. Өнгөрсөн оны сүүлийн улиралд Хятадын гар утасны зах зээлд Apple тэргүүлж, аравдугаар сард зарагдсан дөрвөн гар утас тутмын нэг нь iPhone байсныг Counterpoint судалгааны байгууллага мэдээлсэн байдаг.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

1 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...