Бусад
Хотын даргад нэрээ дэвшүүлсэн Э.Бямбацэрэн гомдолтой байна
С.Мөнхчулуун НИТХ-ын төлөөлөгчдийн олонхийн саналыг авсан ч Ерөнхий сайд түүнийг батламжлаагүйгээс өнөөдөр дахин санал хураалт явуулж буй. Өмнө нь улстөрийн хүрээнийхний дунд тархсан яриагаар өдгөөгийн НИТХ-ын дарга С.Амарсайхан хотын дарга болох “төлөг” зурагдаад байгаа гэгдэж байсан. Гэвч С.Мөнхчулуун заалнаас өөрийнхөө нэрийг дэвшүүлснээр ийн хотын даргын асуудал тулаан дэгдээгээд байгаа.
Тэгвэл өнөөдөр санал хураахын өмнө мөн Э.Бямбацэрэн хэмээх иргэн өөрийнхөө нэрийг дэвшүүлнэ гэж гарч ирэв. Уг нь бол энэ удаад С.Мөнхчулуун, С.Амарсайхан нарын нэр дээр санал хурааж У.Хүрэлсүхийн фракцийнхан хотод “туг”-аа мандуулах уу, өмнөх дарга С.Батболдын гэгддэг өөрөөр хэлбэл огцорсон М.Энхболдын талынхан эцсийн “цайз”-аа хамгаалах уу гэсэн тулаан явж байсан. Эндээс гурав дахь хүний нэрийг дэвшүүлбэл санал хагарах магадлалтай гэсэн таамаг ч байсан. Ийн хэний ч мэдэхгүй “нийслэлийн иргэн” хэмээх тодотголтой Э.Бямбацэрэн нэрээ дэвшүүлсэн нь санал хагалах нь уу гэсэн болгоомжлол төрүүлэхээр байв. Гэтэл хурал даргалагч Б.Батнасан ямар нэгэн санал хураалт явуулалгүйгээр Э.Бямбацэрэнг нэр дэвшүүлэхээс татгалзан одоо С.Мөнхчулуун, С.Амарсайхан нарын нэр дээр санал хураалт явуулах гэж байна. Харин Э.Бямбацэрэн нийслэл хотын иргэн хэн ч Нийслэлийн Засаг даргад нэрээ дэвшүүлэх эрхтэй иргэний эрхийг зөрчсөн гэсэн гомдолтой байгаа юм байна.
МОНГОЛ УЛСЫН ЗАСАГ ЗАХИРГАА, НУТАГ ДЭВСГЭРИЙН НЭГЖ, ТҮҮНИЙ УДИРДЛАГЫН ТУХАЙ
ДӨРӨВДҮГЭЭР БҮЛЭГ
Засаг дарга, түүний бүрэн эрх
26.3.Энэ хуулийн 26.2-т зааснаар нэр дэвшүүлсэн бол аймаг, нийслэлийн Засаг даргыг Монгол Улсын Ерөнхий сайд, сум, дүүргийн Засаг даргыг аймаг, нийслэлийн Засаг дарга, баг, хорооны Засаг даргыг сум, дүүргийн Засаг дарга тус тус 4 жилийн хугацаагаар томилох бөгөөд нөхөн томилогдсон Засаг даргад энэ хугацаа хамаарахгүй.
26.4.Энэ хуулийн 26.2-т заасан нэр дэвшигчийг мөн хуулийн 26.3-т заасан эрх бүхий албан тушаалтан томилохоос татгалзвал зохих шатны Хурал 15 хоногийн дотор энэ хуулийн 26.2-т заасан журмаар Засаг даргад дахин нэр дэвшүүлэх бөгөөд томилох эрх бүхий албан тушаалтан Хурлын тогтоолыг хүлээн авснаас хойш 5 өдөрт багтаан томилох шийдвэр гаргах үүрэгтэй.
26.5.Аймаг, нийслэл, сум, дүүргийн Засаг даргад нэр дэвшигч нь дараахь шаардлагыг хангасан байна:
26.5.1.дээд боловсролтой;
26.5.2.төрийн албанд 3-аас доошгүй жил ажилласан;
26.5.3.шүүхийн шийдвэрээр тогтоогдсон зээл, батлан даалтын болон бусад гэрээгээр хүлээсэн хугацаа хэтэрсэн өргүй байх;
26.5.4.шүүхийн шийдвэрээр тогтоогдсон татварын өр төлбөргүй байх;
26.5.5.ялгүй байх.
26.6.Баг, хорооны Засаг даргад нэр дэвшигч нь дараахь шаардлагыг хангасан байна:
26.6.1.шүүхийн шийдвэрээр тогтоогдсон зээл, батлан даалтын болон бусад гэрээгээр хүлээсэн хугацаа хэтэрсэн өргүй байх;
26.6.2.шүүхийн шийдвэрээр тогтоогдсон татварын өр төлбөргүй байх;
26.6.3.ялгүй байх.
