Энтертайнмент

Д.Ганга: “Comedy Lab” бүхнийг эхнээс нь эхэлж байгаа

Нийтэлсэн

6 жил өмнө

2019-03-14

Нийтэлч

Хошин урлагийн нэгэн төрөл болох Stand up comedy-аар өөрсдийн гэсэн үзэгчтэй болсон “UB comedy” клубын залуус дунд маргаан гарч, таван жилийн ойгоороо бутраад байна. Энэ талаар бид “UB comedy” клубын экс гишүүн Д.Гангаас цөөн асуултад хариулт авлаа.

-“UB comedy” клубын залуус яагаад өрх тусгаарлах болов. Энэ талаар тайлбар өгөөч?

-Бидний дунд үл ойлголцол үүссэн. Мэдээж энэ бол залуусын хоорондын асуудал. Хөндлөнгөөс харвал солонгос драм шиг юм боллоо./инээв/ “UB comedy” клубыг үүсгэн байгуулагч Б.Батбилэгтэй ойлголцож чадаагүй. Тийм учраас бидний хэсэг залуус тусдаа гарч клубээ байгуулаад эхний тоглолтоо гуравдугаар сарын 8-нд хийлээ. Харин Б.Идэр-Одын хувьд хоёр клубт хоёуланд нь тоглохоо хэлсэн.

-“Comedy Lab” клубт хэн хэн багтсан бэ?

-Амаржин, Амараа, Хану, Төөгөө, Мөнхжин, Тулга гээд бид долоо “Comedy Lab” клубыг үүсгэн байгууллаа. Эхний тоглолтоо эмэгтэйчүүдийн баярын өдөр зохион байгуулж, фэнүүдтэйгээ дахин уулзсан. Мэдээж энэ тоглолтоос их урам зориг авлаа. Бүхнийг эхнээс нь эхэлж байгаа учраас саад их л байгаа. Гэхдээ маш сайн бэлтгэгдэж байна. Дараагийн тоглолтоо эрчүүдийн баярт зориулан гуравдугаар сарын 16-ны өдөр “Чингис” зочид буудлын “Khaan ball”-д хийхээр болсон.

-Та бүхэн сайн үйлсийн аяны үйл ажиллагаа хийж байгаа гэсэн. Энэ талаар мэдээлэл авмаар байна?

-Сайн үйлсийн аяныг манай клубын Хану анх санаачилсан. Бидний зүгээс их, дээд сургуульд тоглолт хийж, олсон ашгаа хэрэгтэй хүнд нь өгсөн байгаа. Хөгжлийн бэрхшээлтэй оюутан залуус, иргэдэд тусалж байгаа. Анагаахын их сургууль, Батлан хамгаалахын их сургууль гээд бидний тоглолт хийсэн газар олон бий. Тухайн сургуулийн холбогдох хүмүүстэй ярилцаад туслах шаардлагатай оюутанд тусламж өгсөн.

-“Comedy Lab” клубээс дараагийн төлөвлөсөн тоглолтын талаар сонирхоё?

-Одоогоор эрчүүдийн баярт зориулсан тоглолтод бэлдээд зав муутайхан явна. “Comedy Lab” клубыг байгуулсан учраас нээлтээ хийх ёстой. Энэ талаар ярилцаж байгаад гуравдугаар сардаа багтаагаад хийх байх.

Сэдвүүд:

Дэлгэрэнгүй ...

Сэтгэгдэл үлдээх

Энтертайнмент

Х.Тэргэл дартсын дэлхийн чансааг тэргүүлсэн анхны Ази тивийн тоглогч болов

Нийтэлсэн

6 цаг өмнө

2025-06-17

Нийтэлч

24barimt

Их Британийн нийслэл Лондон хотод дартсын өсвөр үеийнхний “ADVANCED TOUR-2025” дэлхийн лигийн тэмцээн энэ оны нэгдүгээр сараас эхэлж, өчигдөр дүнгээ гаргалаа. Зөвхөн 16 хүртэлх насныхан оролцдог 20 цуврал тэмцээний нийлбэр дүнгээр Монгол Улсын тамирчин, 14 настай Х.Тэргэл тэргүүн байр эзэлж, дэлхийн чансааг мөн тэргүүлэв.

