Дэлхий дахинд

Цөмийн зэвсгээс ангижрах үүргээ биелүүлэхэд бэлэн байна

Нийтэлсэн

6 жил өмнө

2019-03-13

Нийтэлч

Admin

ПЁНЬЯН. /TASS/. БНАСАУ Солонгосын хойгийг цөмийн зэвсгээс ангижруулах үүргээ чанд даган мөрдөж, АНУ-тай хэлэлцээгээ үргэлжлүүлэхэд бэлэн байна. Энэ тухай Умард Солонгосын “Уриминжоккири” мэдээллийн цахим хуудсанд гарсан “Цөмийн зэвсгээс бүрэн ангижрах зам бол манай улсын гуйвшгүй байр суурь юм” гэдэг гарчигтай нийтлэлд дурджээ.

“Манай улсын хатуу байр суурийн гол зорилго бол шинэ зууны шаардлагад нийцүүлэн хоёр улсын хооронд /БНАСАУ, АНУ/ шинэ харилцаа тогтоох, Солонгосын хойгт бат бөх бөгөөд тогтвортой энх тайвныг тогтоох, цөмийн зэвсгээс бүрэн ангижрахад чиглэгдсэн” гэж уг нийтлэлийг бичигч цохон тэмдэглэсэн байна.

Нийтлэлд мөн хоёрдугаар сарын эцсээр БНАСАУ-ын удирдагч Ким Жөн Ун, АНУ-ын Ерөнхийлөгч Дональд Трамп нар Ханой хотод уулзах үеэрээ хэлэлцсэн асуудлын шийдлийг олохын тулд “үр өгөөжтэй яриа хэлэлцээгээ” үргэлжлүүлэхээр тохиролцсон гэдгийг онцлон тэмдэглэжээ.

Хоёр орны удирдагчид Вьетнамд уулзсанаас хойш БНАСАУ цөмийн зэвсгээс ангижрах үүргээ биелүүлэх хэвээр гэдэг гол санааг энэхүү нийтлэлд шингээж, хэвлэлд дурдсан анхны тохиолдол энэ болохыг олон улсын ажиглагчид онцолж байна.

Хоёрдугаар сарын 27-28-нд Ханой хотод болсон АНУ-БНАСАУ-ын хоёр дахь дээд хэмжээний уулзалтаар талууд тохиролцоонд хүрч чадаагүй юм. Хоёр орны удирдагчид хэд хэдэн удаа нүүр тулан уулзсан боловч хамтарсан баримт бичигт гарын үсэг зуралгүй, яриа хэлэлцээгээ үргэлжлүүлэхээр тохиролцсон билээ.

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...