нийслэл хотын иргэн хэн ч Нийслэлийн Засаг даргад нэрээ дэвшүүлэх эрхтэй иргэний эрхийг зөрчсөн байна.
Бусад
Зүй бусаар хорогдсон мал, амьтны сэг зэмийг устгах ажиллагаатай холбогдуулан үүрэг чиглэл өглөө
Улсын Онцгой комиссын Шуурхай штабаас 21 аймгийн Онцгой комисстой цахим хурал хийж, мал, амьтны сэг зэм устгах ажиллагааны нэгдсэн төлөвлөлтийг танилцуулж, Мал эмнэлгийн ерөнхий газар, Хөдөлмөр нийгмийн хамгааллын яам зэрэг байгууллагын төлөөлөл сэг зэм устгахтай холбоотой халдвар хамгааллын дэглэмийг мөрдөн ажиллах талаар мэдээлэл өглөө.
Энэ үеэр УОК-ын Шуурхай штабын дарга, ОБЕГ-ын дэд дарга, бригадын генерал Б.Ууганбаяр, Шуурхай штабаас хэрэгжүүлж байгаа арга хэмжээний талаар танилцуулсан юм. Тэрбээр 2000-2002, 2009-2010 оны зудын нөхцөл байдалтай харьцуулахад энэ өвлийн хувьд хэрэгжүүлж байгаа арга хэмжээний эхний үе шат үр дүнтэй байсныг онцолж, дараагийн шатны тактик ажиллагаа буюу зүй бусаар хорогдсон мал амьтны сэг зэмийг устгах ажиллагаатай холбогдуулан орон нутгийн түвшинд гарч байгаа зөрчил дутагдал, тулгамдаж байгаа асуудлаар холбогдох чиглэлийг өгсөн юм.
Улсын хэмжээнд гуравдугаар сарын 25-ны байдлаар 5.2 сая толгой мал хорогдсон бөгөөд Сүхбаатар аймаг 1.4 сая, Хэнтий 720 мянга, Дорноговь, Архангай, Төв, Дундговь аймаг малын хорогдол хамгийн өндөр байна.
Бусад
Шинэ Яармаг цогцолбор хорооллын үл хөдлөх хөрөнгийг худалдан борлуулж байна
Монгол Улсын Хөгжлийн банк нь зээлийн эргэн төлөлтийг бэлэн мөнгөөр, өмчлөх бусад үл хөдлөх хөрөнгөөр, үнэт цаасаар барагдуулах хүрээнд зарим зээлийг шүүхийн шийдвэрийн дагуу барьцаа хөрөнгөөр хангуулж, банкны өмчлөл, эзэмшилд үл хөдлөх хөрөнгө шилжүүлэн авах замаар зээлийн эргэн төлөлтийг хангуулан ажиллаж байна. Энэ хүрээнд Хөгжлийн банкны өмчлөх бусад үл хөдлөх хөрөнгөд бүртгэлтэй Шинэ яармаг цогцолбор хорооллын орон сууц, үйлчилгээний талбай, авто зогсоолын зориулалттай үл хөдлөх хөрөнгүүдийг олон нийтэд нээлттэй, ил тод, шилэн байдлаар худалдан борлуулах үйл ажиллагаа үргэлжлэн хийгдэж байна.
Шинэ Яармаг цогцолбор хороолол нь Нийслэлийн Хан-Уул дүүргийн 8 дугаар хорооны нутаг дэвсгэрт байршилтай бөгөөд Улаанбаатар хотын шинэ суурьшлын бүсэд Цэвэр агаарт хүүхэд залуучуудын чөлөөт цагаа зөв боловсон өнгөрүүлэх үйлчилгээний газрууд болох мөсөн өргөө болон спорт цогцолбор, хөл бөмбөгийн зориулалтын талбай, усан оргилуур, тээврийн хэрэгслийн хөдөлгөөн үл нэвтрэх хүүхдийн тоглоомын талбай, бүх төрлийн худалдаа үйлчилгээ, сургууль, цэцэрлэг нэг дор төвлөрсөн давуу талтай.
Шинэ Яармаг цогцолбор хорооллын А zone хэсэгт байрлах В1, В2 блок барилгын 1-14 давхарт 119 м.кв, 121 м.кв, 257 м.кв 4 өрөө орон сууц бүхий үл хөдлөх хөрөнгүүдийг худалдан авахаар сонирхож буй иргэн болон хуулийн этгээд нь арилжааны банкны зээл судлуулах замаар эсвэл бэлэн төлөлтөөр худалдан авах боломжтой юм.
