Хоёрдугаар сарын 26-нд нэгэн сонирхолтой баярын өдөр тохиодог гэдгийг хүмүүс төдийлөн мэддэггүй. Өнөөдөр “Яарахгүй өдөр” гэсэн баяр олон улсын статустай болжээ. Ийм баяртай байх санааг италичууд сэдсэн бөгөөд  сэтгэлийн хөөрөлтэй итали түмэн анх 2007 онд энэ өдрийг тэмдэглэжээ. Баярын гол зорилго нь амьдралын агшин бүрээс яаралгүй таашаал авах явдал гэнэ.

Италичууд амьдралаа  илүү тав тухтай болгохоор яарахаас татгалзах 14 номнол гаргажээ. Тэнд жишээлбэл өглөө хэдэн минутаар эрт босч өглөөний хоолоо тааламжтай идэх, замын түгжрэлд  уурлаж уцаарлахгүй, жолооч нартай ярих эсвэл хөгжим сонсох, оройд ганцаараа бясалгал үйлдэх зэргийн зааварууд бий.

Яарвал даарна: Сонирхолтой баримтууд 

-Энэ өдөр Ром хотноо “Удаан марафонтай”. Жуулчдаас эхлээд хэн ч оролцож болно. 300 метрийн зайг 87 минутаас илүү хугацаанд тасралтгүй хөдөлгөөнтэй байж туулсан нь ялдаг.

-Миланд  яаруу хүмүүст бэлгэдлийн чанартай торгууль бичиж гардуулдаг.

-Амьтад дундаас хамгийн удаан нь болох эмгэн хумс цагийн 3,5 метрын хурдтай.

-Хоёрдугаар байранд нь залхуу бич орно. Мөчрөөс мөчир дамжин буухдаа бич хөдөлгөөн хийлгүйгээр унаж чаддаг. Гэхдээ харин усанд цагийн 4км-ын хурд харуулж чадна.

-Хуурай газрын аварга яст мэлхийнүүд хэмжээнээсээ хамааран цагт 900 метрийн хурдтай хөдөлдөг.

-Гренландын туйлын аварга загас хүйтэн усанд амьдардаг тул маш удаан хөдөлгөөнтэй.

Өдрийн түүх

747 он – Эпокын Птоломейн эрин үе эхэлжээ.

1616 он – Алдарт одон оронч Галилео Галилейн дэлхий нарыг тойрдог тухай үзлийг олон нийтэд заахыг Ромын католик сүмээс хориглов.

1878 он-Францын гүн ухаантан ба хэл судлаач Эмиль Литтре “микроб” гэсэн үгийг бодож олсон нь 1878 оны энэ өдөр явуулсан захидалд нь бичигдэн үлджээ. Францын эрдэмтэн Шарль Седийо түүнээс микро организмуудад таарах нэр бодож өгөхийг гуйсны хариуд уг нэршил үүссэн гэдэг.

1815 он- Наполеон Бонапарт Элба арлаас оргожээ.Өөрийн талынхныхаа тусламжтайгаар тэр жижиг отрядын хамт Газар дундын тэнгисийн арлаас оргон Парист буцан ирээд засгийн эрхийг дахин авлаа.Гэхдээ алдарт “100 хоногийн” засаг барилтын дараа Ватерлоогийн дэргэдэх тулалдаанд  бүрэн ялагдсан Бонапартыг Атлантын далайн өмнөд хэсэг дэх Хувилгаан Еленагийн аралд дахин цөлөв.

1876 он- Япон-Солонгосын хооронд байгуулсан гэрээний дагуу япончууд тус улсад тусгай эрх дархтай болсон бөгөөд гурван боомт нээж, худалдааг хянахаар санаархаж эхлэв.

1909 он- Лондон хотын “Пелас” ордонд дэлхийн хамгийн анхны бүрэн хэмжээний өнгөт кино үзэгчдийн хүртээл болжээ.

1914 он- Алдарт “Титаник” хөлгийн өмнө бүтээгдсэн том хэмжээний усан онгоц болох “Британник” хөлөг үйлдвэрээс гарчээ.

1935 он- Адольф Гитлер Версалийн гэрээнээс ухарч, аугаа үндэстнийг байгуулна гэдгээ зарлан тунхаглажээ.

1936  он- Японы армийн залуу офицерууд хуйвалдажтөрийн эргэлт хийхээр завдав.

1971 он- НҮБ-ын ерөнхий нарийн бичгийн дарга У Тан “Эх дэлхийн өдөр”-ийг НҮБ-ийн гишүүн орон бүрт тэмдэглэж байх шийдвэр гаргав.

1980 он- Египет болон Израиль улс дипломат харилцаа тогтоов.

1993 он– “Аль-Каида” бүлгийн террористууд Дэлхийн худалдааны төвийн “Хойд Цамхаг”-ын гараашид тавьсан машинд бөмбөг дэлбэрч зургаан хүн амиа алдан, 1000 гаруй хүн шархдав.

1995 он- Их Британийн нутаг дэвсгэрт 1762 оноос хойш үйл ажиллагаа явуулсан “Барингс” хөрөнгө оруулалтын банк санхүүгийн алдаатай бодлогын улмаас дампуурлаа зарлав.

2001 он- “Талибан” хөдөлгөөнийг үндэслэгч мулла Мохаммад Омарын зарлигаар Афганистаны бүх нутаг дахь исламын шүтээнд нийцэхгүй гэсэн баримал хөшөөг устгах үүрэг өглөө. “Соёлын өвийг устгахаа зогсоохыг шаардсан” ЮНЕСКО-гийн  шаардлагыг тэрээр “Улс орны дотоод хэрэгт оролцлоо.Баримал хөшөө дурсгал нь бидний итгэл үнэмшил биш зөвхөн Афганистаны түүхийн нэг хэсэг учраас бид зөвхөн чулууг нурааж байна” гэжээ.

Гуравдугаар сарын эхээр, талибууд  тэсрэх бодис, их буу, пуужин, танкийн тусламжтайгаар Кабулаас 230 км-ын зайтай Бамиан муж дахь Буддагийн асар том хоёр баримлыг  устгажээ. Тэдний нэг нь 53 метрын өндөртэй(Америкийн Эрх чөлөөний хөшөөнөөс 7 метраар илүү),  1500 жилийн өмнө  хадан хананд сийлсэн байв. Нөгөө нь 38 метрийн өндөртэй ч насаар 300 жилийн илүүтэй байжээ.

2008 он- Хойд Солонгосын нийслэл хотод Нью-Йоркийн филармони тоглолт хийсэн нь тус улсын түүхэнд анхны тохиолдол болжээ.