Дэлхий дахинд

Утрехт хотод зэвсэглэсэн этгээд халдлага үйлджээ

Нийтэлсэн

6 жил өмнө

2019-03-19

Нийтэлч

Admin

Даваа гарагийн орой Нидерландын Утрехт хотын трамвайд зэвсэглэсэн этгээд гал нээсний улмаас гурван хүн амиа алдаж, таван хүн шархадсан байна.

Цагдаагийн газрын төлөөлөгчдийн мэдээлснээр, уг халдлагыг Туркийн иргэн, 37 настай Гокмен Танис гэгч этгээд үйлдсэн ба түүнийг хэргийн газраас 3 орчим километр зайд орших барилгаас хэдэн цагийн дараа баривчилжээ. Тэрбээр ямар шалтгааны улмаас халдлага үйлдсэн нь тодорхойгүй байна.

Халдлага болсны дараа гэмт этгээдийг хот даяар эрэн сурвалжилж, сургуулиудыг түр хугацаагаар хаасны зэрэгцээ аюулаас хамгаалах хүчний бие бүрэлдэхүүн нисэх онгоцны буудал болон сүмүүдэд хамгаалалтад гарчээ.

Хэргийн газарт байсан хүмүүсийн мэдээлснээр, нэгэн эрэгтэй трамвай дотор гэнэт гал нээж эхэлсэн аж. Гэмт этгээд халдлага үйлдсэний дараа хэргийн газраас зугтсан бөгөөд цагдаагийн ажилтнуудын явуулсан ажиллагааны дүнд түүнийг баривчилжээ.

Утрехт нь Нидерландын дөрөв дэх том хот бөгөөд 340 мянга орчим оршин суугчтай юм. Тус хотод гэмт хэргийн гаралт харьцангуй бага байдаг ба галт зэвсгээр халдлага үйлдэх нь тун ховор тохиолддог байна.

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...