Дэлхий дахинд

Узбекистаны ерөнхийлөгч агсны охиныг гэрийн хорионоос шоронд шилжүүлжээ

Нийтэлсэн

6 жил өмнө

2019-03-07

Нийтэлч

2016 онд нас барсан Узбекистаны ерөнхийлөгч Ислам Каримовын охиныг гэрийн хорионоос шоронд шилжүүлэх шийдвэрийг тус улсын шүүхээс гаргажээ.

Одоо 46 настай Гульнара Каримова нь луйвар хийж, мөнгө угаасан хэргээр 2017 онд 10 жил шоронд хоригдох ял сонссон юм. Гэвч өнгөрсөн онд түүний ялыг гэрийн хорионд эдлүүлэх шийдвэр гаргаж, шоронгоос гэрт нь шилжүүлж байжээ.

Өнгөрсөн хугацаанд Каримова интернэт ашиглах, гэрээсээ гарч явах зэргээр хэд хэдэн удаа зөрчил гаргасан тул ийнхүү буцаан шоронд суулгахаар болсон байна.

Гульнара Каримова нэг үе дипломатч, поп дуучин болж, төмөр нударгаар Узбекистаныг захирч байсан ерөнхийлөгч эцгийнхээ залгамжлагч болох хүнд тооцогдож байв. Тэр эх орноо Испани улсад болон НҮБ-д төлөөлөн сууж байжээ. Телевизийн суваг эзэмшиж, үнэт эдлэлийн брэнд бүтээгдэхүүнээ хүртэл зах зээлд гаргаж байсан түүхтэй.

Мягмар гарагт түүнийг цагдаа нар охиных нь гэрээс хүчээр баривчилж явсан тухай өмгөөлөгч нь мэдээлжээ. Тухайн өдөр Ташкентын шүүх Каримовагийн үлдсэн ялыг шоронд эдлүүлэх шийдвэр гаргасан юм.

Прокурорууд түүнийг Орос, Британи, Арабын Нэгдсэн Эмират зэрэг нийт 12 улсад $1 тэрбум орчмын хөрөнгө эзэмшдэг гэмт хэргийн бүлэглэлтэй холбоотойг тогтоож байжээ.

ЗХУ задарснаас хойш Узбекистаныг 27 жил удирдсан Ислам Каримов 2016 оны есдүгээр сард нас барж, ерөнхий сайд асан Шавкат Миризёев түүнийг залгамжилж байв.

Эх сурвалж: BBC

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...