Мөн B zone хэсгийн 7 блок орон сууц, 3 блок үйлчилгээ, 1 блок авто зогсоолын зориулалттай 35-80 хувийн гүйцэтгэлтэй дуусаагүй барилгууд бий. Эдгээр дуусаагүй барилгыг худалдаж авахыг сонирхож буй төсөл хэрэгжүүлэгч, барилга угсралтын салбарт үйл ажиллагаа явуулж буй компаниудад нээлттэй бөгөөд уг төслийн талаарх дэлгэрэнгүй мэдээллийг Хөгжлийн банкны цахим хуудас болох https://www.dbm.mn/news/1682 үл хөдлөх хөрөнгийн мэдээлэл цэсээс авч болно.
Үл хөдлөх хөрөнгө худалдан авахаар сонирхож буй хүсэлт гаргагч нь Хөгжлийн банкнаас гаргасан цахимаар санал өгөх зааврын дагуу санал илгээх бөгөөд тухайн сонирхож буй үл хөдлөх хөрөнгийн байрны дугаар, тоотыг зөв сонгох мөн 100 хувь бэлэн төлөлт болон арилжааны банкны зээлд хамрагдах замаар урьдчилгаа байршуулан худалдан авах тохиолдолд дансны хуулга, бусад нотлох баримтын хамт системд хавсаргаж оруулах шаардлагатай.
Монгол Улсын Хөгжлийн банкны өмчлөх бусад үл хөдлөх эд хөрөнгийг банкны өмчлөлд шилжүүлж авсан үнэ дээр тухайн үл хөдлөх эд хөрөнгийг худалдан борлуулахтай холбоотой гарах зардлуудыг нэмж худалдан борлуулах үнийг тогтоосон.
Бусад
ГССҮТ “Спортын анагаах ухаан, эрдэм шинжилгээний төв”-тэй хамтарч ажиллана
Гэмтэл согог судлалын үндэсний төвийн захирал Э.Галбадрах болон “Спортын анагаах ухаан, эрдэм шинжилгээний төв”-ийн дарга Б.Эрдэнэваанчиг нар хамтын ажиллагааны санамж бичигт гарын үсэг зурлаа.
ГССҮТ-ийн салбар эмнэлэг нь Спортын гэмтлийн төвтэй болсноор төрөлжсөн нарийн мэргэжлийн тусламж үйлчилгээний цар хүрээг нэмэгдүүлэх, олон улсын стандартад нийцсэн дэвшилтэт технологи, эмчилгээний аргуудыг нэвтрүүлэх, баг тамирчид төдийгүй иргэд үйлчлүүлэгчдэд чанар, хүртээмжтэй үйлчлэх бүрэн боломжтой болсон юм.
Хамтын ажиллагааны хүрээнд эмнэлзүйн сургалт, эрдэм шинжилгээний арга хэмжээ, төсөл хөтөлбөрийг хамтран зохион байгуулах, улмаар спортын анагаах ухаан, гэмтэл согогийн тусламж үйлчилгээний талаарх иргэд, олон нийтийн эрүүл мэндийн мэдлэг хандлагыг дээшлүүлэх үйл ажиллагааг хэрэгжүүлэхээр зорьсон байна.
Түүнчлэн спортын гэмтлийн тусламж үйлчилгээг өргөжүүлэх, сургалт болон эмчилгээний арга техникийн талаар мэдээлэл солилцох, баг тамирчдын бэртэл гэмтлийг оношлох, шаардлагатай тусламж үйлчилгээг үзүүлэх зэрэгт хамтран ажиллах юм.
Эх сурвалж: ГССҮТ
-
Нийгэм5 цаг өмнө
“Чингис Хаан” Олон улсын нисэх буудлын гадна автомашины зогсоол төлбөртэй боллоо
-
Нийгэм8 цаг өмнө
Зам, талбайд тогтсон 92 тонн усыг сорууллаа
-
Нийгэм9 цаг өмнө
Өнөөдөр орон даяар 16 цагт гамшгийн аюулын зарлан мэдээллийн дохио дуугарна
-
Улс төр9 цаг өмнө
Ерөнхий сайд Л.Оюун-Эрдэнэ НҮБ-ын Ерөнхий нарийн бичгийн даргын тусгай элч Жан Тодттой уулзав
-
Нийгэм3 цаг өмнө
Хотын соёлыг төлөвшүүлэх хүрээнд амьтны хүрээлэн, музейн хөтөлбөрүүдийг хэрэгжүүлж байна
-
Улс төр6 цаг өмнө
Үнэт цаасны зах зээлийн тухай хуулийн төслийн анхны хэлэлцүүлгийг хийв
-
Улс төр2 цаг өмнө
Дотоодын цэрэг өндөр чадвартай хөдөлгөөнт хүчинтэй болно