Японы мэргэжлийн сүмо бөхийн Харү башёгийн гуравдахь өдрийн барилдаан өндөрлөлөө. Их аварга Хакүхо М.Даваажаргал өнөөдөр Кайсейг дэвжээнээс хялбархан гаргаж ээлжит даваагаа авсан бол Какүрюү М.Ананд Эндотой эвгүй барилдаан хийж 2 дахь даваагаа авлаа. Какүрюү М.Ананд Эндогийн зайлах мэхэнд тэнцвэр алдсан боловч тогтож өөрөө зайлсан ч дэвжээнээс гарах дөхөв. Тэрбээр маш мэдрэмжтэй тогтон Эндог дэвжээнээс түлхэн гарган хоёрдахвь ялалтаа авсан байна.

Озеки цолтнуудаас Гойёдо л ганцаараа өрсөлдөгчөө давлаа. Цолоо хамгаалан барилдаж буй Точиношин Хокүтофүжид өвдөг шороодон 2 дахь унаагаа аван хүнд байдалд ороод байна. Харин озеки Такаясү Такаясүд унан эхний унаагаа авлаа.

Өнгөрсөн башёгийн түрүү бөх Тамаваши Б.Мөнх-Оргил өнөөдөр Мёогирюүд унасанаар хоёр унаатай болов. Мөн озеки цолны болзол сонссон Такакейшо Митакеумид унан хөгжөөн дэмжигчдээ гонсойлгов. Маэгаширагийн 4-т эрэмбэтэй Ичиножо А.Ичинноров өнөөдөр Точиозанаар гуравдахь даваагаа аван амжилттай барилдаж байна.

Дайшохо Ч.Шижирбаяр өнөөдөр Котоюкигээр дээд зимндааны анхны даваагаа авсан бол Чиёошома Г.Мөнхсайхан Котоекод өвдөг шороодов.

—–
Жюүрео зиндаанд 3-6 Кёкүшүхо Т.Эрдэнэбаатар, З-7 Азүмарү С.Тодбилэг, З-12 Миторюү Б.Төрболд, Б-12 Араваши Э.Дөлгөөн нар өрсөлдөгчөө давсан бол Кирибаяма Б.Лхагвасүрэн өвдөг шороодсон байна.