Дэлхийн чансааг Ази тивээс тэргүүлсэн анхны тоглогч Х.Тэргэл болж байна. Энэ лигийн тэмцээнд есөн орны дэлхийн шигшмэл 32 тамирчин оролцсон бөгөөд анхдагч амжилтын эзэн Х.Тэргэл нь 2022, 2023 оны өсвөрийн багийн ДАШТ-ий хүрэл медаль, 2024 оны ДАШТ-ий ганцаарчилсан төрөлд хүрэл медаль эзэлсэн ба Монгол Улсын дөрвөн удаагийн аварга тамирчин юм.

Удамт тоглогчийн ээж Ш.Эрдэнэтуяа нь дартсын спортын ОУХМ, Монгол Улсын аварга бол нагац ах Ш.Ганзориг, Ш.Ган-Эрдэнэ нар нь ОУХМ, Монгол Улсын аварга цолонд хүрсэн тамирчид байна.

Дэлгэрэнгүй ...

Энтертайнмент

Монголын шатарчид багийн дэлхийн аварга боллоо

Нийтэлсэн

1 өдөр өмнө

2025-06-16

Нийтэлч

24barimt

Английн нийслэл Лондон хотод шатрын багийн дэлхийн аварга шалгаруулах тэмцээн зургаадугаар сарын 10-15-нд болов. Тэмцээнд 64 орны 420 тамирчин өрсөлдсөн бөгөөд манай улсаас гурван баг өрсөлдөхөд “Монгол Б” баг 2400 хүртэл рейтингтэй багуудын түргэн тоглолтын төрөлд тэргүүн байр эзэлж, төрийн дуулалаа эгшиглүүллээ. Энэ тэмцээнд: GM 111, WGM 12, IM 61, WIM 6, FM 48, WFM 17, CM 17, WCM цолтой 7 тамирчин өрсөлдсөн байна. Дэлхийн аварга цолонд хүрсэн “Монгол Б” багт багийн ахлагч, Үндэсний шигшээ багийн дасгалжуулагч С.Билгүүн, С.Ган-Эрдэнэ, Б.Мөнгөнтуул, Б.Мөнгөнзул, Н.Содбилэгт, Г.Энхбаяр нар өрсөлдсөн юм.

Дэлгэрэнгүй ...

Энтертайнмент

“Ромео, Жульетта” эмгэнэлт драмын жүжгийг маргааш нээнэ

Нийтэлсэн

1 сар өмнө

2025-05-08

Нийтэлч

24barimt

Улсын Хүүхэд залуучуудын театр Уильям Шекспирийн зохиол “Ромео, Жульетта хоёр” эмгэнэлт драмын жүжгийг 59 жилийн дараа төрөлх театрынхаа тайзнаа дахин тоглоно.

Анх 1966 онд Ардын жүжигчин С.Гэндэнгийн найруулгаар Хүүхэд залуучуудын театрын тайзнаа тоглогдож байсан “Ромео, Жульетта хоёр” жүжгийг ирэх 5 дугаар сарын 9-ний өдөр нээх бөгөөд уг бүтээлд 100 гаруй уран бүтээлч, ажилтан оролцож байна.

Гол дүр болох Ромеогийн дүрд жүжигчин Б.Түвшинбаяр, Жульеттагийн дүрд жүжигчин М.Батгэрэл нар тоглох бөгөөд урилгаар Төрийн соёрхолт, УГЖ Ц.Төмөрбаатар, УГЖ Н.Нармандах, СТА Ж.Даваасамбуу нар оролцоно. Жүжгийн Ерөнхий найруулагчаар тус театрын найруулагч СТА Б.Энхээ ажиллаж байгаа бөгөөд Ерөнхий продюсероор УГЖ Н.Ариунболд, Ерөнхий зураачаар УГЗ Г.Ганбаатар нар ажиллаж байна.

74 жилийн түүхт Улсын Хүүхэд залуучуудын театр 27 жилийн дараа дахин хөшгөө нээгээд удаагүй ч “Арслан хүлэгт баатар” хүүхдийн жүжиг, “Хайрыг хайрла”, “18 дахь хаврын хайр” драмын жүжиг болон “Хүүхнүүдийн хаанчлал” инээдмийн водевиль жүжгүүдийг үзэгчдэдээ толилуулаад байсан бол энэ удаа сонгодог бүтээлийг ийнхүү тайзнаа амилуулахад бэлэн болжээ.

Улсын Хүүхэд залуучуудын театр дэлхийн болоод үндэсний хэмжээний бүх насныханд зориулсан тайзны урлагийн бүтээлээр дамжуулан урлаг гоо зүй, соёлын боловсролыг түгээсээр байна.

Дэлгэрэнгүй ...