Дэлхий дахинд

Өнгөрсөн онд гадаадын 600 орчим тагнуулыг илрүүлснээ Владимир Путин мэдэгджээ

Нийтэлсэн

6 жил өмнө

2019-03-07

Нийтэлч

Өчигдөр буюу Лхагва гарагт ОХУ-ын ерөнхийлөгч Владимир Путин тус улсын Холбооны Аюулаас Хамгаалах Байгууллагын удирдлагуудтай уулзаж, үг хэлсэн байна.

Тэр энэ үеэр Оросын газар нутаг дээр гадаад орнуудын тагнуулын үйл ажиллагаа эрчимжсэнийг дуулгаад шинээр зохион бүтээсэн зэр зэвсгийн мэдээлэл алдагдах аюул өсөн нэмэгдэж байгаа тул нууцлал хамгаалалтыг сайжруулахыг уриалжээ.

Мөн 2018 онд Оросын аюулаас хамгаалах байгууллага гадаадын нийт 129 тагнуулч, 465 мэдээлэгчийг илрүүлж, үйл ажиллагааг нь таслан зогсоосон тухай мэдээлсэн байна.

Гэхдээ Путин ямар улс орнуудын зүгээс тагнуулын ажиллагаа явуулсан талаар дэлгэрэнгүй мэдээлэл өгөөгүй юм.

“Оросын эсрэг гадаад орнуудын тагнуулын үйл ажиллагаа улс төр, эдийн засаг, шинжлэх ухаан, технологийн гээд бүх салбарт идэвхжиж байна. Холбооны Аюулаас Хамгаалах Байгууллага үүний эсрэг, тэр дотроо Оросын шинэ зэр зэвсгийн үйлдвэрлэлийн талаарх мэдээллийг нууцлан хамгаалахын төлөө эрчимтэй ажиллах ёстой” гэж тэр хэлжээ.

ОХУ болон Өрнөдийн харилцаа сүүлийн жилүүдэд эрс муудаж, Хүйтэн дайны үеийн түвшинд хүрээд байгаа. Өрнөдийн орнууд ч ОХУ-ын зүгээс тагнуул, кибер халдлагын ажиллагаа эрчимжиж байгаа талаар байнга ярьж, анхааруулах болсон.

Тухайлбал АНУ-ын засаг захиргаа тус улсад 2016 онд болсон ерөнхийлөгчийн сонгуулийн үр дүнд Москвагийн зүгээс зохион байгуулсан нийгмийг хутган үймүүлэх кибер ажиллагаа нөлөөлсөн гэж үзэж байгаа юм.

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...