Нийгэм

Нийт шүүгчийн хуралдаан, шүүгчдийн зөвлөгөөн боллоо

Нийтэлсэн

1 жил өмнө

2024-04-26

Нийтэлч

Монгол Улсын дээд шүүхийн нийт шүүгчийн 2024 оны 4 дүгээр сарын 25-ны өдрийн хуралдаанаар дараах асуудлуудыг хэлэлцлээ.

Иргэний хөдөлгөөний намаас ирүүлсэн “Намын дүрмийн өөрчлөлтийг бүртгүүлэх тухай”, Эрхчөлөөг хэрэгжүүлэгч намаас ирүүлсэн “Намын даргаар Ш.Төмөрсүхийг бүртгүүлэх тухай” болон “Намын дүрмийн өөрчлөлтийг бүртгүүлэх тухай”, Зон олны намаас ирүүлсэн “Намын нэр болон дүрэмд өөрчлөлт оруулсныг бүртгүүлэх тухай” өргөдлүүдийг тус тус хэлэлцэж, бүртгэхээр шийдвэрлэлээ.

Харин иргэн Д.Алимаагийн ирүүлсэн “Монголын либерал намын даргын өөрчлөлтийг бүртгүүлэх тухай”, ШИНЭ намаас ирүүлсэн “Намын дүрмийн өөрчлөлтийг бүртгүүлэх тухай” өргөдлүүдийг хэлэлцэж, өргөдөлд хавсаргасан баримт бичиг шаардлага хангаагүй гэх үндэслэлээр бүртгэхээс татгалзав.

Мөн Улсын дээд шүүхийн нийт шүүгчийн хуралдааны дэгд өөрчлөлт оруулах санал хэлэлцэхийг хойшлуулав.

Иргэн болон захиргааны хэргийн харьяаллыг зааглан ялгахтай холбоотой Иргэний хэрэг шүүхэд хянан шийдвэрлэх тухай хууль болон Захиргааны хэрэг шүүхэд хянан шийдвэрэх тухай хуулийн холбогдох зүйл, заалтыг тайлбарлах тухай Захиргааны болон Иргэний хэргийн танхимын саналын танилцуулгыг сонсож, дэмжлээ.

Шүүх хуралдааны дэг болон хэрэг хянан шийдвэрлэх ажиллагааны журам зөрчсөн оролцогчид хариуцлага хүлээлгэх асуудлыг зохицуулсан холбогдох хуулиудад нэмэлт, өөрчлөлт оруулах саналыг хууль тогтоогчид уламжлах тухай асуудлыг хэлэлцэж, дэмжив.

Шүүгчдийн зөвлөгөөнөөр шүүгчийн хүсэлтийг хүлээн авч, зөвшөөрч, чөлөөлөх асуудлыг шийдвэрлэв гэж Монгол Улсын Дээд шүүхээс мэдээллээ.

Сэдвүүд:

Дэлгэрэнгүй ...

Нийгэм

Сэлэнгэ аймгийн Сант суманд цэргийн анги байгуулна

Нийтэлсэн

18 цаг өмнө

2025-05-01

Нийтэлч

24barimt

Батлан хамгаалахын сайд С.Бямбацогт Сэлэнгэ аймгийн Сант суманд ажиллалаа.

Энэ үеэр Сант сумын төв хэсэгт 1980 онд баригдаж, 2015 оноос хойш ашиглагдахаа больсон Хөдөө аж ахуйн техник мэргэжлийн сургуулийн хуучин барилгын одоогийн нөхцөл байдалтай танилцлаа.

Сүүлийн 30 гаруй жилийн хугацаанд огт ашиглагдаагүй, орхигдсон дээрх сургуулийн барилгыг сэргээн засварлан барилгын цэргийн анги, ахлагчийн сургууль байгуулахаар шийдвэрлэлээ.

Улаанбаатар хотын төвлөрлийг сааруулах, хөдөө орон нутагт ажлын байр бий болгох, орон нутгийн давуу тал, онцлогт түшиглэн газар тариалан эрхлэх боломжид дэмжлэг үзүүлэхэд Зэвсэгт хүчин хүч нэмж, орон нутгийн иргэдтэй хамтран ажиллахаар боллоо гэж Монгол Улсын Батлан хамгаалах яамнаас мэдээллээ.

Дэлгэрэнгүй ...

