Дэлхий дахинд

Саудын Арабын оргодол эгч дүүсийн визийг Хонг Конгийн эрх баригчид сунгахаар болжээ

Нийтэлсэн

6 жил өмнө

2019-03-07

Нийтэлч

Саудын Арабаас эрх чөлөөт нийгэмд амьдрахаар зугтаж яваа эгч дүүсийн оршин суух эрхийг нэг сараар сунгах болсноо Хонг Конгийн засаг захиргааныхан өчигдөр мэдээлжээ.

Дөрөвдүгээр сарын 8-ны өдрөөс өмнө тэд өөрсдийн шинээр амьдрах улс оронд оршин суух эрхээ авах ёстой юм. 20 болон 18 настай эгч дүү Рэм, Равана нар өнгөрсөн оны есдүгээр сард Шри Ланкын нийслэлээс Австралид хүрэхээр Хонг Конгод оргож ирсэн байна.

Тэднийг Саудын Арабын консул Хонг Конгийн олон улсын нисэх буудалд саатуулж, бичиг баримтыг нь хурааж авсан ажээ. Улмаар тэднийг Саудын нийслэл Рияд хот руу хүргэх онгоцонд суулгах үеэр зугтаж чадсан байна.

Есдүгээр сараас хойш эгч дүүс Хонг Конгод нуугдан амьдарч байгаа юм.

Саудын Арабт эмэгтэй хүн амьдрахад маш хэцүү, гэр бүлийнхэн нь боол мэт харьцдаг, байнга эрчүүдийн хараа хяналтад байдаг зэрэг нь тэднийг эх орноосоо зугтахад хүргэсэн байна.

Эгч дүүс Исламын шашнаас гарах хүсэлтэй байгаа нь Саудын Арабт үхлийн ял сонсох гэмт үйлдэл болдог ажээ. Ингээд Рэм, Равана нар Шри Ланкын нийслэл Коломбод гэр бүлийн хамт аялж явахдаа оргосон юм байна.

Эгч дүүсийн өмгөөлөгч нь тэднийг гурав дахь улс орны иргэн болгохоор ажиллаж байгаа бөгөөд эрх чөлөөт орны иргэн болох хангалттай үндэслэл байгааг саяхан хэвлэлд ярьжээ.

Эх сурвалж: CNN

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...