Дэлхий дахинд

Цагаан ордон Трамп, Путин нарын уулзалтын тэмдэглэлийг конгресст өгөхөөс татгалзав

Нийтэлсэн

6 жил өмнө

2019-03-22

Нийтэлч

АНУ-ын конгрессийн гурван байнгын хороо Америк, Оросын ерөнхийлөгч нарын уулзалтын тэмдэглэлийг гаргаж өгөхийг Цагаан ордны захиргаанаас шаардсан юм.

Өнгөрсөн оны долдугаар сард Дональд Трамп, Владимир Путин нар Финландын нийслэл Хельсинки хотод уулзсан билээ. Энэ үеэр тэд зөвхөн орчуулагч оролцуулан хаалттай хаалганы цаана ярилцсан нь олон хүнд сэжиг төрүүлж байв.

Тэгвэл Цагаан ордны төлөөлөгч Пат Чиполлоне өчигдөр конгрессийн төлөөлөгчдийн танхимд ирүүлсэн хариу захидалдаа уулзалтын тэмдэглэлийг өгөхөөс татгалзжээ.

Уг захидалд “Ерөнхийлөгч нь гадаад орнуудын удирдагч нартай уулзахдаа мэдээлэл нь задрахаас айлгүйгээр чөлөөтэй ярилцах ёстой” гэж тэр татгалзсан шалтгаанаа тайлбарласан байна.

Өнгөрсөн оны арваннэгдүгээр сард болсон конгрессийн сонгуулийн үр дүнд төлөөлөгчдийн танхимд Ардчилсан намынхан олонх болсон. Тэр үеэс хойш төлөөлөгчдийн танхим Цагаан ордны үйл ажиллагааг хянанж шалгах нь улам эрчимжээд байна.

2016 оны ерөнхийлөгчийн сонгуульд Оросын талаас ямар оролцоо байсныг мөрдөн шалгах үүрэгтэй АНУ-ын ерөнхий прокурорын тусгай төлөөлөгч Роберт Мюллер ажлынхаа тайланг удахгүй танилцуулах гэж байгаа юм.

Тэрээр тайлангаа эхлээд ерөнхий прокурорт илгээх бөгөөд үүний дараа олон нийтэд ил болгох, эсвэл зөвхөн конгресст танилцуулахыг шийдэх ажээ.

Эх сурвалж: Associated Press

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...