Нийгэм

Сэлэнгэ аймгийн Ерөө сум дахь түймрийн голомтод салхитай байна

Нийтэлсэн

18 цаг өмнө

2025-05-01

Нийтэлч

24barimt

2025 он гарсаар улсын хэмжээнд 12 аймгийн 55 сум, нийслэлийн 2 дүүрэгт, нийт 80 удаагийн ой, хээрийн гал түймэр бүртгэгдсэн. 2025 оны 05 дугаар сарын 01-ны өдрийн байдлаар Сэлэнгэ аймгийн Цагааннуур, Зүүнбүрэн, Ерөө, Түшиг сумдад гарсан 4 ой, хээрийн гал түймрийг унтраахаар Онцгой байдлын байгууллагын нийт 261 алба хаагч, 24 автомашин, хоёр нисдэг тэрэг, орон нутгийн мэргэжлийн ангиас 343 хүн, 67 автомашин, буюу түймрийн голомтод нийт 605 хүн, 91 автомашин, хоёр нисдэг тэрэгтэй ажиллаж байна.
ОБЕГ-ын дарга, хошууч генерал Г.Ариунбуян Сэлэнгэ аймагт гарсан ойн түймрийн голомтод унтраах ажиллагааг удирдлага, зохион байгуулалтаар ханган ажиллаж байна. Сэлэнгэ аймгийн Ерөө сум Буурагчин 2 дугаар баг “Хан-Хэнтий” тусгай хамгаалалт бүхий нутаг дэвсгэр “Майн-Зоо” гэдэг газар 2025.04.29-ны өдрийн 10:40 цагт ойн түймэр гарч, түймрийг унтраахаар Сэлэнгэ аймгийн Мандал сумын Онцгой байдлын хэлтсийн дарга, дэд хурандаа Э.Энхбаяраар ахлуулсан Онцгой байдлын байгууллагын нийт алба хаагчид, мэргэжлийн анги, нутгийн иргэд ажиллаж байна.
Нэмэлтээр нийслэлийн Онцгой байдлын газраас дэд хурандаа Э.Буянтогтохоор ахлуулсан алба хаагчдыг 2025.05.01-ны өдрийн хоёр нисдэг тэргээр түймрийн голомтод хүргэж, унтраах ажиллагааг зохион байгуулан ажиллаж байна.
Түймэрт урьдчилсан байдлаар 1897 га талбай өртсөн.
Сэлэнгэ аймгийн Ерөө сум дахь түймрийн голомтод салхитай байгаа тухай мэдээлэл ирүүллээ.

Дэлгэрэнгүй ...

Нийгэм

Монгол мэргэжилтнүүд Бутан Улсад гутлын сургалт зохион байгуулав

Нийтэлсэн

21 цаг өмнө

2025-05-01

Нийтэлч

24barimt

Бутан Улсын Цог Жавхлант Хаан Жигмэ Гэсэр Намжил Ванчукийн урилгаар Монгол Улсын “Хос Аз” ХХК-ийн мэргэжилтнүүд тус улсад үндэсний гутал урлах сургалт зохион байгуулжээ.

“Хос Аз” ХХК-ийн бүтээгдэхүүн хөгжүүлэлтийн захирал З.Ананд, загвар зохион бүтээгч Б.Ахмарал, технологич инженер Б.Бэхбат нар тус улсын үндэсний уламжлалт гутал болох “цоглам” гутлын загвар, технологийг сайжруулан боловсруулжээ. Улмаар Бутан Улсын залуучуудад “цоглам” гутал урлах тусгай сургалтыг нийслэл Тимпү хотод 2025 оны дөрөвдүгээр сарын 14-28-ны өдрүүдэд зохион байгуулсан байна.

Сургалтаар гутлын технологи заахаас гадна, загварын шийдэл, машин тоног төхөөрөмжүүд дээр ажиллах зарчим, гутал үйлдвэрлэлийн дамжлага дарааллыг эзэмшүүлэн, орчин үеийн хэрэглээнд нийцүүлэх боломжуудыг танилцуулжээ. Монгол мэргэжилтнүүд Бутан Улсын залуучуудад гутлын сургалт явуулж, мэргэжлийн гэрчилгээ олгосны зэрэгцээ цаашид олон чиглэлээр хамтран ажиллах талаар харилцан тохиролцсон байна.

Сургалтыг зохион байгуулагчдын зүгээс энэхүү арга хэмжээ нь зөвхөн мэдлэг, туршлага хуваалцахаар зогсохгүй хоёр орны соёлын гүүр болж, үндэсний өвийг хадгалах, түгээн дэлгэрүүлэх үйлсэд үнэтэй хувь нэмэр оруулж буйг онцолсон байна.

Дэлгэрэнгүй ...